ഇല്ലെങ്കിൽ ചിലപ്പോൾ മൂപ്പര് വർത്തമാനം പറയാൻ വരും.
ഞാൻ ആള് കാണാതെ മുൻഭാഗത്തേക്ക് പോയി. അപ്പോഴാണ് അമ്മുവേചിയുടെ അച്ഛനും അമ്മയും ധൃതി പിടിച്ചു വീട്ടിൽ നിന്ന് ഇറങ്ങുന്നത് കണ്ടത്. എന്നെ കണ്ട് അവർ ലോഹ്യം പറഞ്ഞു ഏതോ കല്യാണം ഉണ്ട് കുറച്ചു പോകാൻ ഉണ്ട്. 7 മണിയുടെ ബസ് പിടിക്കണം.
ഞാൻ ഉച്ചയ്ക്ക് പോകും എന്നു ഞാനും അവരോട് പറഞ്ഞു. അപ്പോഴേക്കും ചെറിയമ്മ വന്നു. അമ്മു എഴുന്നേറ്റൊ എന്നു ചെറിയമ്മ അവരോട് വിളിച്ചു ചോദിച്ചു. “ഇപ്പോഴേ എഴുന്നേൽക്കാനോ? നിനക്ക് അവളെ അറിയില്ലേ? നമ്മൾ ഇറങ്ങുമ്പോൾ വാതിൽ അടക്കാൻ പറഞ്ഞിട്ട്, ആരും വരില്ല നിങ്ങൾ പോയ്ക്കൊ എന്നു പറഞ്ഞു തിരിഞ്ഞു കിടന്നവളാണ്. മക്കളെ ഞങ്ങൾ പോയിട്ട് വരാം” എന്നു പറഞ്ഞു അവർ ധൃതിയിൽ പോയി.
എടാ ഞാൻ അകത്ത് പോകട്ടെ അമ്മയെ സഹായിക്കട്ട് അച്ഛന് ഇപ്പോ പറമ്പില് തേങ്ങ പറിക്കാൻ പോണം. ചെറിയമ്മ അകത്തേക്ക് പോയി. കുറച്ചു കഴിഞ്ഞു അവരുടെ അച്ഛന് എന്നെ പ്രഭാത ഭക്ഷണം കഴിക്കാൻ വിളിച്ചു. ഞാൻ കുറച്ചു കഴിഞ്ഞു കഴിച്ചോളാം എന്നു പറഞ്ഞു ഗെയ്റ്റ്ന്റെ അടുത്ത് നിന്ന് അമ്മുവേചിയെ കാണാൻ പറ്റുമോ എന്നു നോക്കി കൊണ്ടിരിക്കുമ്പോഴാണ് ചെറിയമ്മയുടെ ചേട്ടന്റെ ജീപ്പ് വരുന്നത് കണ്ടത്. മൂപ്പര് ഒറ്റയ്ക്ക് ആണ് ചേച്ചിയും മോളും ഉച്ചയ്ക്ക് വരും എന്നു പറഞ്ഞു. സ്കൂളില് എന്തോ മീറ്റിംഗ് ഉണ്ടെന്ന് പറഞ്ഞു കൂടെ എന്നോട് അവർ വന്നതിനു ശേഷം മാത്രേ പോകണ്ടൂ എന്നു പറഞ്ഞു അച്ഛനെ വിളിച്ചു കാര്യം പറഞ്ഞിട്ടുണ്ടെന്ന് പറഞ്ഞു എനിക്ക് ഒന്നും മനസ്സിലായില്ല അവർ വന്നിട്ട് മാത്രേ പോകാവൂ എന്നത് ഒഴികെ . അച്ഛനും ചേട്ടനും പോയി. അവർ പറമ്പ് എന്നു പറഞ്ഞത് ഒരു ചെറിയ എസ്റ്റേറ്റ് ആണെന്ന് പറയുന്നത് കേട്ടിട്ടുണ്ട്.
പത്രം വന്നു ഞാൻ അത് വായിച്ചു കൊണ്ടിരുന്നപ്പോൾ ചെറിയമ്മ വന്നിട്ട് പറഞ്ഞു ചേട്ടന്റെ ചങ്ങാതി വൈകുന്നേരം എയർപോർട്ടിൽ പോകുന്നുണ്ട് നിന്നെ അവരെ ഒപ്പം വിടാൻ ആണ്, അച്ഛനോട് സംസാരിച്ചിട്ടുണ്ടെന്ന് പറഞ്ഞു.
