ഛെ …താനെന്തൊക്കെയാ ചിന്തിക്കുന്നത് ? …..
ശ്യാം വീണ്ടും ആക്സിലേറ്ററില്‍ ആഞ്ഞ ചവിട്ടി
ആറു കഴിഞ്ഞപ്പോഴേക്കും അവര്‍ വീട്ടിലെത്തി …..ശ്രീകലയെയും കൊണ്ട് ശ്യാം നേരെ മുകളിലേക്കാണ് പോയത്
അവന്‍ മുറിയില്‍ കയറി ഡ്രെസ് മാറി , കാലും മുഖവും ഒക്കെ കഴുകി ഇറങ്ങിയപ്പോഴേക്കും ശ്രീകലയും ഡ്രെസ് മാറിയിരുന്നു ..
‘ അമ്മെ ഞാനൊന്നു പുറത്തു പോകുവാ …എന്തെങ്കിലും മേടിക്കാനുണ്ടോ?’
” എനിക്കെന്തു മേടിക്കാനാ മോനെ ? നീ അവരെ ഒന്ന് പരിചയപ്പെടുത്തി തന്നിട്ട് പൊ “
ശ്യാം ഹാളിലെ വാതില്‍ തുറന്നു താഴേക്കുള്ള സ്റെപ് കാണിച്ചു കൊടുത്തു
” അമ്മ പോയി സംസാരിക്ക്…ഞാനോടി വരാം ‘
ശ്യാം അമ്മയുടെ മറുപടി കേള്‍ക്കാന്‍ നില്‍ക്കാതെ താഴേക്കിറങ്ങി കാര്‍ ഓടിച്ചു പോയി
അവന്‍ നേരെ ഒരു ബാറിലേക്കാണ് വിട്ടത്
രണ്ടെണ്ണം ഒന്നിച്ചു അടിച്ചപ്പോഴേക്കും ഒന്ന് റിലാക്സ് ആയി ….എന്തിനെയും നേരിടാന്‍ ഉള്ള ചങ്കൂറ്റം ഉണ്ടെന്ന് തോന്നി
താനാരെ ഭയക്കണം …..ചിത്രയെയോ ? മനുവിനെയോ ? അതോ അമ്മയെയോ ? പെറ്റിട്ടിട്ട് ഉപേക്ഷിച്ചു പോയ തന്നെ നോക്കാന്‍ ഒരാള്‍ ഉണ്ടായിരുന്നു ….പക്ഷെ …അത്പോറ്റമ്മ ആണെന്ന് അറിഞ്ഞപ്പോള്‍ ഉള്ള വേദന ., താനിത്രയും നാള്‍ അമ്മയെന്ന് വിളിച്ചത് പെറ്റ സ്ത്രീയെ അല്ലെന്നറിയുമ്പോള്‍ ഉള്ള ആ വികാരം ……ഹും ….അവര്‍ക്കത്‌ പറയാതിരിക്കാന്‍ പറ്റില്ലായിരുന്നോ ? എങ്കില്‍ …എങ്കില്‍ ഞാനിങ്ങനെ ആരുമില്ലാത്തവന്‍ ആയി തീരുമായിരുന്നോ? ഇപ്പൊ രണ്ടമ്മമാര്‍ …..ആരെ സ്നേഹിക്കണം …ആരുടെ കൂടെ നില്‍ക്കണം …?
ഫോണ്‍ ബെല്ലടിക്കുന്നു …..മനുവാണ് ..
” ഞാനിപ്പോ വരും മോളെ …..ദെ ഇറങ്ങുവാ ?” പാവം മനു ….അവളെ ഇനി തനിക്കു ഭാര്യയായി കാണാന്‍ പറ്റുമോ ?
ശ്യാം ഒരു ലാര്‍ജ് കൂടി വാങ്ങിയടിച്ചു ബില്‍ കൊടുത്തിട്ട് ഇറങ്ങി …പോകുന്ന വഴിയില്‍ ഒരു അര ലിറ്റര്‍ ഗ്രീന്‍ ലേബല്‍ കൂടി വാങ്ങി വണ്ടിയില്‍ വെച്ചു …കഴിഞ്ഞ ദിവസങ്ങളില്‍ ഉറക്കം നഷ്ടപെട്ടപ്പോള്‍ രക്ഷകനായത് ഇവനാണ് ….
കാര്‍ അകത്തേക്ക് കയറ്റി ശ്യാം മുറിയിലേക്ക് കയറി …..ബെഡിലെക്ക് വീണതും മനു അകത്തേക്ക് കയറി …വാതില്‍ കുറ്റിയിട്ട് , അവള്‍ ആര്‍ത്തലച്ചു കരഞ്ഞു കൊണ്ട് അവന്‍റെ നെഞ്ചിലേക്ക് വീണു ..
