രാജമ്മ തങ്കച്ചിയുടെ സേവ് ദ ഡേറ്റ്

മാലാഖയാണ്. തന്നെ രക്ഷിക്കാൻ വന്ന മാലാഖ.
പക്ഷേ ഇത് ഏറ്റെടുത്താൽ ഞങ്ങൾ ഇതിന്‌റെ പിന്നാലെ ആറുമാസം നടക്കേണ്ടി വരും. ഞങ്ങൾക്ക് ആ സമയത്ത് വേറെ അസൈൻമെന്‌റ്‌സ് ഒന്നും എടുക്കാൻ പറ്റില്ല. അതുകൊണ്ട് ഇതിന്‌റെ ചെലവ് നന്നായി കൂടും-ജോഷി അതിന്‌റെ ഇടയിൽ കൂടി അൽപം മുണ്ടക്കയം കച്ചവടബുദ്ധി എറിഞ്ഞുകൊടുത്തു.
അക്കാര്യം പേടിക്കേണ്ട- തന്‌റെ ഭാരിച്ച കൊതങ്ങൾ സെറ്റിയിൽ നിന്നു പൊക്കി എഴുന്നേറ്റുകൊണ്ട് രാജമ്മ തങ്കച്ചി പറഞ്ഞു. അവരുടെ മുഖം നന്നായി തെളിഞ്ഞിരുന്നു.
അവർ സ്വീകരണമുറിയിലെ ഒരു വലിയ ചിത്രത്തിനു നേർക്കു നടന്നു. അവരുടെ കച്ചിത്തുറു പോലെയുള്ള കുണ്ടികൾ നടത്തത്തിനിടെ കിടന്ന് ഡിങ്കോഡാൽഫി കളിക്കുന്നത് കണ്ട് വീർപ്പടക്കി ജോഷിയും ഷിജുവും ഇരുന്നു.
ഇതെന്‌റെ ഭർത്താവ് മോഹനൻ തമ്പിയാണ്- ആ ചിത്രത്തിനു നേർക്ക് വിരൽചൂണ്ടി രാജമ്മ തങ്കച്ചി പറഞ്ഞു.ഗംഭീരമായ മുഖവും കനത്ത മീശയുമുള്ള ഒരു പുരുഷന്‌റെ ചിത്രമായിരുന്നു അത്.
തമ്പിയദ്ദേഹമെന്നാണ് നാട്ടുകാർ എന്‌റെ ഭർത്താവിനെ വിളിച്ചിരുന്നത്. അദ്ദേഹം ജീവനോടെയിരുന്ന കാലത്ത് തമ്പുരാട്ടിപുരം തറവാട് പ്രശസ്തമായിരുന്നു. അതിനു മുന്നും അതു തന്നെ. പണ്ടു രാജവാഴ്ചക്കാലത്ത് പൊന്നുതമ്പുരാൻ പോലും തമ്പുരാട്ടിപുരം തറവാട്ടിലെ കാരണവൻമാരോട് ചോദിച്ചിട്ടെ എന്തെങ്കിലും ചെയ്യുകയുള്ളായിരുന്നു.
ഇപ്പോൾ പ്രശസ്തിയില്ലെങ്കിലും പണം കുന്നുകൂടി കിടക്കുകയാണ്. ബാങ്കിലും വസ്തുക്കളിലും ഷെയറിലും ബിസിനസിലുമെല്ലാം എല്ലാം കുടുംബസ്വത്ത്. ദേ ഇവനും ഇവളും കൂടി യുഎസിൽ ഉണ്ടാക്കുന്നത് വേറെ. ഇതെല്ലാം പിള്ളേരടെ കാര്യങ്ങൾക്കല്ലേ. എത്രാ നിങ്ങടെ ഫീസെന്ന് ഞങ്ങൾ ചോദിക്കുന്നില്ല. അതെത്രയായാലും ഞങ്ങൾ തരും. കൂടുതലും. പക്ഷേ ഞങ്ങളുടെ തറവാട് വീണ്ടും പ്രശസ്തമാകണം.ഞങ്ങളുടെ ധനസ്ഥിതിയും പ്രൗഢിയുമൊക്കെ നാലാളറിയണം- രാജകീയമായ ചിരിയോടെ രാജമ്മ തങ്കച്ചി അതു പറഞ്ഞപ്പോൾ അവരുടെ മുഖത്ത് ഗാംഭീര്യം കളിയാടി നിന്നു.
അക്കാര്യം ഞങ്ങളേറ്റു തമ്പുരാട്ടീ, -ഷിജു അതു പറഞ്ഞു കഴിഞ്ഞപ്പോൾ ബാലുത്തമ്പി കാവ്യയുടെ ചെവിയിൽ എന്തോ പറഞ്ഞു. ഒന്നു തലകുലുക്കിയ ശേഷം തന്‌റെ ബോളിവുഡ് കുണ്ടികൾ ഇളക്കി അവർ അകത്തെ ഏതോ മുറിയിലേക്കു പോയി. തിരികെ വന്നത് ഒരു കവറുമായാണ്.
ആ കവർ അവർ ജോഷിയുടെ നേർക്കു നീട്ടി. ജോഷി അതു വാങ്ങി.
അഡ്വാൻസാണ്. അഞ്ചു ലക്ഷം രൂപയുണ്ട്, പോരെ- കാവ്യ വശ്യമായ ചിരിയോടെ ചോദിച്ചു.
ജോഷിയുടെ കിളിപാറി പോയി. അഞ്ചുലക്ഷം രൂപ അഡ്വാൻസ്. അപ്പോൾ ഫീസെത്രയായിരിക്കും ഇവർ തരാൻ പോകുന്നത്. വിചാരിച്ചതു പോലെ തന്നെ ശരിക്കും പുളിങ്കൊമ്പാണ്. അവൻ ഓർത്തു.
മതി മാഡം, താങ്ക്‌സ്- ആ കവർ വാങ്ങിക്കൊണ്ട് അവൻ പറഞ്ഞു.
അപ്പോ എങ്ങനെയാ നിങ്ങളുടെ പ്ലാൻ. ബാലുത്തമ്പി ചോദിച്ചു.
ആദ്യ എപ്പിസോഡിനു വേണ്ടി ഞങ്ങൾ ഉടൻ ഒരു സ്‌ക്രിപ്റ്റ് തയാറാക്കാം. അതുടനെ അറിയിക്കാം.
കൊള്ളാം, ഒരു സജഷനുണ്ട്. എല്ലാ എപ്പിസോഡും ഒരിടത്തു ഷൂട്ട് ചെയ്യേണ്ട. വിവിധ ലൊക്കേഷനിൽ ഷൂട്ട് ചെയ്താൽ പൊളിക്കും. കൈയുയർത്തി വശ്യമായ ആംഗ്യവിക്ഷേപത്തോടെ കാവ്യ പറഞ്ഞു.
അങ്ങനെ ചെയ്യാം മേഡം- തലകുലുക്കി ജോഷി പറഞ്ഞു.
അങ്ങനെയെങ്കിൽ ഞാനൊരു കാര്യം പറയാം. കല്യാണം കഴിയുന്നതു വരെ