സഹോദരീ സഹോദരരുടെ മക്കൾ തമ്മിലും (മുറ പെണ്ണ് മുറച്ചെറുക്കൻ,) സഹോദരിയുടെ മകളെയും (തമിഴ്നാട്ടിൽ മുറൈ മാമൻ സമ്പ്രദായം ) വിവാഹം ചെയ്യുന്ന ഗോത്ര ശീലങ്ങൾ പിന്തുടരുന്നവരുണ്ട്.
അത് പോലെ പൗരാണിക ഹീബ്രു ദേശത്തെ കഥകളിൽ ആദമിന്റെ യും ഹവ്വയുടെയും മക്കൾ തമ്മിൽ വിവാഹ ബന്ധത്തിൽ ഏർപ്പെട്ട് കൊണ്ടാണ് തലമുറകളെ സൃഷ്ടിച്ചത്… പിന്നീട് സർവം നശിപ്പിച്ച നോഹയുടെ കാലത്തെ പ്രളയത്തിന്ശേഷവും മനുഷ്യരാശി നിലനിന്നതും അങ്ങിനെയുള്ള മാതൃ പുത്രീ പരിണയങ്ങളിൽ കൂടെ തന്നെയാവണം അല്ലാതെ വേറെ വഴിയൊന്നും ഇല്ല
സോദേം ദേശത്തെ ലോത്തിന്റെ ജനത സ്വവർഗ്ഗ ലൈംഗികതയിൽ അഭിരമിച്ചതിന് ശിക്ഷയായി ആ രാജ്യം നശിപ്പിച്ചപ്പോൾ തലമുറകൾ സൃഷ്ടിക്കുവാനായി ലോത്തിന് വീഞ്ഞു കൊടുത്തു മയക്കി അദ്ദേഹത്തിന്റെ പെൺകുട്ടികൾ അദ്ദേഹവുമായി രതിയിലേർപ്പെട്ട് ഗർഭിണികളായ കഥകളും ഉണ്ട്
ലൈംഗികതയുടെ ആത്യന്തിക ലക്ഷ്യം പ്രജനനം ആയത് കൊണ്ട് തന്നെ ബാഹ്യസമ്മർദ്ദങ്ങളില്ലാതെ സഹജതയിൽ നിലനിൽക്കുന്ന ഒരാളുടെ തലച്ചോറിന് ,ഇണയുടെ കാര്യത്തിൽ ബന്ധങ്ങൾ തിരിച്ചറിയാനുള്ള കഴിവില്ല എന്നാണ് എന്റെ നിഗമനം. ആ കഴിവില്ലായ്മ ആണ് ഇത്തരം കഥകളിൽ നാം കാണുന്നത്..”
ദീദിമാ പറയുന്നത് ശരിയാണെങ്കിൽ…. ബുദൂറിനെ കുറ്റപ്പെടുത്തുന്നതിൽ കാര്യമില്ല…. വഴക്കൊന്നും പറയാതെ തന്നെ അവളെ പറഞ്ഞു പിൻതിരിപ്പിക്കുകയും പെട്ടെന്ന് അനുയോജ്യനായ ഒരാളെ കണ്ടെത്തി വിവാഹം നടത്തി കൊടുക്കുകയും ചെയ്യണം എന്ന് ഇഷ്താര മനസ്സിൽ കണക്കു കൂട്ടിയിട്ടും ,ശേബ തന്റെ വിവരണത്തിന്റെ സംഗ്രഹത്തിലെത്തിയിരുന്നില്ല.
അവൾ തുടർന്നു
” ഗ്രീക്ക് റോമാ പുരാണങ്ങളിലുള്ള ദേവൻ സിയുസും പത്നി ഹേരയും സഹോദരീ സഹോദരൻമാരായിരുന്നു. അവരുടെ അച്ഛനായ ടൈറ്റാൻ ക്രോണസും അമ്മ റിയയും സഹോദരി സഹോദരൻമാർ തന്നെ. അവരുടെയും അച്ഛനായ യുറാനസും അമ്മ ഗയയും തമ്മിൽ അതിലും രസകരമായ ഒരു ബന്ധമുണ്ട് ” എന്ന് പറഞ്ഞു ശേബ ചെറുതായൊന്ന് ചിരിച്ചു.അതിന്റെ ഓളത്തിൽ എന്നവണ്ണം ഇഷ്താരയും ഒന്ന് ചിരിച്ചിട്ട് ചോദിച്ചു
“അതെന്താണ് ആ ബന്ധം……” അവളുടെ കണ്ണിലേക്ക് നോക്കി ഒന്ന് കുലുങ്ങി ചിരിച്ചിട്ട് ശേബ പറഞ്ഞു
“ഗയ യുറാനസിന്റെ അമ്മയാണ് ”
ഇത് കേട്ടതും
” നല്ല ഒന്നാം നമ്പർ കുടുംബം ”
എന്ന് പറഞ്ഞ് ഇഷ്താര പൊട്ടിച്ചിരിച്ചതോടൊപ്പം ശേബയും ചിരിച്ചു കൊണ്ട് തുടർന്നു.
“രതിയുെട ദേവതയായ അഫ്രോ ഡൈറ്റിയുടെ ഭർത്താവ് ഏരിസ് അവളുടെ അർദ്ധ സഹോദരൻ തന്നെയാണ്. ഏതൻസിലും സ്പാർട്ടയിലും ഇത്തരം വിവാഹങ്ങൾക്ക് നിയന്ത്രണങ്ങളില്ലാത്ത കാലമുണ്ടായിരുന്നു…… ”
ഒന്ന് നിർത്തി ഇഷ്താരയുടെ താടി പിടിച്ചുയർത്തി ഒരു കുസൃതി നോട്ടത്തോടെ ശേബ ചോദിച്ചു
” ഞാൻ ഒരു കാര്യം ചോദിച്ചാൽ നീ സത്യമായി ഒരുത്തരം തരുമോ?….”
ലേശം ഒരു ഈറയോടെ ഇഷ്താര..
