ഉറക്കത്തിൽ ഷിൽനയുടെ സ്വപ്നം എന്നെ അലട്ടികൊണ്ടിരുന്നു. നീല കടലിന്റെ ആഴങ്ങളിലേക്ക് ഞങ്ങൾ കെട്ടിപിടിച്ചുകൊണ്ട് മുങ്ങി താഴ്ന്നു. എന്തിലോ പോയി ഇടിച്ചു നിന്നതും ഞെട്ടി എഴുന്നേറ്റു…
ആഹ്….. അമ്മേ…. വെള്ളം, വെള്ളം….. ആഹ്
എന്റെ ബഹളം കേട്ട് എന്നെ കെട്ടിപിടിച്ച് കിടന്നിരുന്ന വിഷ്ണുവും എഴുന്നേറ്റു.
: എന്താടാ….. വെള്ളം വേണോ..
: നീല വെള്ളം…. ഞാൻ ….
: പച്ച വെള്ളം മതിയെങ്കിൽ ഞാൻ എടുത്ത് കൊണ്ടുവരാം… നീല ഒന്നും കിട്ടൂല…
: അല്ലടാ …. ചുറ്റിലും നീല വെള്ളം ആണ്… ഞാൻ മുങ്ങി താണു പോയി…
: എന്നേരേ പറഞ്ഞിന്‌ അധികം വലിച്ചു കയറ്റണ്ട , കയറ്റണ്ടാന്ന് …
എടാ മൈരേ നീ വല്ല സ്വപ്നവും കണ്ടതായിരിക്കും…
: അതേടാ… സംഭവം സ്വപ്നം ആണ്… പക്ഷെ ഇത് എന്തോ എന്നെ വല്ലാതെ അലട്ടുന്നുണ്ട്..
: നീ ഒന്ന് കിടന്ന് ഉറങ്ങിയാട്ടെ…. സമയം 4 ആയി…
: കെട്ടിപിടിച്ച് കിടക്കാൻ നീ എന്താ എന്റെ ഓളോ… മാറി കിടക്ക് അങ്ങോട്ട്…
________/________/_________/__________
രാവിലെ കുളിച്ചൊരുങ്ങി അമ്പലത്തിൽ പോയി. ചേച്ചിയും അളിയനും, കുട്ടൂസനും, വിഷ്ണുവും ഉണ്ട് കൂടെ. ഷി വെളുക്കുന്നതിന് മുന്നേ എഴുന്നേറ്റ് എന്റെ മുറിയിൽ നിന്നും പോയിരുന്നു. വീട്ടിൽ ഒന്നും നോക്കിയിട്ട് കണ്ടില്ല അവളെ. അല്ലെങ്കിൽ അമ്പലത്തിൽ വരുമ്പോൾ കൂട്ടണം എന്നുണ്ടായിരുന്നു എനിക്ക്. അമ്മായിയേയും വീട്ടിൽ കണ്ടില്ല. ചിലപ്പോൾ കുളിച്ചൊരുങ്ങി വരാനായി വീട്ടിലേക്ക് പോയതാവും. ഏത് കല്യാണ അൽബത്തിലും അമ്പലത്തിൽ പോയി പ്രസാദം വാങ്ങുന്നതും തൊഴുത് നിൽക്കുന്നതും ആയ ഫോട്ടോ ഉണ്ടാവുമല്ലോ. ഞാനായിട്ട് ആ പതിവ് തെറ്റിച്ചില്ല. ഗോൾഡൻ കരയുള്ള കസവ് മുണ്ടും മെറൂൺ കളർ ഷർട്ടും ഇട്ട് തിളങ്ങി നിന്നു കാമറയുടെ മുന്നിൽ.
ഉള്ളിൽ സങ്കടം ഉണ്ടെങ്കിലും അത് പുറത്ത് കാണിക്കാതെ എല്ലാവരോടും ചിരിച്ചും വർത്തമാനം പറഞ്ഞും ഞാൻ ആൾക്കൂട്ടത്തിന്റെ ഇടയിൽ എന്റെ ഷിൽനയെ തിരഞ്ഞു. എല്ലാവരും വീട്ടിൽ എത്തിയിട്ടുണ്ടെങ്കിലും ഷിൽനയും അമ്മായിയും മാത്രം ഇല്ല. അതല്ല എന്നെ കാണാതെ മനപൂർവം മാറി നിൽകുന്നതാണോ.
