കഴുകൻ കണ്ണുകളോടെ അവളെ തന്നെ നോക്കി നിന്ന് പുരുഷോത്തമൻ ബീഡി വലിച്ചുകൊണ്ടിരുന്നു ..
“അയ്യോ…ന്താ…മുതലാളി…ന്താ..”
പെട്ടെന്ന് ഓടി കിതച്ചു കൊണ്ട് കുമാരൻ അവിടെ വന്നു… തല കുനിച്ചു പേടിച്ചു നിൽക്കുന്ന ചീരുവിനെ കണ്ട് അയാൾ ഭയന്നിരുന്നു …
“ആഹ്.. വന്നോ… നിന്നോട് ഞാൻ പറഞ്ഞതല്ലെടാ നായീൻടെമോനേ വൈകീട്ട് ഞാൻ വരുന്ന്.. പിന്നെന്താടാ…”
“.. ഞാൻ പണിസാധാനങ്ങൾ മിനുക്കാൻ വേണ്ടി പോയതാ…മുതലാളി .. അല്ലാതെ .. ”
അയാൾ തല കുനിച്ചു ഊരവളച്ചു വാ പൊത്തി നിന്നു കൊണ്ട് പറഞ്ഞു…
“മ്മ്…അപ്പൊ എങ്ങനാ കാശിന്റെ കാര്യം.. “
“അയ്യോ മുതലാളി .. ചതിക്കല്ലേ , ഞാൻ പറഞ്ഞായിരുന്നല്ലോ എനിക്ക് ഒരു മാസം കൂടെ സമയം തരണം ..”
അയാൾ വിനയം വാരിവിളമ്പി കൊണ്ട് പറഞ്ഞു ..
“പോലയാടി മോനേ .. നീ പറഞ്ഞാൽ കേൾക്കാൻ ഞാനാരാട നിന്റെ വേലക്കാരണോ ..”
ചാടി എഴുന്നേറ്റ് ഇരുന്നുകൊണ്ടിരുന്ന കസേര ചവുട്ടി തെറിപ്പിച്ചു കുമാരൻടെ കൊങ്ങക്ക് പിടിച്ച് ചുവരിനോട് ചേർത്ത് നിർത്തി അയാൾ ആക്രോശിച്ചു .. ശ്വാസം കിട്ടാതെ കുമാരൻ ചുവരിൽ ചേർന്ന് നിന്ന് പിടഞ്ഞു .. ചുണ്ടിൽ കിടന്ന് എരിയുന്ന ബീഡി അയാൾ കുമാരൻടെ കവിളിൽ കുത്തിയമർത്തി .. വേദന കൊണ്ട് കുമാരൻ അലറി വിളിച്ചു ..
“ആയോ .. ഏമാനെ .. അങ്ങേരെ ഒന്നും ചേയ്യല്ലെ ഏമാനെ ..”
ഭയന്ന് വിറച്ച് കൊണ്ട് ചീരു ഓടി വന്ന് പുരുഷോത്തമന്റെ കയ്യിൽ പിടിച്ചു നിലവിളിച്ചു ..
“ഛീ .. മാറി നിക്കടി കൂത്തിച്ചി ..”
അയാളുടെ ഒറ്റ അലറലിൽ അവൾ ഭയന്ന് വിറച്ച് മാറി നിന്നു തേങ്ങാൻ തുടങ്ങി ..
പുരുഷോത്തമൻ ഒരു പാഴ്തുണി കണക്കെ കുമാരനെ നിലത്തേക്ക് വലിച്ചെറിഞ്ഞു , എന്നിട്ട് ഞെഞ്ചിൽ ആഞ്ഞു ചവുട്ടിനിന്നു .. ഞെഞ്ചിൽ വച്ച കാലിൽ കൈമുട്ട് കൊണ്ട് ബലം കൊടുത്ത് അയാൾ ഒരൽപ്പം കുനിഞ്ഞു..
കുമാരൻടെ അവസ്ഥ കണ്ട് അയാളുടെ അടുത്തേക്ക് പോകാൻ തുനിഞ്ഞ ചീരു പക്ഷേ പുരുഷോത്തമനെ ഭയന്ന് അനങ്ങാതെ നിന്നു ..
