” ഹലോ…അതേ… ”
അവളുടെ അടുത്തെത്തിയതും ഞാൻ സ്വരം താഴ്ത്തിയവളെ വിളിച്ചു… പക്ഷേ അവൾക്ക് കേട്ട ഭാവമില്ല…
” എടോ…. ”
ഞാൻ ഒന്നുകൂടി ശബ്ദമുയർത്തി വിളിച്ചു…
“എന്നതാടോ… തനിക്ക് വേണ്ടത്… വീണ്ടും ഇടിച്ചു കൊല്ലാനാണോ… ”
പേപ്പറിൽ നിന്നും മുഖമുയര്ത്തി കൊണ്ട് അവളെന്നെ നോക്കി കടുപ്പത്തിൽ പറഞ്ഞു…
” അതുപിന്നെ ഒരു സോറി പറയാൻ വന്നതാ… നേരത്തെ തെറ്റ് എൻ്റെ ഭാഗത്തായിരുന്നു… ഞാനാ ആവശ്യമില്ലാതെ വഴക്ക് ഉണ്ടാക്കിയേ… സോറി… ”
ഒറ്റയടിക്കതും പറഞ്ഞ് ഞാനവളുടെ പ്രതികരണം നോക്കിനിന്നു…
” ഒരു സോറി പറഞ്ഞാ എല്ലാം അങ്ങ് തീരുവോ… ”
അവൾ എന്നെ നോക്കി സ്വരം കടുപ്പിച്ച് പറഞ്ഞു…
” പിന്നെ ഞാനെന്തു ചെയ്യണം…തലേകുത്തി നിക്കണോ… ”
ഇത്തവണ ഞാനും കനത്തിൽ തന്നെ മറുപടി കൊടുത്തു… അല്ല പിന്നെ ഒരു സോറി പറയാൻ വന്നാൽ ഇത്രയ്ക്ക് ജാഡ കാണിക്കാൻ ഇവളാരാ ഐശ്വര്യറായോ….
” ആ എന്നാ അങ്ങനെ തലയുംകുത്തി നിക്ക്… “
