ചേടത്തി നെറ്റ് ഓൺ ചെയ്തിട്ടില്ലായിരുന്നു.. ഞാൻ കുറച്ചു നേരം കൂടി വെയിറ്റ് ചെയ്തു.. പക്ഷെ എന്നിട്ടും ചേടത്തി നെറ്റ് ഓൺ ചെയ്തില്ല.
പിന്നെ കോൾ ചെയ്താലോ എന്നു വിചാരിച്ചു. പക്ഷെ നയനേച്ചി അടുത്തു തന്നെ ഉണ്ടെങ്കിൽ പണി ആവും. അതോണ്ട് കോൾ ചെയ്തില്ല..
പിന്നെ ചേടതിയുടെ ഫോട്ടോയും നോക്കി കിടന്നു..
അങ്ങനെ ആ ദിവസവും കഴിഞ്ഞു മറ്റൊരു പ്രഭാതത്തിലേക്ക് സമയം നീങ്ങി..
ചേടതിയുടെ വിളി കേട്ടെങ്കിലും ആകെ മൊത്തം എണീക്കാൻ ഒരു മടി പോലെ തോന്നി..
“” ഡാ നിധീ… സമയം ആയി.. എണീറ്റെ..””
ആ ആർത്തു വിളി കേട്ടപ്പോഴാണ് മനസ്സിലായത് അത് ചേടത്തി അല്ല. നയനേച്ചി ആയിരിന്നു വിളിക്കുന്നത്..
ഉറകച്ചടവോടെ ഞാൻ ചെന്ന് ഡോർ തുറന്നു..
ഇടതു പിരികം പൊക്കി വെച്ച് ഒരു ക്രൂര ഭാവത്തോടെ ഒരു ഷൊർട്‌സ് മാത്രം ഇട്ടിരിക്കുന്ന എന്നെ നായനേച്ചി അടിമുടി ഒന്ന് നോക്കിയിട്ട് താഴേക്ക് പോയി..
അതെന്നതിനാ ഇപ്പോ ഇങ്ങനൊരു നോട്ടം എന്നെനിക്ക് മനസിലായില്ല.. ചെലപ്പോ വിളിച്ചിട്ടും എഴുന്നേൽക്കാൻ വൈകിയതുകൊണ്ടായിരിക്കും..
അഹ്ഹ്. അതെന്തേലും ആവട്ടെ…
ബാത്രൂമി കേറി ആ കലാപരിപാടികളൊക്കെ കഴിഞ്ഞ് ഇറങ്ങിയപ്പോ എന്താണെന്ന് അറിയാത്തോരു മൂഡ് ഓഫ് ആയിരുന്നു..
മതി ഇന്നെനി ക്ലാസിനു പോണ്ട.. ഞാൻ തീരുമാനിച്ചു..
ഫോണും നോക്കി റൂമിൽ തന്നെ ഇരുന്നപ്പോ താഴെ നിന്നും ചേടതിയുടെ വിളി കേട്ടു..
“” ഡാ… നിധീ… എന്തു ചെയുവാ നീ.. ക്ലാസിനു പോണ്ടേ നിനക്ക്.. ഡാ…””
ഞാൻ താഴേക്ക് ഇറങ്ങി ചെന്ന് ടീപോയിൽ വെച്ച ന്യൂസ് പേപ്പറും എടുത്ത് പുറത്ത് സിറ്റ് ഔട്ടിൽ ചെന്നിരുന്നു..
എന്റെ വരവ് കണ്ട് വാതിൽക്കൽ വന്ന് നടുവിന് കൈയും വെച്ച് ചാരി നിന്നു നയനേച്ചി ചോദിച്ചു..
“” എന്താടാ… നിനക്ക് ക്ലാസ് ഇല്ലേ ഇന്ന്..??!””
“” അഹ്ഹ് ഉണ്ട്. പക്ഷെ പോണില്ല..””
“” അതെന്നാ..?!!””
“” അതോന്നുല്ല.. നീ ചെന്ന് ചായ എടുത്തെ..””
“” ദേ ചേച്ചീ.. ഇവൻ ക്ലാസിനു പോണില്ലന്ന്””
കിച്ചനിലേക്ക് നോക്കി ചേടത്തിയോട് നയനേച്ചി വിളിച്ചു പറഞ്ഞു..
ഒരു കപ്പിൽ ചായയും എടുത്തു കൊണ്ട് ചേടത്തി വന്നു.. എന്നിട്ട് എന്റടുത്തേക്ക് വന്ന് ചായ കപ്പ് എനിക്ക് നീട്ടി കൊണ്ട് ചേടത്തി ചോദിച്ചു.
“” അതെന്നാടാ ക്ലാസിനു പോവത്തെ നീ..””
“” എന്റെ ചേടത്തീ.. ഇന്നെനിക്ക് പോണ്ട.. ഫസ്റ്റ് ബാച്ചിനു ഇന്ന് ഫുൾ ഡേ ക്ലാസ്സ്‌ ഉള്ളതുകൊണ്ട് സെക്കന്റ് ബാച്ചിനോട് ഇന്ന് വരണ്ട പറഞ്ഞു..””
ക്ലാസുണ്ടായിട്ടും പോവാഞ്ഞിട്ട് ഇനി അതിന്റെ പേരിൽ ഓരോന്ന് കുത്തി കുത്തി ചോദിക്കണ്ടാ വിജാരിച്ച് വായി കിട്ടിയ ഒരു കള്ളം ഞാൻ എടുത്തിട്ടു.
“” എന്നിട്ട് നീ അതെന്നാ നേരത്തെ പറയാഞ്ഞേ..??!””
“” അത് ഞാൻ മറന്നു പോയി..””
“”മ്മ്..””
