“അപ്പോൾ ഞാൻ കുരുത്തംകെട്ടതാലും, അവിടേയും ഇവിടേയും ഒക്കെ തൊടുകയും പിടിക്കുകയും ചെയ്താലൊന്നും കുഴപ്പവുമില്ല”
ചേച്ചി പിന്നേയും വിളറി.
“അതിപ്പോൾ ലൈൻ അടിക്കുമ്പോൾ അങ്ങിനൊക്കെ സംഭവിച്ചെന്നിരിക്കില്ലേ?”
“എങ്കിൽ പിന്നെ ആര്യചേച്ചിയും, അർച്ചനയുമായും എന്തങ്കിലും ഉണ്ടെങ്കിൽ തെറ്റെന്താണുള്ളത്?” ഞാനെന്റെ ചൂണ്ടവള്ളി അയച്ചു കൊടുക്കാൻ തുടങ്ങി. ആര്യയും അർച്ചനയും ആയി എന്തൊക്കെയോ ശാരീരീക സ്പർശനങ്ങൾ ഉണ്ട് എന്ന്‌ ഞാൻ സമ്മതിച്ചതു പോലായി എന്റെ സംസാരം. ഇനി ചേച്ചി പറയട്ടെ!
“ഓ അവര് നിന്റെ കസിൻസല്ലേ?”
“അതല്ലാത്തവർ ആയാൽ കുഴപ്പമില്ല?”
ചേച്ചി കണ്ണുകൾ കുറുക്കി, ശക്തി സംഭരിച്ച് എന്റെ മുഖത്തേയ്ക്ക് തന്നെ നോക്കി പറഞ്ഞു.
“ഇല്ല”
ഞാൻ ഊറി ചിരിച്ചു.
“എന്താ നീ ചിരിക്കുന്നേ?”
“ഏയ് ഒന്നുമില്ല, വെറുതെ”
ചേച്ചിയുടെ മുഖം കൂടുതൽ മ്ലാനമായി, പറഞ്ഞതെന്തോ കുഴപ്പമായോ എന്ന്‌ മുഖത്ത് എഴുതി വച്ചിരുന്നു.
“ഉം പറ കേൾക്കട്ടെ”
“ഒന്നുമില്ല ചേച്ചി”
“അതല്ല”
“അല്ല അപ്പോൾ ഞാൻ ചേച്ചിയുടെ ദേഹത്ത് തൊട്ടാലും കുഴപ്പമില്ല”
ചേച്ചി എന്റെ കണ്ണിൽ സൂക്ഷിച്ച് നോക്കി, പതിയെ സ്വരം താഴ്ത്തി പറഞ്ഞു.
“ലൈൻ അടിക്കുമ്പോൾ ആണെങ്കിൽ എന്നാണ് ഞാൻ പറഞ്ഞത്”
“എന്നാൽ നമ്മുക്ക് തുടങ്ങിയാലോ?”
“എന്നിട്ട്?”
“എന്നിട്ടെന്താ കെട്ടാനൊന്നും പറ്റില്ല, ഞാൻ പ്രായത്തിൽ ഇളയതല്ലേ?, അപ്പോ ചുമ്മാ ഒരു രസം?”
“നിനക്കങ്ങിനെ ഒരു താൽപ്പര്യവും എന്നോട് ഇതുവരെ ഇല്ലല്ലോ?”
“ഇതു വരെ ഇല്ലായിരുന്നു, ഇനി നോക്കാം”
“എന്നാൽ അതാകട്ടെ കെട്ടോ”
ചേച്ചി വീണ്ടും പഴയ ട്രാക്കിലേയ്ക്കെത്തി.
“ങാ എന്നാൽ ശരി”
ഞാൻ വെള്ളത്തിൽ നിന്നും പതിയെ കരയിൽ കയറി ചേച്ചിയും എഴുന്നേറ്റു.
“ഞാൻ വീട്ടിൽ പോകുകയാ”
“ഉം, ഉച്ചകഴിഞ്ഞ് വരുമോ?”
“വരണോ?”
“വെറുതെ ഇരിക്കുകയാണെങ്കിൽ വാ”
പെൺപിള്ളേരുടെ ഈ രീതിയിലുള്ള ക്ഷണം പ്രേമത്തിന്റെ ആദ്യ ലക്ഷണങ്ങളിൽ ഒന്നാണ് എന്നത് എനിക്കറിയാമായിരുന്നു. എനിക്ക് അമ്പിളിയോട് ആര്യചേച്ചിയോടുള്ള സ്നേഹമോ, അർച്ചനയോടുള്ള പ്രേമമോ ഇല്ലായിരുന്നു. അമ്പിളി സ്വൽപ്പം പോക്ക് കേസു പോലാണ് എനിക്ക് തോന്നിയത്. എന്നെ ഭീഷണിപ്പെടുത്തിയതും, കാർഡ് തന്നതും, പിന്നീട് ആറ്റിൽ വച്ച് സംസാരിച്ചതും എല്ലാം മറ്റൊരാൾ ഉള്ള അവസരത്തിൽ ഒരു പെണ്ണും ഒരാണിനോടും പറയില്ലാത്ത കാര്യമാണ്. ലൈൻ അടിക്ക് എന്ന്‌ പറയുന്നു. അതുകൊണ്ട് രണ്ട് പേർക്കും ഒരു ഗുണവുമില്ല. എന്തെങ്കിലും ഗുണമുണ്ടെങ്കിൽ അത് ശരീരങ്ങൾക്ക് മാത്രമാണ്. അമ്പിളി ഉദ്ദേശിക്കുന്നത് തൊടലും, പിടുത്തവും മാത്രമാണോ അതോ ശരിക്കുമുള്ള ശാരീരീക ബന്ധമാണോ എന്നത് മാത്രമായിരുന്നു എന്റെ സംശയം.
