സൊ……ഈ ജീവിതത്തിൽ ഞാൻ വളരെ സന്തോഷവതിയാണ്.”
അവൾ പറഞ്ഞു നിർത്തി.
“താൻ ഈ സാഹചര്യത്തിൽ സംതൃപ്തയാണെന്നാണോ പറഞ്ഞുവരുന്നത്?”അവൻ ചോദിച്ചു.
“ഞാൻ പറഞ്ഞതിന് അങ്ങനെ ഒരർത്ഥമില്ല.കുറെക്കാലം കൂടി ഇന്ന് ഞാൻ നന്നായിട്ടൊന്നുറങ്ങി.
എന്താണെന്നറിയുമോ.നിനക്ക് മാന്യമായി പെരുമാറാനും മറ്റൊരു വ്യക്തിക്ക് ബഹുമാനം കൊടുക്കാനുമറിയാം.നിന്നോട് ആദ്യമായി സംസാരിച്ചതു മുതൽ ഇന്ന് ഈ നിമിഷം വരെ അത് ഞാൻ ഫീൽ ചെയ്തിട്ടുമുണ്ട്.
ഒരു വേശ്യ എന്നതിൽ എനിക്ക് അഭിമാനം തോന്നിയ നിമിഷം.
അപൂർവ്വമായിട്ടെങ്കിലും ഞങ്ങളിൽ ചിലർക്ക് കിട്ടുന്ന ഭാഗ്യം.പക്ഷെ എല്ലാരും തന്നെ കൂട്ടല്ലല്ലോ.ഭൂരിഭാഗം പേർക്കും വൈകൃതങ്ങളിലാ താത്പര്യം.
പണം വാങ്ങിയാൽ വഴങ്ങുക…… അത്ര തന്നെ.
സാധാരണ ഏജന്റ് വഴിയാ ഞാൻ
പഴയതുപോലെ റോഡിൽ നിന്നിട്ട് കാര്യമൊന്നുമില്ലെടോ.പോലീസ് ഒരു വശത്ത്,സദാചാരവാദികൾ മറ്റൊരു സൈഡിൽ.അക്കാരണം
കൊണ്ട് പലരും ഇടനിലക്കാർ വഴി തൊഴിൽ മുന്നോട്ട് കൊണ്ട് പോകുന്നു.ഓൺലൈൻ കാലം അല്ലെ.എന്തും വിരൽത്തുമ്പിൽ കിട്ടുന്ന കാലം.
എടുക്കുന്ന പണിക്കുള്ള പൈസ കിട്ടുന്നില്ലെന്ന് ചിലപ്പോഴൊക്കെ തോന്നിയിട്ടുണ്ട്.തൊഴിലുണ്ട് എന്നും,അത്ര മാത്രം.കിട്ടുന്നത് ചാൻസ് ഒന്നിന് ആയിരം അല്ലെങ്കിൽ ആയിരത്തിയഞ്ഞൂറ്
തർക്കിച്ചാൽ ഒരു അഞ്ഞൂറ് കൂടി.
ആവശ്യക്കാരന്റെ കയ്യിൽ നിന്ന് പത്തൊ പതിനഞ്ചോ ഒക്കെ വാങ്ങുമ്പോഴാണ് ഇതെന്ന് കൂടി ഓർക്കണം.
ഞങ്ങളെപ്പോലെ നിങ്ങളും ഇടനിലക്കാരുടെ ചൂഷണത്തിൽ പെട്ടുപോകുന്നു.അല്ലെങ്കിൽ കണ്ടില്ലെന്ന് നടിക്കുന്നു.”അവൾ പറഞ്ഞു നിർത്തി.
സമയം കടന്നുപോവുകയായിരുന്നു.
അവൾ അവനെ വിട്ട് വാഷ് റൂമിലേക്ക് നടന്നു.ആ പോക്ക് നോക്കി നിൽക്കുമ്പോൾ അവൾ പറഞ്ഞ വാക്കുകളായിരുന്നു അവന്റെ മനസ്സിൽ.
ലൈംഗികതയെ കച്ചവടമാക്കി ഒരു മുതൽ മുടക്കുമില്ലാതെ ചൂഷണം നടത്തുന്നവർക്കിടയിൽ
തട്ടിപ്പ് ഒരു അവകാശം പോലെ കരുതുന്നവർക്കിടയിലാണ് തന്റെ ജീവിതം എന്നവൻ ഓർത്തു.
ചൂഷണം ചെയ്യുന്നവർ അത് തുടർന്നുകൊണ്ടിരിക്കും ഇരകൾ അറിഞ്ഞോ അറിയാതെയൊ പെട്ടുകൊണ്ടുമിരിക്കും
*****
ജിമിൽ കുളികഴിഞ്ഞെത്തുമ്പോൾ അവൾ മുടിയൊതുക്കിക്കെട്ടുന്ന
തിരക്കിലായിരുന്നു.
“ആഹ് താൻ റെഡിയായി അല്ലെ”
“പിന്നല്ലാതെ…..പോവണ്ടേ മാഷെ”
അവൾ മറുചോദ്യം ചോദിച്ചു.
