“എന്താ ദേവൂട്ടീ.. എന്തു പറ്റി ”
“എടാ ഞാൻ ഒരു കാര്യം പറഞ്ഞാൽ നീ സമ്മതിക്കുമോ “ദേവുവിന്റെ അടർന്ന ശബ്‌ദം നേരത്തേക്കാളും അവൾ ഉഷാറായിട്ടുണ്ട്…
“നീ പറയുന്നത് ഞാൻ എന്നെങ്കിലും അനുസരിക്കാതെ ഇരുന്നിട്ടുണ്ടോ..”ഞാൻ അവളുടെ അടുത്ത് ചേർന്നിരിന്നു…
“അത് ശെരിയാണ്.പക്ഷെ ഇതിനുത്തരം താ…” അവൾ കൊഞ്ചി…. മറഞ്ഞ് പോയ നുണക്കുഴി തെളിഞ്ഞു…
“ഓക്കേ നീ ചോദിക്ക് ” ഞാൻ ഒന്നുമാലോചിക്കാതെ പറഞ്ഞു..
“അത്… ” അവൾ ഒന്ന് ചിന്തയിലാണ്ടു
” ഞാനും, നീയും, അച്ചുവും, നമ്മുടെ പഴയവീട്, കാവ്, കുളം, പാടം ” പിന്നെ ഒന്ന് നിർത്തി.. ഞാൻ സ്വപ്നത്തിലേക്ക് തിരിച്ചു പോയി ദേവുവിന്റെ കരച്ചിൽ…കൂമൻകാവ്.പിന്നെ ആ വീട്ടിൽ അച്ഛനും അമ്മയും വെള്ള പുതച്ച ശരീരം…
“കിച്ചൂ ” ദേവു എന്നെ ഉണർത്തി എന്റെ മുഖത്തെ മാറ്റം കണ്ടുവെന്ന് തോന്നുന്നു…
“നീ ഒക്കെ അല്ലെങ്കിൽ വേണ്ട… ഞാൻ പറഞ്ഞുവെന്നെ ഉള്ളു ” നിരാശയോടെ ദേവു പറഞ്ഞു…. എനിക്കറിയില്ല ആ വീട്ടിൽ ഇനി എങ്ങനെ കേറുമെന്ന്.. ആ സ്വപനം കാണുന്നത് എന്തിനാണ്…അതെപ്പഴും എന്നെ വരിഞ്ഞു മുറുകുന്നത്. ദേവുവിനോട് നിഷേധിക്കാൻ തോന്നിയില്ല.. ഉള്ളിലെ പേടി ഞാൻ മാറ്റി വെച്ചു.. ഒന്ന് ചിരിച്ചു…
“പോവാം….”
