ആ സമയം തന്നെ…
അത് വരെ തെളിഞ്ഞ നിന്ന മാനം പെട്ടന്ന് കറുത്ത് ഇരുളാൻ തുടങ്ങി.. ജസ്‌ന അവിടെ ഇല്ല എന്ന് അറിഞ്ഞ ഉടനെ തന്നെ ആയിഷ അവിടെ നിന്നും ഇറങ്ങുവാൻ തുടങ്ങിയെങ്കിലും.. തുള്ളിക്ക് ഒരു കുടം കണക്കെ മഴ ആർത്തലച് പെയ്യുവാൻ തുടങ്ങിയിരുന്നു…
അന്നായിരുന്നു ഇക്ക ആദ്യമായി അവളോട്‌ മനസ് തുറന്നു സംസാരിച്ചത്..
ആരും ഇല്ലാത്ത ധൈര്യത്തിൽ…
ഐഷു…
ഹ്മ്മ്…
എനിക്കൊരു കാര്യം സംസാരിക്കാൻ ഉണ്ട്..
കുറെ നാളായി തന്നെ എവിടെ കണ്ടാലും കണ്ണെടുക്കാതെ നോക്കി നിൽക്കുന്ന ജാഫറിന് എന്താണ് സംസാരിക്കാൻ ഉള്ളതെന്ന് ആയിഷക് അറിയാം… എന്നാലും അവൾ അറിയാത്തതു പോലെ ചോദിച്ചു..
എന്താ…
അത് പിന്നെ… നീളം കൂടിയ ഒരു ഇടവേള തന്നെ ആയിരുന്നു ആയിഷയുടെയും ഇക്കയുടെയും ഇടയിൽ വന്നു നിന്നത്…
എനിക്ക്.. ജാഫർ അതും പറഞ്ഞു മുഴുവനാകാതെ നിന്നു..
