ഉച്ചക്ക് എത്തുമ്പോ സർപ്രൈസ് കൊടുക്കാനാണെന്ന്!”
ഗിരിജ ചേച്ചി പറഞ്ഞു.
“എന്നെ എന്തിനാ വിളിച്ചേ?” ഞാൻ സംശയത്തോടെ ചോദിച്ചു.
”അടുക്കളയിൽ റാക്കിന് മുകളിൽ ഒരു ഉരുളി ഇരിപ്പുണ്ട്! നീ അതൊന്ന് എടുത്ത് താ..”
പറഞ്ഞുകൊണ്ട് തിടുക്കത്തിൽ തിരിഞ്ഞു നടന്ന ചേച്ചിയുടെ പുറകെ ഞാൻ അടുക്കളയിലേക്ക് നടന്നു.
ചേച്ചി അടുക്കളയിലെ റാക്കിനടിയിൽ സ്റ്റൂൾ കൊണ്ടുവന്നിട്ടു.
“ലാലു…ഒന്ന് കേറി എടുക്കെടാ “
അവർ സൗമ്യമായി പറഞ്ഞു. ഞാൻ സ്റ്റൂളിൽ കയറിനിന്ന് കൈ നീട്ടി ഉരുളിയുടെ വക്കുപിടിച്ച് വലിച്ചു. റാക്കിൽ നിന്ന് പകുതി ഇറക്കാൻ നേരം എന്റെ കൈയിൽ നിന്ന് വഴുതി ഉരുളി താഴെ വീണു. ഉരുളി പിടിക്കാൻ ശ്രമിച്ച എനിക്ക് അടിതെറ്റി. സ്റ്റൂൾ മറിഞ്ഞു, ഉരുളിക്ക് മീതെ വീണ് എന്റെ തുടയിൽ വല്ലാത്ത വേദന അനുഭവപ്പെട്ടു.
“അയ്യോ… എന്റെ കുട്ട്യേ… എന്താ പറ്റ്യേ..?”
എന്ന് ചോദിച്ചുകൊണ്ട് ചേച്ചി ഓടി അരികിൽ വന്നു. എഴുന്നേൽക്കാൻ ബുദ്ധിമുട്ടിയ എന്നെ അവർ താങ്ങിയെടുത്തു. ഇടതുകൈ തോളിലൂടെ എടുത്തിട്ട് അവർ എന്നെ ഡയനിംഗ് റൂമിലെ കസേരയിൽ കൊണ്ടിരുത്തി.
”ഇവിടിരിക്കു..ഞാൻ പോയി കൊറച്ച് വെള്ളം കൊണ്ടുവരാം ”
ചേച്ചി അടുക്കളയിൽ പോയി വെള്ളമെടുത്തുകൊണ്ടുവന്ന് എനിക്ക് നേരെ നീട്ടി. വേദന കാരണം കൈ ഉയർത്താൻ പറ്റാതെ ഇരിക്കുന്ന എന്നെ കണ്ട് അവർക്ക് വല്ലാത്ത വാത്സല്യം തോന്നിയതായി എനിക്ക് തോന്നി.
അവർ എന്റെ അടുത്ത് വന്ന് തലയിൽ കൈ വച്ചു. മേലേക്ക് ഉയർത്തി വായിലേക്ക് പതിയെ വെള്ളമൊഴിച്ചു.
വെള്ളം കുടിച്ചിറക്കുമ്പോൾ വേദന ശമിച്ചത് പോലെ തോന്നിത്തുടങ്ങി. “ഇപ്പൊ എങ്ങനെ ഉണ്ട് .. വേദന ഉണ്ടോ“
ചേച്ചി എന്റെ കവിളിൽ അവരുടെ നനുത്ത കൈവെള്ളായാൽ തലോടിക്കൊണ്ട് ചോദിച്ചു.
”എനിക്ക് കൊഴപ്പൊന്നും ഇല്ല്യാ ഗിരിജ ചേച്ചി ..”
ന്ന് പറഞ്ഞ് എഴുന്നേറ്റ് നിൽക്കാൻ ശ്രമിച്ച ഞാൻ വേദനകൊണ്ട് പുളഞ്ഞു.
“അയ്യോ..വേദന ഉണ്ടോ ലാലു..?”
ചേച്ചി എന്നെ വീണ്ടും കസ്സേരയിൽ പിടിച്ചിരുത്തി.
“കാലിൽ എന്തോ പറ്റിയിട്ടുണ്ടല്ലോ മോനെ! നമുക്ക് ആശുപത്രിയിൽ പോണോ?” അവർ ആശങ്ക പ്രകടിപ്പിച്ചു.
