സജീഷ് വീട്ടിലേക്ക് കയറി വന്നു…
” മ്മേ…. ചോറ് ഇട്… ”
അവൻ വീട്ടിലേക്ക് കയറുന്നതിന് മുൻപേ വിളിച്ചു കൂവി… ”
” എന്നാ നിനക്ക് ആ വഴിയുടെ അവിടന്ന് തന്നെ വിളിച്ച് കൂവിവായിരുന്നില്ലേ ടാ… ”
‘അമ്മ ശകാരം തുടങ്ങി…
അവൻ ചിരിച്ചു
സജീഷിന് പണ്ട്‌ മുതലേ ഇത് ശീലമാണ്…
കയറി വന്നതും അവൻ അമ്മയുടെ മടിയിൽ കിടന്നു…
” രേഷ്മ എവിടെ അമ്മേ… ??? “” അപ്പുറത്ത് നിന്ന് അലക്കുന്നുണ്ട്…
” ആ വെയിൽ ഒന്ന് ആറീട്ട് മതീന്ന് പറഞ്ഞാ കേൾക്കില്ല ആ കുട്ടി…
എല്ലാം പണീം തീർത്ത് വച്ചില്ലേൽ
എന്തോ സമാധാനക്കേടാ അവൾക്ക്… ”
സജീഷ് മടിയിൽ നിന്ന് എഴുന്നേറ്റ് അലക്കുകല്ലിന്റെ ദിക്കിലേക്ക് എത്തിച്ചു നോക്കി…
അവൾ കുത്തിത്തിരുമ്പി ഓരോ തുണികൾ ആയി ഒരു ബക്കറ്റിലേക്ക് പിഴിഞ്ഞിടുന്നുണ്ട്…
” ഇവൾക്ക് ഇത് വെയിൽ കാഞ്ഞിട്ട് ചെയ്ത പോരെ… ”
” രേഷ്‌മെ… ഇങ്ങ് വന്നേ… ”
അവൻ ഉറക്കെ വിളിച്ചു…
” എന്താ വെയില് കൊണ്ട് ആ നിറം ഒക്കെ പോവുന്നുള്ള പേടി ആണോ… ? ”
അമ്മയുടെ മുഖത്ത് ഒരു കള്ളാച്ചിരി വിടർന്നു…
” അയ്യേ അതൊന്നും അല്ല… ”
” എന്നിട്ട് ഞാൻ അലക്കി ഇടുമ്പോ ഒന്നും നീ ഇങ്ങനെ തിരിച്ചു വിളിലിച്ചിട്ടില്ലല്ലോ!!! ?? ”
അവന്റെ മുഖത്ത് നാണം നിറഞ്ഞു…
” ഒന്ന് പോ അമ്മേ… ”
അവൻ വീണ്ടും മടിയിൽ കിടന്നു…
” ഒരു പാവാടാ അത്… ”
എല്ലാം ഓടി നടന്ന് ചെയ്യും …
അറിയാത്ത എന്തങ്കിലും കാര്യം തുറന്ന് സമ്മതിക്കാൻ വല്യേ മടിയാ…
” ചിലപ്പോഴെങ്ങാനും നിവർത്തി ഇല്ലാതെ വല്ലതും തുറന്ന് പറഞ്ഞാൽ ആയി … ”
അവൻ വീണ്ടും മടിയിൽ നിന്ന് എഴുന്നേറ്റു നോക്കി…
അവൾ ഇപ്പോഴും അലക്കിക്കൊണ്ട് നിൽക്കുവാണ്…
” ടീ രേഷ്‌മെ… ”
അവൾ ഞെട്ടി തിരിഞ്ഞു നോക്കി…
” ഓഹ്ഹ്ഹ… ”
” ഇങ്ങ് വാ… ”
അവൻ വിളിച്ചു…
” ടാ നീ അതിനോട് ചുമ്മാ ചൂടാവാൻ നിക്കല്ലേ… ”
അമ്മയുടെ വാക്കിലെ നൈർമല്യം കണ്ട് അവൻ നോക്കി നിന്നു…
രേഷ്മ അകത്തേക്ക് ഓടി വന്നു…
