🔥ഏദൻ തോട്ടത്തിന്റെ കാവൽക്കാരൻ 14🔥

 

” നതിങ് ,ഞാൻ വെറുതെ ഒരു തമാശ പറഞ്ഞതാ ,, ,,പിന്നെ എന്ത് ചെയ്യുമ്പോഴും ശ്രദ്ധിക്കണം ,അറിയാലോ അവരെ ..”

 

 

”പേടിക്കേണ്ട ഞാൻ നോക്കിക്കൊള്ളാം ..”

 

 

 

ഞാൻ ഫോൺ കട്ട്‌ ചെയ്തു പോക്കറ്റിലിട്ടു ,,

 

 

”റോസാപ്പൂക്കളെ വല്യ ഇഷ്ടമാണെന്നു തോന്നുന്നല്ലോ ..?”

 

 

പിന്നിൽ നിന്നും സുലുവിന്റെ ഉമ്മച്ചിയുടെ ശബ്ദം കേട്ടു ഞാൻ പെട്ടെന്ന് തിരിഞ്ഞു …

 

 

 

”വീട്ടിൽ റോസിന്റെ കുറെ കളക്ഷനുണ്ട് ,..”

 

 

” ഉവ്വോ ?,എന്നാൽ ഞാനൊരു ദിവസം വരുന്നുണ്ട് ,പിന്നെ വാ അകത്തേക്കിരിക്കാം ..”

 

 

അവർ മുറിക്കകത്തേക്ക് ക്ഷണിച്ചു ,, ചെല്ലുമ്പോൾ ഈട്ടിത്തടിയിൽ തീർത്ത ടീപോയിക്ക് മുകളിൽ നിരത്തിയ പ്ളേറ്റുകളിൽ ആപ്പിളും മുന്തിരിയും , , പിന്നെ പേരറിയാത്ത എന്തെക്കെയോ പലഹാരങ്ങളും നിരത്തി വച്ചിരിക്കുന്നു.

 

 

”അയ്യോ ഇതെത്രയാ ,, ”

 

 

”സാരമില്ല ,വേണ്ടത് എടുത്താൽ മതി …?

 

 

എനിക്ക് നേരെ നേടിയ പ്ളേറ്റിൽ നിന്നും ഇറച്ചി കൊണ്ടുണ്ടാക്കിയ പലഹാരം എടുത്തു വായിലേക്ക് വയ്ക്കുമ്പോൾ ശ്രദ്ധിച്ചു , ഇന്നലെ ഹോട്ടലിൽ വച്ചു കണ്ടപ്പോഴുള്ള പരുങ്ങലും പരിഭ്രമവുമൊന്നും അവരുടെ മുഖത്തില്ല , സ്വന്തം വീട്ടിലായതു കൊണ്ടാകും..