“ഓ പിന്നെ..ഞാൻ പർദ്ദ ഇട്ടാലും നിനക്ക് മാറ്റം ഒന്നും ഉണ്ടാവാൻ പോണില്ല ..എനിക്കറിഞ്ഞൂടെ “
മഞ്ജു എന്നെ കളിയാക്കി..
“ദേ മഞ്ജുസേ…”
ഞാൻ ശബ്ദം ഉയർത്തിയപ്പോൾ അവൾ ചിരിച്ചു .
‘ഒന്ന് പോടാ അവിടന്ന് ..അതൊന്നും നടപ്പില്ല…പിന്നെ ഞാൻ നിന്നോട് പറയാൻ വിട്ടു ..നാളെ എന്റെ ബർത്ത്ഡേ ആണ് ..”
മഞ്ജു പതിയെ പറഞ്ഞപ്പോൾ ഞാനൊന്നു അമ്പരന്നു .
“ആണോ …? എന്നിട്ടിപ്പഴാണോ പറയുന്നേ ..”
ഞാൻ നിരാശയോടെ തിരക്കി .
“ഞാൻ പറയാൻ മറന്നതാ….സോറി…”
മഞ്ജു ചിരിച്ചു.
“ചെ…ആദ്യം പറഞ്ഞിരുന്നേ ഞാൻ വല്ല ഗിഫ്റ്റും വാങ്ങിച്ചേനെ “
ഞാൻ നിരാശയോടെ പറഞ്ഞു .
“ഓ..എനിക്ക് നിന്റെ ഗിഫ്റ് ഒന്നും വേണ്ട ..”
മഞ്ജു ചിരിയോടെ പറഞ്ഞു .
“അതെന്താ…?”
ഞാൻ അത്ഭുതത്തോടെ തിരക്കി..
“ഓ…ഒന്നുമില്ലെടാ പൊട്ടാ..ഞാൻ ചുമ്മാ വായിൽ വന്നത് പറഞ്ഞതാ…”
അവൾ ചിരിയോടെ പറഞ്ഞു..
‘”ആഹ്…എന്നാലും ഞാൻ എന്തേലും തരട്ടെ…”
ഞാൻ സംശയത്തോടെ ചോദിച്ചു.
“ഏയ് ..വേണ്ട…ക്യാഷ് ചിലവാക്കിയിട്ടുള്ള പരിപാടി ഒന്നും വേണ്ട “
മഞ്ജു കട്ടായം പറഞ്ഞു . എന്റെ കയ്യിൽ പൈസ ഒന്നും കാണില്ലെന്ന് അവൾക്കറിയാം..അതുകൊണ്ടാണ് അങ്ങനെ പറയുന്നതെന്ന് എനിക്ക് തോന്നി .നമ്മളെത്ര ഹെവി ടീമ് ഒന്നുമല്ലല്ലോ .
“മ്മ്…എന്നാലും…?”
