അവൾ ഞാൻ അടുത്ത് വന്നിരുന്നതും കസേര സ്വല്പം നീക്കിയിട്ടു .എനിക്കതു കണ്ടപ്പോൾ ചിരി വന്നു. ഞാൻ വല്ലോം ചെയ്താലോ എന്നുള്ള പേടിയാണ് !
“മഞ്ജുസ് ..ഞാൻ ഒരു കാര്യം പറയട്ടെ..”
ഞാൻ കുറച്ചു നേരം ഓരോന്ന് ആലോചിച്ചു ഇരുന്ന ശേഷം അവളെ നോക്കി. അവളപ്പൊഴേയ്ക്കും ഷേക്ക് സ്ട്രോ ഇട്ടു ഇളക്കി കുടിക്കാനുള്ള തയ്യാറെടുപ്പിൽ ആയിരുന്നു .
“മ്മ്…എന്താ ?”
അവൾ എന്നെ നോക്കികൊണ്ട് തിരക്കി .
“ഒന്നുമില്ല..ഇന്നലെ മഞ്ജുസ് പറഞ്ഞില്ലേ..ഞാനിനി എത്ര നാറി ആണേലും മഞ്ജുസിനു കുഴപ്പമില്ലെന്ന് ..”
ഞാൻ പറഞ്ഞു നിർത്തി അവളെ നോക്കി .
ഞാൻ എന്താണ് പറഞ്ഞു വരുന്നതെന്ന് മനസിലാകാത്ത പോലെ അവൾ എന്നെ നോക്കി മിഴിച്ചിരുന്നു .
“അതിനു ..?”
അവളെന്നെ ചോദ്യ ഭാവത്തിൽ നോക്കി .
“അല്ല..ഞാൻ മുൻപ് എങ്ങനെ ആയിരുന്നു എന്ന് മഞ്ജുസിനു അറിയണ്ടേ ?”
ഞാൻ മടിച്ചു മടിച്ചു തിരക്കി .
“വേണ്ട…”
അവൾ ഗൗരവത്തിൽ പറഞ്ഞു .
ഞാൻ അവളുടെ അടുത്തേക്ക് കസേര നീക്കിയിട്ടു കൊണ്ട് മഞ്ജുസിന്റെ കയ്യിൽ പിടിച്ചു .
“വേണം..മഞ്ജുസ് എല്ലാം അറിയണം ..ഇലെങ്കി എനിക്കൊരു സമാധാനം ഇല്ല “
ഞാൻ അവളുടെ കയ്യിൽ പിടിച്ചു അമർത്തികൊണ്ട് പറഞ്ഞു .
“വേണ്ടെടാ…പിന്നെ ഞാൻ അതൊക്കെ ഇടക്കു ദേഷ്യം വരുമ്പോ പറഞ്ഞാൽ നിനക്കു ഫീൽ ആവും..”
അവൾ എന്റെ കവിളിൽ തട്ടികൊണ്ട് പറഞ്ഞു .
“ഹ്..അതൊന്നും കുഴപ്പമില്ല ..ഞാൻ പറയട്ടെ ..”
ഞാൻ വീണ്ടും പറഞ്ഞുകൊണ്ട് അവളെ നോക്കി.
“നീ വെറുതെ എന്റെ മൂഡ് കളയല്ലേ..”
അവൾ പെട്ടെന്ന് ചൂടായി.
“ഇല്ല..എനിക്ക് പറയണം..”
