വെളിച്ചം കുറവാണെങ്കിലും എൻ്റെ കണ്ണുകൾ ആ കറുത്ത് മെലിഞ്ഞ ചെറുക്കനെ കണ്ടെത്തി, അവൻ അവിടെ പൊടിപിടിച്ച സോഫയിൽ ഇരുന്നു മൊബൈലിൽ ആരുമായോ ചാറ്റ് ചെയ്യുന്നു,പക്ഷെ അവിടെ മാളു ഇല്ല, എല്ലാം തൻ്റെ തെറ്റിദ്ധാരണയാണെന്നും ഇവിടെ ഈ ചെറുക്കൻ തനിച്ചു വന്നത് വല്ല കള്ളോ, കഞ്ചാവോ അടിക്കാനായിരിക്കും എന്ന് കരുതി ഞാൻ തിരിച്ചു പോകാൻ തുനിഞ്ഞതും,താഴെ നിന്നും ആരോ പടികൾ കയറിവരുന്ന കാലൊച്ചകൾ എൻ്റെ കാതുകളിൽ പതിഞ്ഞു.
തത്ക്ഷണം ഞാൻ അകത്തേക്കു കയറി ഒരു അലമാരയുടെ പിന്നിൽ ഒളിച്ചു നിന്നു, മൂക്കിലേക്ക് പൊടി കയറി എനിക്ക് തുമ്മൽ വന്നുവെങ്കിലും ഞാൻ വളരെ ആയാസപ്പെട്ട് അതിനെ തടഞ്ഞു നിർത്തി,(അല്ലെങ്കിലും എനിക്ക് പൊടി അലർജി ആണ്, വീട് വൃത്തിയാക്കുന്ന ദിവസം ഞാൻ തുമ്മി തുമ്മി മരിക്കും) മിടിക്കുന്ന ഹൃദയത്തോടെ ഞാൻ ആ മുകളിലേക്കു കയറി വരുന്ന അതിഥിയെ അക്ഷമയോടെ കാത്തിരുന്നു.
ഞാൻ നേരത്തെ പറഞ്ഞിരുന്നില്ലേ?? എൻ്റെ ഉൾവിളികൾ കൂടുതലൊന്നും തെറ്റാറില്ലെന്നു,, അപ്പോൾ അത് വായിച്ച നിങ്ങളിൽ കുറച്ചു പേരെങ്കിലും മനസ്സിൽ പറഞ്ഞു കാണില്ലേ “ഹ്മ്മ്,,, ഭയങ്കരം” എന്ന്?? എന്നിട്ടു ഇപ്പൊ എന്തായി?? ദേ,, നോകിയെ,, ഇപ്പൊ ആരാ ആ പടികൾ കയറി വരുന്നേനു,, ഇപ്പോൾ ഞാൻ പറഞ്ഞത് കറക്റ്റ് ആയില്ലേ?? (ഈ ചിത്ര ആരാ മോൾ)!!
പടികൾ കയറി വന്ന മാളുവിൻറ്റെ മുഖത്തു നല്ല പരിഭ്രാന്തി ഇണ്ടായിരുന്നു, അവൾ അകത്തേക്കു പ്രവേശിച്ചതും അല്പം ശബ്ദമുയർത്തി ദേഷ്യത്തോടെ ചോദിച്ചു, “അല്ല കിച്ചു,, ഞാൻ പറഞ്ഞതല്ലേ ഇന്ന് ഒന്നും വേണ്ടാന്നു, താഴെ ഇത്രയും ആൾകാർ ഉള്ളപ്പോൾ ഞാൻ കയറി വരില്ലെന്നു,, പിന്നെയും നീ എന്തിനാ എനിക്കിങ്ങനെ മെസ്സേജസ് അയച്ചു കൊണ്ടിരിക്കുന്നെ”??
ഓഹ്,, കിച്ചു,,!! അപ്പൊ അതാണ് അവൻ്റെ വിളിപ്പേര് (ഞാൻ മനസ്സിൽ പറഞ്ഞു) നല്ല സുന്ദരമായ പേര്, പക്ഷെ അവൻ്റെ മുഖത്തിനും കോലത്തിനും ചേരില്ല, ഏറിപ്പോയാൽ മുത്തു, അല്ലെങ്കിൽ ശശാങ്കൻ അതിൽ കൂടുതൽ ഭംഗിയുള്ള പേരൊന്നും അവൻ്റെ മുഖത്തു നോക്കി വിളിക്കാൻ തോന്നില്ല, അത്രയ്ക്കും കോലം കെട്ട രൂപമായിരുന്നു അവൻ്റെ!
ഞാൻ വേണമെങ്കിൽ അവർ രണ്ടുപേരുടെയും രൂപ വിവരണം എളുപ്പത്തിൽ നിങ്ങൾക്കു പറഞ്ഞു തരാം,, എന്നാലല്ലേ തുടർന്നു വായിക്കുമ്പോൾ അവരുടെ സംഗമ സംഭവങ്ങൾക്കൊക്കെ ഒരു വ്യക്തത നിങ്ങളുടെ മനസ്സിൽ തെളിയൂ,,,
