സംഗീത അറിയാതെയെന്നോണം അയാളുടെ തോളിൽ അമർത്തി. അയാൾ മുഖം തിരിച്ച് അവളെ നോക്കി. അവളുടെ കണ്ണുകളിൽ അപാരമായ സൗഹൃദവും അലിവും അയാൾ കണ്ടു.
“അങ്ങനെയാണ് ഡെന്നിസ് ലൈഫ്…ഏറ്റവും ഇഷ്ടപ്പെടുന്നവരെ എപ്പോഴും ദൈവം അകറ്റുന്നു…”
അയാൾ ഒന്നും പറഞ്ഞില്ല.
“ഇപ്പോൾ എത്ര വർഷമായി…?”
“മൂന്ന്…”
അയാൾ പറഞ്ഞു.
“പിന്നീട്…ആരെയും ..ആരോടും ടെന്നിസിന് ഇഷ്ടം തോന്നിയിട്ടില്ലേ?”
അവൾ പുഞ്ചിരിയോടെ ചോദിച്ചു.
അയാൾ പെട്ടെന്ന് അവളുടെ കണ്ണുകളിലേക്ക് നോക്കി.
“ഇല്ല ഋഷിക…പക്ഷെ….”
“എന്താ…? എന്താ പക്ഷെ എന്ന് പറഞ്ഞത്?”
“അതിപ്പോ …അത് ഋഷികയ്ക്ക് വിചിത്രമായി തോന്നാം…”
“വിചിത്രമായ കാര്യങ്ങൾ അങ്ങനെയേ തോന്നാൻ പാടുള്ളൂ…എന്തായാലും പറയൂ…”
“ഒരു ഓൺലൈൻ ഫ്രണ്ടിനോട് എനിക്ക് ഇഷ്ടം തോന്നിയിട്ടുണ്ട്…ഏകദേശം ഒരുമാസമായി…”
“ഓൺലൈൻ ഫ്രണ്ട്! ഡെന്നിസ് വെറുതെ തമാശ പറയല്ലേ…!”
ഡെന്നിസിന്റെ മുഖത്തേക്ക് ജാള്യത ഇരച്ചെത്തി.
Comments are closed.