..”..അതൊക്കെ എടുത്ത് കട്ടിലിൽ നിരത്തി വെച്ചിട്ടുണ്ട് .ഇനി ചേട്ടൻ വന്നു കാണട്ടെ എന്നിട്ടു ബാഗിലാക്കാം .അല്ലെങ്കി പിന്നെ വെറുതെ വഴക്കുണ്ടാക്കും അതെടുത്തില്ലല്ലോ ഇതെടുത്തില്ലല്ലോന്നു..”.. .
..”..ഹ ഹ അവന്റെ താളത്തിനൊത്ത് നീ തുള്ളാൻ നിന്നിട്ടല്ലേ .എടുത്ത് വെച്ചിട്ടങ്ങ് പറയണം ഇതങ്ങിട്ടോണ്ടു പോയാൽ മതിയെന്ന് ഹല്ലാ പിന്നെ . ..”..
..”..ഊം അങ്ങനെ പറഞ്ഞലിപ്പം അനുസരിക്കുന്ന ആളാ .പറയേണ്ട താമസമേയുള്ളു . ..”..
അപ്പോഴേക്കും പുറത്ത് ബൈക്ക് വന്നു നിന്ന ശബ്ദം കേട്ടു
..”..ദേ അമ്മെ ചേട്ടൻ വന്നു ഞാനങ്ങോട്ടു ചെല്ലട്ടെ.. ..”..
..”..ഊം ..”..
റാണി ഉമ്മറത്തേക്ക് ചെന്നപ്പോഴേക്കും സജീവൻ വണ്ടി സ്റ്റാന്റിൽ വെച്ചിട്ടു കേറി വന്നു
..”..എന്തായെടി എല്ലാം എടുത്ത് വെച്ചോ ..”..
..”..ഊം കുറച്ചോക്കെ എടുത്തിട്ടുണ്ട് .ചേട്ടൻ ചെന്നു നോക്കീട്ടു പറ . ..”..
അപ്പോഴേക്കും സജീവൻ കയ്യിലിരുന്ന കവറെടുത്ത് അവളുടെ കയ്യിൽ കൊടുത്തു
..”..ഇതെന്തുവാ ചേട്ടാ ..”..
എന്നും പറഞ്ഞു കൊണ്ട് തുറന്നു .അതിൽ രണ്ട് മൂന്നു തോർത്തും പിന്നെ ടൂത്ത് ബ്രഷും പേസ്റ്റുമൊക്കെ ആയിരുന്നു .കൂടെ പ്ലാസ്റ്റിക്കിന്റെ ഒരു ഷേവിങ് സെറ്റും ..”..
..”..ങേ ഇതൊക്കെ മേടിച്ചു ചേട്ടൻ .ഞാനിവിടെ ഇരുന്നതൊക്കെ എടുത്ത് വെച്ചിട്ടുണ്ട് ..”..
എന്ന് പറഞ്ഞു കൊണ്ടവൾ സജീവന്റെ പുറകെ അകത്തേക്ക് ചെന്നു
..”..ആ മേടിച്ചെടി ഉപയോഗിച്ചതൊക്കെ കൊണ്ടെങ്ങനാടി അവിടൊക്കെ പോയി രണ്ട് ദിവസം നിൽക്കുന്നത് . ..”..
..”..അതിനത്രയൊന്നും നിൽക്കേണ്ടി വരില്ലല്ലോ പിന്നെന്താ ..”..
..”..ആര് പറഞ്ഞു അവിടെ ചെല്ലുമ്പോ അറിയാം .ചെലപ്പോ ഓപ്പറേഷൻ ഉണ്ടെന്കി പിന്നെ പറയുകയും വേണ്ട കുറഞ്ഞത് മൂന്നാലു ദിവസം നിൽക്കേണ്ടി വരും .റൂമെടുക്കാതെ പറ്റില്ല .നിന്റെ അച്ഛൻ കൊണ്ട് തന്ന പൈസയില്ലേ അതും കൂടി ഇല്ലാരുന്നെങ്കിൽ വല്ല റെയിൽവേ സ്റ്റേഷനിൽ വല്ലോം ഉറങ്ങെണ്ടി വന്നേനെ ..”…
..”..മൂന്നാലു ദേവാസൊക്കെ നിക്കേണ്ടി വരുമോ ചേട്ടാ ..”..
ഉള്ളിൽ തികട്ടി വന്ന സന്തോഷം അടക്കാൻ പാടു പെട്ടു കൊണ്ടവൾ ചോദിച്ചു
..”..പിന്നില്ലേ ഇതിപ്പോ നാളെ ചെന്നയുടനെ ഓപ്പറേഷനൊന്നും നടത്തത്തില്ലല്ലോ .ടെസ്റ്റുകളൊക്കെ കഴിഞ്ഞു എന്തായാലും രണ്ട് ദിവസം കഴിയും ഓപ്പറേഷൻ നടത്താൻ അത് കഴിഞ്ഞു രണ്ട് ദിവസമെങ്കിലും അവിടെ നിൽക്കേണ്ടി വരില്ലേ .നീയിതെന്തുവാടി ഒന്നുമറിയാത്തതു പോലെ സംസാരിക്കുന്നെ . ..”..
