ഇത്രയും വലിയ ഒരു പടയെ തന്നെ കണ്ടതുകൊണ്ടാവണം ഹോട്ടലിന്റെ ഉള്ളിൽ നിന്ന് മാനേജർ എന്നു തോന്നിക്കുന്ന ഒരാൾ ഇറങ്ങി വന്നു,
അയാൾ വണ്ടിയിൽ നിന്ന് ഇറങ്ങിയ എന്റെ ചേട്ടനോടും,
അച്ഛനോടും ( അമ്മായിച്ഛൻ) എന്തെക്കെയോ പറയുന്ന കണ്ടു,
അയാൾ ഉടനെ തന്നെ ഉള്ളിലേയ്ക്ക് വിളിച്ചു എന്തെക്കെയോ പറഞ്ഞു,
ഉള്ളിൽ നിന്ന് ഹോട്ടൽ ജീവനക്കാരായ ഒരു നാലഞ്ചുപേർ ഇറങ്ങി വന്നു.!
അവർ പല വണ്ടികളിലായി വന്നവരെ അകത്തേയ്ക്കു കൂട്ടിക്കൊണ്ടുപോകുന്നതു ഞാൻ വണ്ടിയുടെ വിൻഡോയിലൂടെ ചുമ്മാ നോക്കിയിരുന്നു.!
എനിയ്ക്കു സത്യത്തിൽ ഇവിടെ ഇറങ്ങാൻ ഒരു താല്പര്യവും തോന്നിയില്ല.!
വണ്ടിയിൽ നിന്ന് സനു അടക്കം എല്ലാവരും ഇറങ്ങി.!
ഞാൻ മാത്രം ചുമ്മാ അതിനുള്ളിലെ എസിയുടെ തണുപ്പടിച്ചു എന്റെ ഉള്ളു കുറച്ചെങ്കിലും തണുപ്പിക്കാൻ പറ്റുമോ എന്ന് നോക്കി.!
വീണ ഇറങ്ങിപോയതിനു ശേഷം എനിയ്ക്കു അതിനകത്തു കുറച്ചുകൂടി മനസമാധാനത്തോടെ ഇരിക്കാൻ പറ്റുന്നുണ്ടെന്നു എനിയ്ക്കു തോന്നി.!
പെണ്ണ് കെട്ടുന്ന എല്ലാവരുടെയും അവസ്ഥ ഇതുതന്നെയാണോ.?!!
അച്ഛൻ എല്ലാവരെയും അകത്തേയ്ക്കു കയറ്റിവിടുന്ന തിരക്കിലായിരുന്നു,
കുറച്ചു കഴിഞ്ഞു പുള്ളി സനോജേട്ടനടക്കം ഞങ്ങളുടെ കുടുംബം നിൽക്കുന്ന വശത്തേയ്ക്ക് വരുന്നത് കണ്ടു,
പുള്ളി പെട്ടെന്ന് ആ കൂട്ടത്തിൽ ആരെയോ തപ്പുന്നത് പോലെ എനിയ്ക്കു തോന്നി,
ചെറുതായിട്ട് ഇരുന്ന സീറ്റിൽനിന്നു ഞാൻ താഴ്ന്നു ഇരിക്കാൻ നോക്കി,
എന്റെ പൊന്നു അമ്മാവാ എന്നെ കണ്ടുപിടിക്കല്ലേ, എന്നെ ഇനിയും ആ വീണയുടെ കൂടെ നിർത്തല്ലേ.!
അറിയാതെ ഉള്ളുകൊണ്ടു ആഗ്രഹിച്ചു.!
അമ്മാവൻ പെട്ടെന്ന് വീണയോട് എന്തേക്കെയോ സംസാരിക്കുന്നത് കണ്ടു ,
വീണയുടെ മുഖഭാവം കണ്ടിട്ട് അവൾക്കത് ഒട്ടും ഇഷ്ടപ്പെടുന്നില്ല എന്ന് മനസിലായി.!
ഇങ്ങേരു ആ അരവട്ടിനെ പിന്നെയും ഭ്രാന്ത് കയറ്റാണോ എന്റെ ദൈവമേ.?
ഇരുന്നിടത്തുനിന്നു പിന്നെയും താഴ്ന്നു ഇരിക്കാൻ പാടുപെട്ട് പിന്നെയും അങ്ങോട്ട് നോക്കി,.
