വിഷയത്തിൽ നിന്നും വ്യതിചലിച്ചുകൊണ്ട് അവളെന്നോട് ചോദിച്ചു .
“മ്മ്..അതൊക്കെ കുടിക്കും..എന്നിട്ടെന്തുണ്ടായെന്നു പറ “
ഞാൻ ഒരു കഥ കേൾക്കും പോലെ ആവേശത്തോടെ തിരക്കി .
“മ്മ്…പിന്നെ കുറച്ചു വയലൻസ് ആയി..എന്റെ തല പിടിച്ച അവൻ ചുമരിൽ ഇടിച്ചു..അങ്ങനെ പറ്റിയതാണ് ഈ കാണുന്നത് “
മഞ്ജു ചിരി വരുത്തിക്കൊണ്ട് നെറ്റിയിലെ ബാൻഡ് ഐഡിൽ തൊട്ടു കാണിച്ചു കൊണ്ട് പറഞ്ഞു .
“പിന്നെ …പിന്നെ അവൻ കസേര എടുത്തു എന്നെ അടിച്ചു ..ഫൈബറിന്റെ കസേര ആയോണ്ട് ഇടുപ്പെല്ലു പൊട്ടിയില്ല , ചെറിയ ചതവിൽ ഒതുങ്ങി …അങ്ങനെ ആ വിഷമത്തിൽ ഇരിക്കുമ്പോഴാ നിന്റെ ഒലിപ്പീരു ..അപ്പൊ പിന്നെ ദേഷ്യം വരാതെ ഇരിക്കോ”
അവൾ വളരെ ലാഘവത്തോടെയാണ് അതെല്ലാം പറയുന്നതെന്ന് എനിക്ക് തോന്നി. ചിലപ്പോൾ അതെല്ലാം പരിചയിച്ചതുകൊണ്ടാകും . പക്ഷെ കോളേജിൽ കാണുന്ന മഞ്ജുവിന്റെ മുഖവും ആറ്റിറ്റ്യൂടും കണ്ടാൽ പറയില്ല ഇങ്ങനെ ഒരു പേർസണൽ ലൈഫ് ഉണ്ടെന്നു .
ഞാനതു കണ്ടു ചുണ്ടിൽ ചിരി വരുത്തി അവളെ വല്ലായ്മയോടെ നോക്കി . ഇത്ര പാവം ആയിരുന്നല്ലേ ടീച്ചർ !
അവൾ ഇലക്ട്രിക് സ്റ്റവ്വ് ഓഫ് ആക്കികൊണ്ട് , ഒരു ചില്ലു ഗ്ലാസ് എടുത്തു . പിന്നെ അതിന്മേലേക്കു ഒരു അരിപ്പ എടുത്തു വെച്ചു ശ്രദ്ധയോടെ ചായ പത്രം അതിലേക്കു ചെരിച്ചു. ചായ അരിപ്പയിലൂടെത്തട്ടി ഒഴുകി ഗ്ലാസിൽ നിറയാൻ തുടങ്ങി. തേയില ചണ്ടി അരിപ്പയിൽ തടഞ്ഞു നിന്നു . നല്ല കടും നിറത്തിലുള്ള കട്ടൻ ചായ റെഡി !
മഞ്ജു അതെടുത്തു എനിക്ക് നീട്ടി.
ഞാൻ കൈനീട്ടി വാങ്ങി .
“എന്നിട്ട് .?”
ഞാൻ വീണ്ടും കാര്യങ്ങൾ അറിയാനുള്ള ത്വരയിൽ ചോദിച്ചു.
“പറയാം..നീ ചായ കുടിക്ക് “
മഞ്ജു പറഞ്ഞുകൊണ്ട് സ്ലാബിനു മീതേക്ക് ചാരി നിന്നു , കൈകൾ സ്ളാബിൽ കുത്തികൊണ്ടാണ് നിൽപ്പ് .
“മിസ് കുടിക്കുന്നില്ലേ ?”
ഞാൻ ചായ ഊതിക്കൊണ്ട് അവളെ നോക്കി.
“വേണ്ട…നീ കുടിച്ചോ ..ഞാൻ പിന്നെ കഴിച്ചോളാം “
മഞ്ജു പറഞ്ഞു . പിന്നെ ഞങ്ങൾ രണ്ടാളും അടുക്കളയിൽ നിന്നും തിരിച്ചു ഹാളിലേക്ക് തന്നെ നടന്നു. സോഫയിലായി മഞ്ജുവും തിരികെ കസേരയിലായി ഞാനും ചെന്നു ഇരുന്നു .
