എന്റെ മാത്രം 4

Ente Maathram Part 4

[ Previous Part ] [ kambisexstories.cc ]

“പുതുയതായി വന്ന പെൺപിള്ളേരെ ഒന്ന് വിടാതെ എല്ലാത്തിനെയും കറങ്ങി നോക്കുന്നുണ്ടായിരുന്നല്ലോ നീ..”
ക്ലാസ് കഴിഞ്ഞ് വീട്ടിലേക്ക് ബുള്ളറ്റിൽ പൊയ്ക്കൊണ്ടിരിക്കുമ്പോൾ ആയിരുന്നു പല്ലവിയുടെ ചോദ്യം.
“നിന്റെ ഒരു പൊസ്സസ്സീവിനസ്സ് കാരണം എനിക്ക് പ്രേമിക്കാനോ പറ്റുന്നില്ല. ഞാൻ ഒന്ന് വായിനോട്ടം എങ്കിലും നടത്തിക്കോട്ടെടി.”
നവീന്റെ തോളിൽ മുഖം ചേർത്തുവച്ച് ഒരു ചിരിയോടെ അവൾ പറഞ്ഞു.
“ഓക്കേ.. വായിനോക്കാൻ ഞാൻ അനുവാദം തന്നിരിക്കുന്നു.”

അവളുടെ നർമം നിറഞ്ഞ സ്വരത്തിൽ ഉള്ള മറുപടി അവന്റെ മുഖത്തും ചിരി പടർത്തി.
നവീന്റെയും പല്ലവിയുടെയും പഠനം ഇപ്പോൾ ഫൈനൽ ഇയറിലേക്ക് കടന്നിരുന്നു. അവർക്കിടയിൽ ഉണ്ടായിരുന്ന സൗഹൃദത്തിന്റെ ബലം ഈ കാലം കൊണ്ട് വർധിക്കുക മാത്രം ആണ് ഉണ്ടായത്. എന്നാൽ കോളേജിൽ അവർ തമ്മിൽ അടുത്ത് ഇടപഴകിയിരുന്നത് പലരിലും അവർ തമ്മിൽ പ്രേമം ആണെന്ന തെറ്റുധാരണ ഉളവാക്കിയിരുന്നു. ആരെങ്കിലും അതേപ്പറ്റി ചോദിച്ചാൽ നിങ്ങൾക്ക് ഇഷ്ടമുള്ളത് കരുതിക്കോ എന്നായിരുന്നു പല്ലവിയുടെ മറുപടി.

നവീന്റെ സാമീപ്യം എപ്പോഴും പല്ലവിയ്ക്ക് മാനസികമായി സന്തോഷം നൽകുന്ന ഒരു ഘടകം തന്നെ ആയിരുന്നു. മനസിന്റെ ആ സന്തോഷം അവളുടെ ശരീരത്തിലും പ്രകടമായിരുന്നു. കഴിഞ്ഞ രണ്ടു വർഷം കൊണ്ട് അവൾ പഴയതിലും സുന്ദരിയായി മാറി. ഐശ്വര്യം നിറഞ്ഞ ചെറു പുഞ്ചിരിയോടെ കൂടിയ അവളുടെ മുഖം കാണുന്നത് തന്നെ ആൺപിള്ളേരിൽ അവളോടുള്ള മോഹം വർധിപ്പിക്കാൻ പോകുന്നതായിരുന്നു. എന്നിരുന്നാലും അവർക്കെല്ലാം മുന്നിൽ നവീൻ ഒരു തടസമായി നിന്നു. പല്ലവി നവീനോട് കാണിക്കുന്ന സ്നേഹവും കെയറിങ്ങും അവരിൽ എല്ലാരിലും അസൂയ ജനിപ്പിച്ചിരുന്നു എന്നതാണ് സത്യം.

പാറിപറന്നിരുന്ന മുടി ഒരു കൈ കൊണ്ട് ചെറുതായി ഒതുക്കി അവൾ നവീനോട് ചോദിച്ചു.
“നമുക്ക് എത്ര മണിക്ക് ഇറങ്ങടാ?”
അവരുടെ ക്ലാസ്സിൽ പഠിക്കുന്ന സച്ചിന്റെ സഹോദരിയുടെ കല്യാണമാണ് നാളെ. ഇന്ന് റിസപ്ഷന് പോകുന്ന കാര്യം ആണ് പല്ലവി തിരക്കിയത്.
“അവരെല്ലാം ആറ് മണിക്ക് എത്തുമെന്നാ പറഞ്ഞെ. നമുക്ക് ഒരു അഞ്ചരക്ക് ഇറങ്ങാം. ഒരു ഇരുപത് മിനിറ്റ് മതിയല്ലോ നമുക്ക് അങ്ങ് എത്താൻ.”
“ആഹ്..”