റോസിമോളെ ഞാൻ കളിക്കുന്ന സ്ഥലത്തേക്കൊക്കെ കൊണ്ട് പോകുന്ന കാര്യം സൂചിപ്പിച്ചു മഞ്ജുസ് തിരിച്ചടിച്ചു .
“അപ്പൊ അവക്ക് അസുഖം ഒന്നും ഇല്ലല്ലോ …ഇപ്പോ അങ്ങനെ ആണോ …”
ഞാൻ പറഞ്ഞുകൊണ്ട് തന്നെ റോസിമോളെ മഞ്ജുസിന്റെ കയ്യിന്നു വാങ്ങി .
“ചാച്ചടെ ..മുത്തേ ….ഉമ്മ്ഹ …”
ഞാൻ അവളുടെ കവിളിൽ ഉമ്മവെച്ചുകൊണ്ട് ചിരിച്ചു . പക്ഷെ പതിവുള്ള സന്തോഷമോ തുള്ളിചാട്ടമോ അവളുടെ ഭാഗത്തു നിന്നും ഉണ്ടായില്ല .
“ഇതിനെ ഒന്നുടെ ഡോക്ടറുടെ അടുത്ത് കൊണ്ട് പോണോ ? ”
മഞ്ജുസ് എന്നെ സംശയത്തോടെ നോക്കി .
“വേണോ ?”
ഞാൻ അവളെയും നോക്കി .
“പോയേക്കാം …എന്തായാലും വിവരം പറയാലോ ..നീ നിക്ക്..ഞാൻ വേഗം കുളിച്ചിട്ട് വരാം ”
അത്രയും പറഞ്ഞുകൊണ്ട് മഞ്ജുസ് സാരി ബെഡിലേക്ക് അഴിച്ചിട്ടു . പിന്നെ ഒരു ടവ്വലും എടുത്തു പിടിച്ചു വേഗം ബാത്റൂമിലേക്ക് കയറി .
അവൾ കുളിച്ചു വരുന്നത് വരെ ഞാൻ റോസിമോളെയും കെട്ടിപിടിച്ചു ബെഡിൽ കിടന്നു . എന്റെ നെഞ്ചിലെ ചൂടുപറ്റി കിടന്നു അവളും ഇടക്കിടെ ചിരിക്കും ..എന്തായാലും മഞ്ജു വേഗം കുളി തീർത്തു പുറത്തിറങ്ങി . പിന്നെ ഒരു ചുരിദാർ എടുത്തിട്ട് വേഗം മുടിയൊക്കെ ചീകി റെഡിയായി .
അതോടെ അഞ്ജുവിനോടും അമ്മയോടും കാര്യം പറഞ്ഞു ഞങ്ങള് റോസിമോളെയും കൊണ്ട് ഡോക്ടറുടെ അടുത്തേക് പോയി . മോൾക്ക് വേറെ പ്രെശ്നം ഒന്നും ഇല്ലെന്നും ചുമ അഡിഷണൽ ആയി വന്നതുകൊണ്ട് അതിനുള്ള മരുന്നും കൂടി പുള്ളിക്കാരൻ കുറിച്ച് തന്നു . വീടിനടുത്തു തന്നെയുള്ള കുട്ടികളുടെ ഡോക്ടർ ആയ നിയാസ് നെ ആണ് ഞങ്ങള് സ്ഥിരം കാണിക്കാറുള്ളത് . എന്തായാലും ഡോക്ടറെ കണ്ടു ഒരു മണിക്കൂറിനുള്ളിൽ ഞങ്ങൾ തിരികെ എത്തി .
അപ്പോഴേക്കും ആദിയും അച്ഛനും ഒകെ തിരികെ എത്തിയിരുന്നു . ഞങ്ങള് കയറി ചെല്ലുമ്പോ മാതാശ്രീ ആദിക്കു ബിസ്ക്കറ്റും പാലും ഒകെ കൊടുക്കുന്ന തിരക്കിൽ ആയിരുന്നു . എന്തായാലും അവനെ കൂടി ഗൗനിക്കേണ്ടതുള്ളതുകൊണ്ട് റോസിമോളെ എനിക്ക് തന്ന ശേഷം മഞ്ജുസ് അവന്റെ അടുത്തേക്ക് നീങ്ങി . പിന്നെ ബാക്കിയുള്ളതൊക്കെ കൊടുത്തത് അവളാണ് .
എന്തായാലും അന്നത്തെ ദിവസം ഓരോ തിരക്കുകളുമായി അങ്ങനെ നീങ്ങി . മായേച്ചിയുടെ ഡെലിവറി കൂടി കഴിഞ്ഞതോടെ ഒരുവിധപ്പെട്ട ടെൻഷനൊക്കെ ഒഴിഞ്ഞു . രാത്രി അതേക്കുറിച്ചു ഞാനും മഞ്ജുസും കുറെ നേരം സംസാരിച്ചു ഇരിക്കുകയും ചെയ്തു .
പിള്ളേര് ഉറങ്ങിയാശേഷമാണ് ഞങ്ങളുടെ ചർച്ച നടക്കാറ് . അതിനിടയിലാണ് ഇടക്കുവെച്ചു മുടങ്ങിയ ഗെറ്റ് ടുഗതർ വീണ്ടും നടത്തുന്നതിന്റെ കാര്യം ഞാൻ മഞ്ജുസിനോട് സൂചിപ്പിച്ചത് . പുതപ്പിനടിയിൽ അവളുടെ പുറകിൽ ജാക്കിവെച്ചുകൊണ്ടാണ് ഞാൻ കിടന്നിരുന്നത് .
“മിസ് എന്താ ഒന്നും മിണ്ടാത്തെ..? ബോറടിച്ചു തുടങ്ങിയോ ?”
ഞാൻ അവളുടെ പിന്കഴുത്തിൽ മുഖം ഉരുമ്മിക്കൊണ്ട് ചിരിച്ചു .
