അവളുടെ മുഖത്തും ഗൗരവം നിറഞ്ഞു നിന്നു.
എന്നാൽ കുറച്ച് മുമ്പ്‌ വരെ എനിക്ക് തോന്നിയിരുന്നു അസ്വസ്ഥതയും ലജ്ജയും എല്ലാം മഞ്ഞു പോലെ അലിഞ്ഞില്ലാതായി. എന്റെ കണ്ണുകള്‍ക്ക് തീക്ഷ്ണത ഏറുകയും ചെയ്തതോടെ ഷസാനയുടെ മുഖത്ത് അസ്വസ്ഥത പടർന്നു പിടിക്കാന്‍ തുടങ്ങി.
ഇവിടെ വരേണ്ടായിരുന്നു എന്ന ഭാവവും അവളുടെ മുഖത്തുണ്ടായി. പക്ഷേ പെട്ടന്ന് തന്നെ അവൾ ധൈര്യം വീണ്ടെടുത്തു കൊണ്ട്‌ എന്നെ തറപ്പിച്ച് നോക്കി. ഞാൻ കുലുങ്ങിയില്ല.
“എന്തുകൊണ്ട്‌ ഈ ചോദ്യം നി നിന്റെ അമ്മയോട് ചോദിച്ചില്ല…?” ഞാനും അല്‍പ്പം ഗൌരവത്തില്‍ ചോദിച്ചതും അവളുടെ ധൈര്യം എല്ലാം പെട്ടന്ന് ചോര്‍ന്നുപോയി.
“ഞങ്ങളുടെ കാര്യമൊക്കെ ചേട്ടനും അറിയാവുന്നതല്ലേ…? എനിക്കും എന്റെ ഉമ്മാക്കും ഞങ്ങൾ മാത്രമാണ് പരസ്പരം ആശ്വാസമായിട്ടുള്ളത്. അപ്പോ പിന്നെ ഞാൻ അവരോട് ചോദിച്ചാൽ പിന്നീട് ഞങ്ങൾക്ക് പരസ്പരം ഫേസ് ചെയ്യാൻ കഴിയുമെന്ന് ചേട്ടന് തോന്നുന്നുണ്ടോ..? ഉമ്മാ തെറ്റ് ചെയ്യുന്നത് ഞാൻ കണ്ടു എന്ന് അറിഞ്ഞാല്‍ അവർ തകർന്നു പോകും. അപ്പോൾ എന്റെ സമാധാനവും തകരും… ഞങ്ങളുടെ ബന്ധത്തിന് കോട്ടവും സംഭവിക്കും… പിന്നെ ഞങ്ങളുടെ സ്വര്‍ഗം നരകമായി തീരും. അതൊന്നും ഞാൻ ആഗ്രഹിക്കുന്നില്ല. അതുകൊണ്ടാണ് ഞാൻ ചേട്ടന്റെ അടുത്തേക്ക് വന്നത്.” അവൾ സങ്കടത്തോടെ പറഞ്ഞു.
അവളുടെ സങ്കടം കണ്ടിട്ട് എനിക്ക് സഹതാപം തോന്നി.
“ഞാൻ ചെയ്തത് തെറ്റാണ്, ഷസാന. ഇനി ഒരിക്കലും ഇങ്ങനെ ഒന്നും സംഭവിക്കില്ല.” ഞാൻ അവളുടെ കണ്ണില്‍ നോക്കി ആത്മാര്‍ത്ഥമായി പറഞ്ഞു. “അതുകൊണ്ട്‌ ഈ ചർച്ച നമുക്ക് ഒഴിവാക്കിക്കൂടേ…..?” ഞാൻ അപേക്ഷിച്ചു.
അപ്പോൾ ഷസാന കുറെ നേരം എന്നെ തന്നെ നോക്കിയിരുന്നു… ഒരു തീരുമാനത്തില്‍ എത്താന്‍ കഴിയാത്ത പോലെ.
ഒടുവില്‍ എന്തോ തീരുമാനിച്ചത്‌ പോലെ അവൾ പറഞ്ഞു, “നിങ്ങൾ രണ്ടുപേരും ചെയ്തത് തെറ്റാണ്. പക്ഷേ ചേട്ടനെ കാണുന്നത് വരെ എന്റെ ഉമ്മാ സ്വസ്ഥത ഇല്ലാതെയാണ് ജീവിച്ചത്. ചേട്ടനോട് സംസാരിക്കാൻ തുടങ്ങിയത്‌ തൊട്ടാണ് അവർ ഒരുപാട്‌ സന്തോഷിക്കുന്നതൊക്കെ ഞാൻ കണ്ടിട്ടുള്ളത്. പല രാത്രികളും ഉമ്മാ ചേട്ടനോട് ഫോണിൽ സംസാരിക്കുന്നതൊക്കെ ഞാൻ രഹസ്യമായി കേട്ടിട്ടുണ്ട്. അവർ ചെയ്യുന്നത് തെറ്റാണെന്ന്‌ അറിഞ്ഞിട്ടും എന്റെ ഉമ്മായുടെ സന്തോഷത്തെ നശിപ്പിക്കാന്‍ മാത്രം എനിക്ക് കഴിഞ്ഞില്ല. പക്ഷേ നിങ്ങൾ തമ്മില്‍ ഇത്ര ഡീപ് ആയിട്ട് പോകുമെന്ന് ഞാൻ ഒരിക്കലും കരുതിയില്ല.”
