ഒരാണും ഒരു പെണ്ണും കൂടി ഞങ്ങളുടെ ഫുഡ് അകത്തേക്ക് കൊണ്ടു വന്നു. അതിനെ മേശപ്പുറത്ത് വച്ചിട്ട് അവർ തിരികെ പോയി.
പെട്ടന്നുണ്ടായ വിഘ്നം കാരണം തുടർന്ന് അതുപോലെ സംസാരിക്കാനുള്ള ധൈര്യം അവള്‍ക്ക് ചോര്‍ന്നുപോയത് പോലെ അവള്‍ തല താഴ്ത്തി. ശേഷം ഞങ്ങൾ രണ്ടുപേരും മിണ്ടാതിരുന്ന് കഴിച്ചു.
കഴിച്ച ശേഷം ദേവി ബില്ല്‌ പേ ചെയ്തു. ശേഷം ബൈക്കില്‍ കേറി ഞങ്ങൾ വർക്ക് ഷോപ്പിലേക്ക് വിട്ടു. പോകുന്ന വഴിക്കും ഞങ്ങൾ ഒന്നും മിണ്ടിയില്ല. അവളെ വർക്ക് ഷോപ്പിന് പുറത്ത്‌ വിട്ടാല്‍ മതിയെന്ന് പറഞ്ഞത് കൊണ്ട്‌ ഞാൻ അതുപോലെ ചെയ്തു.
“അപ്പോ ശെരി ചേട്ടാ. ചെയ്ത സഹായങ്ങള്‍ക്ക് എല്ലാം താങ്ക്സ്. ഇനി ചേട്ടൻ പൊയ്കോളു.”അത്രയും പറഞ്ഞിട്ട് അവള്‍ വർക്ക് ഷോപ്പിലേക്ക് നടന്നു.
ദേവിയെ ഒട്ടും മനസ്സിലാക്കാൻ കഴിയുന്നില്ലെന്ന ചിന്താകുഴപ്പത്തോടെ ഞാനും മാളിലേക്ക് വിട്ടു.
എന്റെ ഓഫീസിൽ കേറി ഇരുന്നിട്ട് എന്റെ തലച്ചോറിനെ എത്ര പുണ്ണാക്കീട്ടും ദേവിയുടെ കളി എന്താണെന്ന് മനസ്സിലാക്കാൻ കഴിഞ്ഞില്ല. ഒടുവില്‍ അതേ ചിന്താകുഴപ്പത്തോടെ യാണ് ഞാൻ സാന്ദ്രയെ വിളിച്ചോണ്ട് വീട്ടിലേക്ക് പോയത്.
ഞാൻ മാളിന്റെ കാര്യത്തിൽ എന്തോ മൂഡ് ഔട്ട് ആണെന്ന് കരുതി സാന്ദ്ര എനിക്ക് വേണ്ട സ്പേസ് തന്നു. ഇതുപോലത്തെ സാഹചര്യങ്ങളിൽ സാന്ദ്രയുടെ സഹകരണം കാണുമ്പോൾ അവളോടുള്ള സ്നേഹം കൂടുകയാണ് ചെയ്യുന്നത്.
വീട്ടില്‍ എപ്പോഴത്തേയും പോലെ അമ്മായിയും ജൂലിയും ഹാളില്‍ സംസാരിച്ച് കൊണ്ടിരുന്നു. പരസ്പരം പുഞ്ചിരി കൈമാറിയ ശേഷം ഞാൻ റൂമിൽ വന്ന് കളിച്ചിട്ട് വെറുതെ കിടന്നു. പക്ഷേ ഞാൻ ഉറങ്ങി പോയി.
രാത്രി ജൂലി വന്ന് വിളിച്ചപ്പോള്‍ ചെന്ന് കഴിച്ചിട്ട് പിന്നെയും വന്ന് കിടന്നു. ജൂലിയും വന്ന് മരുന്നും കഴിച്ച് എന്നെ കെട്ടിപിടിച്ചു കൊണ്ട്‌ കിടന്നു.
ഒന്നും സംസാരിക്കാതെ പരസ്പരം തഴുകി കൊണ്ട്‌ ഞങ്ങൾ കിടന്നു. അവൾ വേഗം ഉറങ്ങുകയും ചെയ്തു. കുറച്ചൂടെ കഴിഞ്ഞ് ഞാൻ അവളെ നേരെ കിടത്തി മൂടി കൊടുത്തു. ശേഷം മൊബൈൽ എടുത്ത് കൈയിൽ വച്ചുകൊണ്ട്‌ ദേവിക്ക് മെസേജ് ചെയ്യണോ വേണ്ടയോ എന്ന തീരുമാനത്തില്‍ എത്താന്‍ കഴിയാതെ വലഞ്ഞു.
