ഞാൻ എന്റെ മൊബൈലിൽ അവളുടെ നമ്പർ കുത്തി. അത് സ്വിച്ച് ഓഫ്‌ ആണ് ആളെവിടെ,…. ഞാൻ ടവൽ എടുത്തു കുളിക്കാൻ കയറി,
കുളി കഴിഞ്ഞു മുറിയിലേക്ക് വന്ന് ഡ്രസ്സ്‌ ചെയ്യുമ്പോൾ, കുറച്ചു മുൻപ് മേശപ്പുറത്ത് വച്ച പാക്കറ്റ് അപ്രത്യക്ഷം……….
ഓ ഹോ…… അപ്പൊ ആളിവിടെ പരിസരത്ത് എവിടെയോ തന്നെഉണ്ട്……
സാധാരണയിൽ കവിഞ്ഞു ഞാൻ ഒരു മുണ്ടും ഷർട്ടുമെടുത്തുടുത്തു, ആ കട്ടിലിൽ തന്നെ അവളെയും കാത്തിരുന്നു……..
കുറെ കഴിഞ്ഞപ്പോൾ എന്റെ മുറിയുടെ വാതിൽ കരഞ്ഞു….
അവൾ…… എന്റെ രേഷ്മ ആ വാതിൽക്കൽ പ്രത്യക്ഷപ്പെട്ടു…. അപൂർവമായി മാത്രം അവൾ ഉടുക്കാറുള്ള നേരിയ കരയുള്ള ഒരു സെറ്റ് സാരി ഉടുത്തു കൊണ്ടു എന്റെ രേഷ്മ കൈയ്യിൽ ഒരു ഗ്ലാസ് പാലുമായി കടന്നു വന്നു…… ഒരു ദേവത കണക്ക്.
ഇതിന് മുൻപും ചില രാത്രികൾ നമ്മുടെ മുൻപിൽ കൂടി കടന്ന് പോയിട്ടുണ്ട്… പക്ഷെ അതിന്നൊന്നുമില്ലാത്ത എന്തോ ഒരു മനോഹാരിത ഈ രാത്രിക്കുണ്ട്….
പാലിന്റെ ഗ്ലാസ് അവളെനിക്ക് നീട്ടി….
എടി രേഷ്മ… ഈ കാര്യത്തിൽ നമ്മുടെ ഇടയിൽ ഒരു ഫോര്മാലിറ്റി വേണോ…. ?
ഇതൊക്കെ പഴയ ഫാഷനല്ലേ… ?
അത് ഒരു ചടങ്ങല്ലേ……അതുകുട്ട… !!
ആ സെറ്റ് സാരിയിൽ,… അവളുടെ കുലീനത പ്രകടമാകുന്ന രൂപത്തെ കണ്ണിമയ്ക്കാതെ ഞാൻ നിമിഷങ്ങളോളം നോക്കിയിരുന്നു.
സത്യത്തിൽ അവളുടെ നിറയവ്വനത്തിന്റെ തിളക്കം, ഞാൻ ദർശിക്കുന്നത് ഇപ്പോഴാണ്, ഇത്രയും കാലം എന്റെ മുന്നിൽ ഉണ്ടായിട്ടും, അവളെ ഞാൻ അത്തരം ദൃഷ്ടിയോടെ ദർശിച്ചിട്ടില്ല……… ഒരു പക്ഷെ, ആ യഥാർത്ഥ സൗന്ദര്യം ദർശിക്കാൻ എന്റെ അകക്കണ്ണുകൾ തുറന്നിരുന്നില്ലായിരിക്കാം……….
