അവനൊരു ദീർഘ നിശ്വാസം വിട്ട് കൊണ്ട് പറഞ്ഞു.
:പോടാ പോടാ
കിച്ചുവതും പറഞ് വണ്ടി വിട്ടു. അവിടുന്ന് രണ്ട് മിനിറ്റ് കഴിഞ്ഞപ്പോഴേക്കും വീട്ടിലെത്തിയിരുന്നു. ഞങ്ങള് വരുന്നോണ്ട് തന്നെ ഗേറ്റ് തുറന്നിട്ടിരിക്കായിരുന്നു വണ്ടി പോർച്ചിൽ നിർത്തി ഞങ്ങളിറങ്ങി. മാസങ്ങൾക്ക് ശേഷമാണ് ഞാൻ ഈ വീട്ടിലേക്ക് കാല് കുത്തുന്നത്. കിച്ചു ഗേറ്റ് അടയ്ക്കാൻ പോയപ്പോ ഞാൻ വീട്ടിലേക്ക് വിളിച്ചു അമ്മയോട് ഇന്ന് കിച്ചുവിന്റെ വീട്ടിലാണെന്ന് പറഞ്ഞു. നല്ല കാര്യന്ന് പറഞ്ഞോണ്ട് അമ്മ ഫോൺ വച്ചു. എന്തൂട്ടാ തള്ളേത്. അപ്പോഴേക്കും ബൈക്കിന്റെ ഒച്ച കേട്ട് ചേച്ചി വാതിൽ തുറന്നിരുന്നു. ചേച്ചി മാത്രമേ ഉണ്ടാർന്നുള്ളു. കുട്ടികളും ചേട്ടനും കിടന്നെന്ന് തോന്നുന്നു.
:ആഹാ .. വരൂ.. കയറൂ
ചേച്ചി ഞങ്ങളെ ഉള്ളിലേക്ക് ആനയിച്ചു.
ഗേറ്റ് അടച്ചു വന്ന കിച്ചു കണ്ണനെ എടുത്തു എനിക്ക് ചെരുപ്പഴിക്കാൻ.
ഞാൻ ചെറുപ്പഴിച് ഉള്ളിലേക്ക് കയറി സ്മിത ചേച്ചിയെ പോയി ഇറുക്കെ കെട്ടിപിടിച്ചു
:ഔ..വന്നല്ലോ അവസാനം
ചേച്ചിയെന്റെ പുറത്ത് പിച്ചിക്കൊണ്ട് പറഞ്ഞു. ഞാനതിന് ഒരു നിറപുഞ്ചിരി കൊടുത്തു.
:നല്ല ഉറക്കാണല്ലോ കണ്ണൻ..
ചേച്ചി ഉറങ്ങുന്ന കണ്ണനെ കിച്ചുവിന്റെ കയ്യിൽ നിന്നെടുത്ത്‌ ആ കവിളിൽ തലോടി ഒന്ന് ചുംബിച്ചു.
:കുട്ടികളൊക്കെ ഉറങ്ങിയോ ചേച്ചി
:ആടി…അവര് നേരത്തെ ഉറങ്ങി. ചേട്ടനിപ്പോ കിടന്നേ ഉള്ളു… എന്നാ നിങ്ങളും പോയി ഉറങ്ങിക്കോ.. വിശദായിട്ട് രാവിലെ സംസാരിക്ക
കിച്ചുവിനെ തിരികെ തന്നു കൊണ്ട് ചേച്ചി ഞങ്ങളോട് മുകളിലേക്ക് പോകാൻ പറഞ്ഞു.
:അല്ല ചോദിക്കാൻ വിട്ടു.. ഭക്ഷണം കഴിച്ചതാണോ രണ്ടാളും. ഇല്ലേ ഇവിടുണ്ട്. ഫ്രിഡ്ജ്ന്ന് എടുത്ത് ഒന്ന് ചൂടാക്കിയാൽ മതി.
:വേണ്ട മാമി, വരുന്ന വഴിക്കന്ന് കഴിച്ചു.
:ആ.. എന്നാ ശെരി ഗുഡ് നൈറ്റ്‌
ചേച്ചിയതും പറഞ് ഹാളിലെ ലൈറ്റ് ഓഫ്‌ ചെയ്തു ചേച്ചീടെ റൂമിലേക്ക് പോയി. ഞങ്ങള് ഞങ്ങളെ റൂമിലേക്കും.
റൂമിലെത്തിയപ്പോ അവിടുത്തെ ഗന്ധം ഞാനൊന്ന് വലിച്ചെടുത്തു.
കണ്ണനെ ബെഡിൽ കിടത്തി നിവർന്ന കിച്ചു കാണുന്നത് കണ്ണടച്ച് ആ റൂമിലെ ഗന്ധം ആസ്വദിക്കുന്ന എന്നെയാണ്.
