” എന്താടാ ….. ”
ഒരു താല്പര്യം ഇല്ലാത്ത സംസാരം
” മാഗ്ഗി മോളു…. ”
” ബൈക്ക് ഇങ്ങ് എത്തിക്കണം… അല്ലിയോ….?”
ഞാൻ ഒന്ന് ചിരിച്ചു.. അന്ന് പെട്ടെന്ന് വിളിച്ചതുകൊണ്ട് ബൈക്ക് എടുക്കുന്ന കാര്യം വിട്ട് പോയായിരുന്നു… പിന്നെ സാഹചര്യം നിങ്ങൾക് അറിയാല്ലോ..
” അതേടാ മോളു ”
“ഓലുപ്പിക്കല്ലേ .. ഓലുപ്പിക്കല്ലേ ചെക്കാ… വണ്ടി ഞാൻ സുമേഷിന്റെ കൈയിൽ കൊടുത്ത് വിട്ടിട്ടുണ്ട് കൊരങ്ങാ… ഇന്ന് അവടെ എത്തുടാ….അപ്പൊ ശെരി”
“താക്സ് മോളു… ”
” നിന്റെ തന്തക്ക് കൊണ്ട് കൊട് ഹും… ”
ആ രാവിലെ തന്തക്ക് വിളികേട്ടപ്പോ എന്താ സുഖം.ഞാൻ ഒരു ചിരിയോടെ ഫോൺ വെച്ചു. ബാത്‌റൂമിലേക്ക് കേറി ഫ്രഷ് ആയി താഴേക്ക് ചെന്നു, ചെല്ലുമ്പളുണ്ട് ദേ ഇരിക്കണ് മൂന്നും
” എന്റെ അമ്മേ ആ കൊച്ചിനെ അവളും അവളുടെ അമ്മയും കൂടെ വലിചിഴച്ചു കൊണ്ട് പോണാത് കാണണം ഹൊ സഹിക്കാൻ പറ്റില്ല മോളെ…”
ഏട്ടത്തിയാണ് കാര്യമായി എന്തോ നൊണയും കൊതിയും ഓതികൊടുക്കുവാണ് പെണ്ണുമ്പുള്ള.അത് കേൾക്കാൻ വേറെ രണ്ടെണ്ണം…എന്തായാലും ഏട്ടത്തിയുടെ വായിലെ വെള്ളോം വറ്റികുന്നതല്ലേ ഞാനും കൂടെ കെട്ടേക്കാം.താല്പര്യം ഉണ്ടായിട്ടല്ലട്ടോ.
” എന്നിട്ട്.. അവളെ തല്ലിയോ ചേച്ചി ”
നിഷ്കളങ്കമായ ചോദ്യം അതിലുപരി ന്യായമായ ഒരു ചോദ്യം.. അല്ല ഇത് ആരുടെ കാര്യമാ ഏട്ടത്തി ഈ പറയണേ… ഞാൻ അങ്ങോട്ടേക് ചെന്ന് അവൾക്കു പുറകിലായി ഇരുന്നു. സംഭവം അറിയണമല്ലോ നമ്മടെ നാട്ടിലെ ഒരു കൊച്ചിന് അഹ് ഹാ….എന്നിലെ ഞാൻ തന്നെ കെട്ടിയിട്ട ഓൺലൈൻ ആങ്ങള ഉണർന്നു..
” അഹ് മോളെ കുറെ പാവം .. ഒരുപാട് കുത്തുവാക്ക് പറഞ്ഞു പാവം എല്ലാം കേട്ട് ഒന്നും മിണ്ടാതെ കണ്ണീർ ഓലുപ്പിച്ചു നിന്നതേ ഉള്ളു പാവം .”
എന്നലും കഷ്ടമുണ്ട് പാവം കൊച്ച്.. എനിക്ക് അറിയാവുന്ന വല്ലോരും അണോ ഈശ്വര… ഞാൻ മനസ്സിൽ ഓർത്ത് ചേട്ടത്തിക്കു നേരെ എന്റെ സംശയങ്ങൾ ഉന്നയിച്ചു
