“ഇതിപ്പോള്‍ ഈ നരുന്ത് പോലെ ഉള്ള പെണ്ണിനെ ആണോ അരിന്ദം മോന്‍ കെട്ടുന്നത്. അതും വെറും മുപ്പത് ലക്ഷം രൂപ മാത്രം മേടിച്ചു. എന്‍റെ ചേച്ചി അരിന്ദമിന് നല്ല ജോലി ഇല്ലേ. ലക്ഷങ്ങള്‍ ശമ്പളവും ഉണ്ട്. ഒരു കോടി രൂപയെങ്കിലും മിനിമം സ്ത്രീധനം കിട്ടേണ്ടതാണ്.” അരിന്ദമിന്‍റെ അമ്മയുടെ കൂടെ ഉണ്ടായിരുന്ന സ്ത്രീയുടെ അഭിപ്രായമായിരുന്നു.
“ആ പെണ്ണ്‍ എന്തോ കൂടോത്രം ചെയ്തു വെച്ചതാണ് ബഹന്‍. അവനോട് ഞാന്‍ പലപ്രാവശ്യം പറഞ്ഞതാണ് പക്ഷേ അവന് നിര്‍ബന്ധം ഇവളെ തന്നെ മതി എന്ന്. എന്‍റെ മുജ്ജന്മപാപം ആയിരിക്കും ഈ പിച്ചകുടിയില്‍ നിന്നും ബഹുവിനെ എടുക്കാന്‍.”
എനിക്കെന്തോ അത് കേട്ടു നില്‍ക്കാന്‍ കഴിഞ്ഞില്ല. ഞാന്‍ നേരെ അരിന്ദമിന്‍റെ അടുത്തേക്ക് പോയി. അവനോടു ഞാന്‍ അവിടെ നിന്നും കേട്ടതൊക്കെ പറഞ്ഞു. അരിന്ദം എന്നെ സമധാനിപ്പിക്കുന്നതിനു പകരം അമ്മയെ ന്യായീകരിക്കാന്‍ ആണ് ശ്രമിച്ചത്. എനിക്ക് അരിന്ദമിന്‍റെ ന്യായീകരണം കേട്ടപ്പോള്‍ തന്നെ ദേഷ്യം വന്നു. എന്ഗേജ്മെന്റിനു വന്നവര്‍ ഞങ്ങളുടെ ചുറ്റും കൂടി. ഒടുവില്‍ ഞങ്ങള്‍ തമ്മിലുള്ള വഴക്ക് ബന്ധുക്കള്‍ ഏറ്റെടുത്തപ്പോള്‍ അത് ഞങ്ങള്‍ തമ്മിലുള്ള വഴിപിരിയലില്‍ ആണ് എത്തിയത്.
പിറ്റേ ദിവസം ഓഫീസില്‍ എത്തിയപ്പോള്‍ ആണ് എനിക്ക് മനസ്സിലായത് ഞാന്‍ സുഹൃത്തുക്കള്‍ ആയി കണ്ടവര്‍ പോലും എന്നെ ബാക്ക് ബൈറ്റ് ചെയുകയാണ് എന്ന്. ഞാന്‍ ഇമോഷണലി ഡൌണ്‍ ആയി നിന്ന അവസ്ഥയില്‍ എന്നെ മുതലെടുക്കാന്‍ ആണ് അവിടെ ആളുകള്‍ ഉണ്ടായിരുന്നത്. അന്നവിടെ വെച്ചു തീര്‍ന്നു എനിക്ക് ഓഫീസ് റിലേഷനില്‍ ഉള്ള വിശ്വാസം. അതിന് ശേഷം ഞാന്‍ ആ കമ്പനി വിട്ടു XXXകമ്പനിയില്‍ ജോയിന്‍ ചെയ്തു അവിടെ നിന്നും ഇവിടെയും.
(വര്‍ത്തമാനകാലത്തിലേക്ക് ഇനി ഞാന്‍ എന്നുള്ളത് ജയകൃഷ്ണന്‍ ആയിരിക്കും)
“എനിക്കറിയില്ല ജയ്‌ ഞാന്‍ അന്നാ കല്യാണം മുടക്കിയത് ശരി ആയ കാര്യമാണോ എന്ന്. വരനെയും വീട്ടുകാരെയും അപമാനിച്ച മുപ്പത് വയസ്സ് കഴിഞ്ഞ അഹങ്കാരി പെണ്ണിന് പിന്നെ അധികം ആലോചന ഒന്നും വന്നില്ല. അരിന്ദം വേറെ കല്യാണം കഴിച്ചു. ഞാനോ.. സ്റ്റില്‍ ഐയാം ടേക്കിങ്ങ് മെഡിസിന്‍ ഫോര്‍ ഡിപ്രഷന്‍. ഐയാം സകേര്‍ഡ് ടു ഷോ മൈ സോഫ്റ്റ്‌ സൈഡ്. പീപ്പിള്‍ വില്‍ ടേക്ക് അഡ്വാന്‍ട്ടേജ് ഓഫ് മീ.”
ഏങ്ങലടിച്ചു കൊണ്ടിരുന്ന സുചിത്രയുടെ ഇടത്തെ കൈ ഞാന്‍ എന്‍റെ വലത്തേ കൈ കൊണ്ട് മുറുക്കി പിടിച്ചു. അവളുടെ കണ്ണുകളിലേക്ക് ആഴത്തില്‍ നോക്കി കൊണ്ട് പറഞ്ഞു.
“ഞാന്‍ ഒരിക്കലും നിന്നെ ബ്ലെയിം ചെയില്ല. നമ്മുടെ നാട്ടില്‍ കല്യാണം എന്നാല്‍ രണ്ടു വ്യക്തികള്‍ തമ്മില്‍ എന്നതിനേക്കാള്‍ രണ്ടു കുടുംബങ്ങള്‍ തമ്മിലാണ് നടക്കുക. ആദ്യം തന്നെ എന്തെങ്കിലും കല്ല്‌ കടി തോന്നിയാല്‍ നിര്‍ത്തി പോകാനുള്ള ധൈര്യം ഇല്ലാത്തത് കൊണ്ടാണ് പലര്‍ക്കും പിന്നീടുള്ള ജീവിതം ബുദ്ധിമുട്ട് ആകുന്നത്. യൂ ആര്‍ എ ബ്രേവ് ഗേള്‍. യൂ ഹാവ് ടു സ്റ്റോപ്പ്‌ സ്റ്റാല്‍ക്കിങ്ങ് അരിന്ദം.” ഞാന്‍ ഒരു പുഞ്ചിരിയോടെ പറഞ്ഞു നിര്‍ത്തി.
