ഞാൻ ഉയർന്നുകൊണ്ട് വേദനയോടെ അവളെ നോക്കി. ഒന്നും സംഭവിക്കാത്ത മട്ടിൽ അവൾ തല ചെരിച്ചു നിന്നു.
“ഒരു മഞ്ജുസും ഇല്ല ..എന്നെ വേദനിപ്പിച്ച എന്റെ കയ്യിന്നു നല്ലതു കിട്ടും ”
മഞ്ജു കട്ടായം പറഞ്ഞു എന്റെ കവിളിൽ തട്ടി…
“ബാ ബാ ..”
അപ്പോഴേക്കും ഞാൻ തുറന്ന ഡോർ തള്ളി തുറന്നുകൊണ്ട് അവൾ പറഞ്ഞു .
“എടി ടീച്ചറെ ..ശരിക്കും നിനക്ക് വല്ല കുഴപ്പവും ഉണ്ടോ…?”
ഞാൻ അവളെ അത്ഭുതത്തോടെ നോക്കികൊണ്ട് നടു ഉഴിഞ്ഞു ചോദിച്ചു ..
കൈയിലുണ്ടായിരുന്ന ബാഗ് ഒകെ കസേരയിലേക്ക് അൺ ലോഡ് ചെയ്യുന്ന തിരക്കിൽ ആയിരുന്നു കക്ഷി…
“ആഹ്..ചെറിയ കുഴപ്പം ഉള്ളോണ്ടാണല്ലോ നിന്നെ ഞാൻ കല്യാണം കഴിച്ചത്…”
മഞ്ജു എന്നെ നോക്കി ചിരിയോടെ പറഞ്ഞു .
അപ്പോഴേക്കും ഞാൻ റൂമിലെത്തി .
മഞ്ജു ഹീറ്റർ ഒകെ ഓണാക്കി ഇട്ടു . നേരിയ ചൂട് റൂമിൽ ഒഴുകാൻ തുടങ്ങി .ഞാൻ അവളെ അടിമുടി നോക്കി നേരെ ബെഡിലേക്ക് ചെന്നു കിടന്നു..
അപ്പോഴേക്കും മഞ്ജുസ് ബാഗ് ഒകെ തുറന്നു ടവ്വലും മറ്റും എടുത്തു കുളിക്കാനുള്ള തയ്യാറെടുപ്പിൽ ആയിരുന്നു .
“ഡാ ചെറുക്കാ..നീ കുളിക്കുന്നില്ലേ ?”
മഞ്ജു ടവൽ തോളിലിട്ട് എന്നെ നോക്കി..
“ഇല്ല..എനിക്ക് വയ്യ ഈ തണുപ്പത്തു കുളിക്കാൻ…”
ഞാൻ പതിയെ പറഞ്ഞു …
“ഡാ..വാടാ …നമുക്കൊന്നിച്ചു കുളിക്കാട”
മഞ്ജുസ് പെട്ടെന്ന് എന്നെ കൊതിപ്പിക്കാനായി പറഞ്ഞു ചുണ്ടു കടിച്ചു…
“അതെ നമ്പർ ഒന്നും വേണ്ട ..വേഗം പോയി വന്നേ ..അയാം ത്രിൽഡ്”
ഞാൻ ബെഡിൽ എഴുന്നേറ്റിരുന്നു അവളെ നോക്കി കൈ മസിൽ ഉയർത്തി കാട്ടി…
“നമ്പർ അല്ല വാ ..”
മഞ്ജു വീണ്ടും പറഞ്ഞു.
“ഇല്ല…എനിക്ക് വയ്യ ..”
ഞാൻ കട്ടായം പറഞ്ഞതോടെ മഞ്ജു എന്റെ നേരെ പാഞ്ഞടുത്തു .
അവൾ എന്റെ നേരെ മുൻപിൽ വന്നു നിന്നു .പിന്നെ ടവൽ ബെഡിലേക്കിട്ടു .
“ഡാ കവി ..വാടാ ചക്കരെ ”
മഞ്ജുസ് എന്റെ താടിത്തുമ്പു പിടിച്ചുയർത്തി പറഞ്ഞു..
ഞാൻ അവളെ മുഖം ഉയർത്തി അതിശയത്തോടെ നോക്കി..പിന്നെ ഒറ്റവലിക്ക് പിടിച്ചു വലിച്ചു എന്റെ മടിയിലേക്കിരുത്തി , വയറിലൂടെ ചുറ്റിപിടിച്ചു..
“ഏയ്..കവി….ഡാ…”
