“എനിക്ക്..”
ഇക്ക എന്താണേലും പറഞ്ഞോ….ആയിഷ അവനെ പ്രോത്സാഹിപ്പിക്കുന്നത് പോലെ പറഞ്ഞു..
എനിക്ക് നിന്നെ ഇഷ്ട്ടമാണ്… ആ ഇഷ്ടം കുറച്ചായി തുടങ്ങിയിട്ട്.. നിനക്ക് എന്നെ ഇഷ്ട്ടമാകുമോ എന്നൊന്നും അറിയില്ല.. എന്നാലും ഇത് നിന്നോട് പറയണം എന്ന് തോന്നി… ഒരൊറ്റ ശ്വാസത്തിൽ തന്നെ ഇക്ക അവളോട്‌ ഇഷ്ടം പറഞ്ഞു..
അതായിരുന്നോ കാര്യം.. എനിക്കറിയാം ഇക്ക എന്നെ നോക്കുനുണ്ടെന്ന്..
ആഹാ.. ഞാൻ വല്ലാതെ പേടിച്ചു പോയി.. അതാണ് പറയാതിരുന്നത്..
അയ്യേ.. ഇക്ക അതെല്ല.. ഞാൻ ഇവിടെ വരുന്നത് പഠിക്കാൻ ആണ്.. കൂടേ എനിക്കും ജസ്‌നകും ഉണ്ടാവാറുള്ള സംശയങ്ങൾ ക്ലിയർ ചെയ്യുവാനും.. ഇപ്പൊ നമ്മൾ അങ്ങനെ വല്ല റിലേഷനും തുടങ്ങിയാൽ അത് എനിക്കും ജസ്‌ന കും നല്ലത് പോലെ ബാധിക്കും…
ഐഷു.. എനിക്ക് നിന്നെ കെട്ടണമെന്നാണ് ആഗ്രഹം.. ഞാൻ അത് കൊണ്ട് മാത്രമാണ് നിന്നോട് എന്റെ ഇഷ്ടം പറഞ്ഞത്.. അതിന് നീ ഇന്നോ നാളെയോ മറുപടി തരണ്ട.. നിങ്ങളുടെ ക്ലാസ് എല്ലാം കഴിഞ്ഞു എനിക്ക് ഒരു ഉത്തരം തന്നാൽ മതി.. നിങ്ങൾ രണ്ടു പേരും പത്താം ക്ലാസ് പാസ്സാകുന്ന സമയം ഞാൻ കൂടേ ഈ പരീക്ഷയിൽ പാസ്സയിക്കോട്ടെ ഒരു ചിരിയോടെ ജാഫർ അതും പറഞ്ഞു നിർത്തി…
