പക്ഷെ അത് മാത്രമല്ല….. ഇനിയും സാരി ശരിയാവില്ല എന്നു രാജുവിന് അറിയാമായിരുന്നു…. പലപ്പോഴും വീട്ടിലെ ജോലിയും കുഞ്ഞിനെ നോക്കലും പാൽകുടിയും ഉള്ളത് കൊണ്ട് അലസമായാണ് റീന സാരി ഉടുത്തിരുന്നത്…. ഇന്നാണെങ്കിൽ അതു പ്രശ്നവുമായി…. ഇനിയത് ഉണ്ടായികൂടാ….അത് കൊണ്ട് ചുരിദാർ ആണ് നല്ലത്….
റീനയ്ക്ക് നല്ലൊരു സ്വെറ്ററും വാങ്ങി….
രാജു : ചേച്ചി ഇതിനു ആവശ്യമുള്ള മറ്റു സാദനങ്ങളും വേണേ…
കടയിലുള്ള ചേച്ചിയോടായി രാജു പറഞ്ഞു…
രാജു : റീന…ഞാൻ പുറത്തു നിൽക്കാം എല്ലാം കഴിഞ്ഞു വിളി….
താൻ നിൽക്കുമ്പോൾ റീനയ്ക് അടിവസ്ത്രങ്ങളുടെ കാര്യം പറയാൻ ബുദ്ധിമുട്ടാണെന്നു തോന്നി….
എല്ലാം കഴിഞ്ഞു റീന വിളിച്ചു…
രാജു : ഇനി എന്തെങ്കിലും വേണോ…
റീന : വേണ്ട
അതും പറഞ്ഞു രാജു പൈസ കൊടുത്തു മുന്നോട്ട് നീങ്ങി….
റീന തൊട്ടടുത്തുള്ള കടയിലേക്ക് നോക്കി…..
റീന : ഒന്ന് വരാവോ…
രാജു അവളുടെ കൂടെ അകത്തേക്ക് കയറി …. നല്ലൊരു മെത്ത അവൾ നോക്കി വെച്ചിരുന്നു…..
രാജു : ഇതെന്തിനാ…
റീന : ഇത് നിങ്ങൾക്കാണ്
രാജു : എനിക്കൊ .. ഞാൻ പായയിൽ കിടന്നോളാം…
റീന : പ്ലീസ്….. നിങ്ങൾ ഇത് വാങ്ങണം..ഇന്നലെ തന്നെ തണുത്തു വിറച്ചാണ് കിടന്നത്…. റൂമിൽ നല്ലന്തണുപ്പുണ്ട്… പായയിൽ കിടന്നാൽ എന്തെങ്കിലും അസുഖം വരും…
രാജുവിന് അവളുടെ കരുതലിൽ സന്തോഷം തോന്നി…. പക്ഷെ ഇപ്പോഴും താനെന്നും നിങ്ങളെന്നും ഉള്ള വിളിയിൽ റീനയൊരകൽച്ച സൂക്ഷിക്കുന്ന പോലെ മനസ്സിലായി….
പക്ഷെ അതിൽ രാജുവിന് പരിഭവവുമില്ല…
രാജു : എല്ലാം ആയോ…
റീന : ആയി….
ആവശ്യമുള്ള സാധനങ്ങൾ എല്ലാം തന്നെയായി…
രാജു : എന്നാ പോയേക്കാം…
റീന : മം…
വണ്ടിയിൽ എല്ലാം കയറ്റി വെച്ചു അവർ വീട്ടിലേക്ക് യാത്ര തുടർന്നു…..രാത്രി നല്ല ഇരുട്ടാണ്…. വളരെ സൂക്ഷിച്ചാണ് യാത്ര ചെയുന്നത്….
8.30 യോടെ വീട്ടിലെത്തി…മേരി ചേച്ചി പിള്ളേരെ പഠിപ്പിക്കുന്ന ശബ്ദം കേൾക്കാം….
സാറ ചേച്ചിയും വർക്കി ചേട്ടനെയും കാണാനില്ല… വാതിൽ അടഞ്ഞു കിടക്കുകയായിരുന്നു…
കുഞ്ഞിനെ വേഗം കിടത്തി റീന അടുക്കളയിലോട്ട് കടന്നു… ഫ്ലാസ്കിൽ ചൂട് വെള്ളം ഉണ്ടായിരുന്നത് മേശയിൽ കൊണ്ട് വെച്ചു…
