“ഇല്ലല്ലോ ഏട്ടാ..ഞാന്‍ താഴെ വന്നില്ലല്ലോ..ഞാന്‍ കുറെ നേരമായി ഇവിടെ മുകളില്‍ തന്നെയാണ്..” അവള്‍ പറഞ്ഞു.
“ഗായത്രി നീ എന്താ അഭിനയിക്കുകയാണോ? എന്നോട് വേണ്ട നിന്റെ കളി…..സത്യം പറ..നീ വന്നു സംസാരിച്ചതിന് ശേഷം അച്ഛന്‍ ആകെ ടെന്‍ഷന്‍ അടിച്ചതുപോലെ കാണപ്പെട്ടു..അതാണ്‌ ഞാന്‍ വന്നു ചോദിച്ചത്”
“എന്റെ ഏട്ടാ ഞാന്‍ താഴെ വന്നില്ല..വന്നാലല്ലേ വല്യച്ഛനോട് സംസാരിക്കൂ? എനിക്ക് വല്യച്ഛനോട് അല്ലെങ്കിലും ഒന്നും സംസാരിക്കനില്ലല്ലോ..” ഗായത്രി ചിരിച്ചുകൊണ്ടാണ് അത് പറഞ്ഞത്.
അവള്‍ തന്നെ വിഡ്ഢിയാക്കാന്‍ നോക്കുകയാണ് എന്ന് ബാലകൃഷ്ണന് തോന്നി. ഇവള്‍ താഴെ വന്ന് അച്ഛനോട് സംസാരിച്ചത് വെറും അഞ്ചു മിനിറ്റ് മുന്‍പാണ്; താന്‍ വ്യക്തമായി കണ്ട കാര്യം. പക്ഷെ അവള്‍ പറയുന്നു അങ്ങനെ ഒന്ന് നടന്നിട്ടേയില്ലെന്ന്! അവനു കോപം കയറി.
“നിന്നെ ഞാനെന്റെ ഒരു സഹോദരിയെപ്പോലെ ആണ് കാണുന്നത്..ആ എന്നോട് തന്നെ വേണോ നിന്റെ ഈ നടനം? നിനക്ക് പറയാന്‍ വയ്യെങ്കില്‍ വേണ്ട..പക്ഷെ ഈ കള്ളം പറച്ചില്‍ ഉണ്ടല്ലോ..അത് നിര്‍ത്തിക്കോണം..”
അവന്‍ കോപത്തോടെ പുറത്തേക്ക് പോയി. ഗായത്രി ഒന്നും മനസിലാകാതെ നോക്കി നിന്നു പോയി. ഈ ഏട്ടന്‍ എന്താണ് പറയുന്നത് എന്നവള്‍ക്ക് മനസിലായില്ല. താന്‍ ഈ മുറിയില്‍ നിന്നും താഴേക്ക് പോയിട്ടേയില്ല..പിന്നെ?
രാത്രി തറവാട്ടിലെ അംഗങ്ങള്‍ അത്താഴം കഴിച്ച ശേഷം പതിവുപോലെ അവരവരുടെ മുറികളിലേക്ക് കയറി. ബാലകൃഷ്ണന്റെ മനസ് അസ്വസ്ഥമായിരുന്നു. ശ്രീദേവി മുറിയിലേക്ക് വന്നപ്പോള്‍ അവന്‍ അവളെ സംശയത്തോടെ നോക്കി. ജീവിതത്തില്‍ ഇന്നേവരെ താന്‍ ഭാര്യയെ സംശയിച്ചിട്ടില്ല. അത്രയ്ക്ക് വിശ്വാസമായിരുന്നു അവളെ തനിക്ക്. അതേപോലെതന്നെ സുന്ദരിയായ തന്റെ ഭാര്യയെ അല്ലാതെ വേറെ ഒരു സ്ത്രീയെയും താന്‍ മോഹിച്ചിട്ടുമില്ല. പക്ഷെ ഇന്നലെ രാത്രി അതും തെറ്റി. അമ്പിളിക്കുഞ്ഞമ്മ എന്ന മദാലസ തന്നെ വീഴ്ത്തിക്കളഞ്ഞു. ശ്രീദേവിയുടെ സൌന്ദര്യം കുഞ്ഞമ്മയ്ക്ക് ഇല്ലെങ്കിലും ആ വെളുത്തു കൊഴുത്ത ശരീരം തന്നെ വല്ലാതെ മോഹിപ്പിച്ചു.
