ഇതിലും വലുത് വിളിക്കാതെ ഇരുന്നതിൽ ദൈവത്തിനോട് നന്ദിയും പറഞ്ഞു അവളോട് പൊക്കോളാൻ കണ്ണ് കാട്ടി. തലകുനിച്ചു തിരിഞ്ഞു പോകുന്ന അതിനെ ഞാൻ അങ്ങനെ നോക്കി നിന്ന്
” എടാ മലരേ….. ”
” എന്തോന്നാ കു.. അല്ലേൽ വേണ്ട.. നീ കാര്യം പറയെടി . ”
“എടാ നീ എന്ന വരുന്നേ ”
“ഇത് ചോദിക്കാൻ ആണോടി തോമാച്ചന്റെ മോളെ നീ രാവിലെ എന്റെ തന്തക്ക് വിളിച്ചേ.. ”
” ഹാ… കാര്യം പറ മോനെ ദിനേശാ ..”
പെണ്ണ് കലിപ്പൊക്കെ വിട്ട് ചിരിക്കുന്നുണ്ട്.
” നാളെ ”
” എന്നാൽ നീ ഒരാഴ്ച കഴിഞ്ഞു വന്നാൽ മതി,, ”
” ഏഹ് അയെന്നാ”
” എടാ നമ്മടെ ജേക്കബ് സർ ഇല്ലേ ( ഞങ്ങളുടെ ഹെഡ് ) അങ്ങേര് വടിയായി”
” അയ്യോടാ… അത് കഷ്ടമായി പോയല്ലോ ”
മുറിയിലേക്ക് കയറി വരുന്ന അവളെ നോക്കിയാണ് ഞനത് പറഞ്ഞത്. നേരെയാണ് നടത്തം എങ്കിലും നോട്ടം ഇങ്ങോട്ട് ആണ്.. ഉം പുരികം ഉയർത്തി ഞാൻ ചോദിച്ചതും കാറ്റ് പോലെ ഒറ്റ പോക്ക് വെളിയിലേക്ക് അത് കണ്ട് ഒരു ചിരി ചിരിച്ചു ഞാൻ എന്റെ ഖേതം അറിയിച്ചു
” അഹ്… എന്തായാലും നീ ഇനി വൺ വീക് കഴിഞല്ലേ വരൂ.. അതോ നാളെ വരുവോ.. ”
” ഏയ്യ് ഇല്ല ഇല്ല…. ഞാൻ വൺ വീക് കഴിഞു… പിന്നെ വേറെ ഒരു സംഭവം ഉണ്ട് വന്നിട്ട് പറയാം ”
ചെറിതായി ഒന്ന് സൂചിപ്പിച്ചു ഇപ്പോ പറഞ്ഞാൽ പെണ്ണ് പെട്ടിയും പോക്കാണവും എടുത്തോണ്ട് ഇങ്ങോട്ട് പോരും
” മ്മ് അത് നീ എന്തേലും ചെയ്യ്… അപ്പോ ശെരി ”
ഒരുലോഡ് പുച്ഛവും വാരിയെറിഞ്ഞു അവൾ ഫോൺ വെക്കാൻ പോയപ്പോ ഞാൻ തടഞ്ഞു
