അമ്മാവൻ ചിരിച്ചുകൊണ്ട്:”ആഹാ…ശാരീടച്ചൻ ഇത്ര പെട്ടന്ന് അമ്മാവനായോ…”
വീണയാകെ ചമ്മി നാശമായി..!
“അത് …അതീ അഭി എപ്പളും പറഞ്ഞു പറഞ്ഞു കേട്ട് വായീന്ന് അറിയാതെ വീണുപോയതാ..” വീണയുടെ ചമ്മൽ മാറുന്നില്ല.
അമ്മാവൻ ചിരിച്ചുകൊണ്ട് സ്കൂട്ടറിന്റെ ചാവി എടുത്തു നീട്ടി പറഞ്ഞു..
“അതിനെന്നാ മോളേ.. നീയും ഇനി അങ്ങനെ തന്നെ വിളിച്ചാൽ മതി..അഭിക്കുട്ടാ പത്തരയാകുന്പോൾ തിരിച്ചു വരണേ എനിക്ക് 11ന് പോകണം.. നിന്റെ ബുക്കു ചെയ്ത വണ്ടി കിട്ടാറായില്ലേ വീണമോളേ.”
“പത്തു ദിവസത്തിനുള്ളിൽ തരാമെന്നാ പറഞ്ഞേ”
വീണ മറുപടി പറഞ്ഞുകൊണ്ട് ഞാൻ സ്റ്റാർട്ടു ചെയ്ത സ്കൂട്ടറിനു പിന്നിലേക്ക് എന്റെ തോളിൽ പിടിച്ചുകൊണ്ട് കയറി….”ശ്ശോ…അമ്മാവന് വല്ല സംശയോം തോന്നിയോ ആവോ” …വീണ. “ഹേയ്…. സംശയം ഒന്നും കാണില്ല അമ്മാവന് ഉറപ്പായി…!!!
ഏതു പൊട്ടക്കണ്ണനും മനസിലാകാൻ നമ്മുടെ ഈ വേഷം മതിയല്ലോ..!!
പിന്നെ ഒരു കാര്യോം കൂടി… നീ മരുമകന്റെ ഭാര്യയാകുന്നതിൽ അമ്മാവനു പരിപൂർണ്ണ സമ്മതവുമാ..!!!.അപ്പോൾ എന്റെ വീട്ടുകാരുടെ കാര്യവും ഓകെയാ..! ഇനി നിന്റെ അഛന്റെ കാര്യം മാത്രം!! വീണ എന്റെ വയറിൽ ചുറ്റിപിടിച്ച് എന്റെ പുറത്തേക്ക് തലചായിച്ചിരുന്നു…
…… ആ നാട്ടിലുള്ള എല്ലാ അന്പലങ്ങളിലും എന്നെയും കൊണ്ടു നടന്ന് ഒരുപാട് വഴിപാടുകൾ നടത്തിയാണ് തിരികെ പോന്നത് പലയിടത്തും തൊഴുതു നിൽക്കുന്പോൾ വീണയുടെ കണ്ണിൽ നിന്നും കണ്ണുനീർ ധാരയായി ഒഴുകുന്നുണ്ടായിരുന്നു..!!!
ഞങ്ങൾ ചെല്ലുന്പോൾ അമ്മാവൻ കാക്കിയിട്ട് റെഡിയായി നിൽപുണ്ട് എന്റെ കയ്യിൽ നിന്ന് താക്കോൽ വാങ്ങി വീണയോട്: ” മോളേ കാപ്പികുടിച്ചിട്ട് പോയാമതി”
“അതു കഴിഞ്ഞ് ഞങ്ങൾ അങ്ങോട്ടു പോക്കോട്ടേ ‘അമ്മാവാ’… ഒരു കാസറ്റ് എടുത്തിട്ടുണ്ട്”
“നീ അവനെ വിളിച്ചോണ്ട് എവിടെ പോകുന്നതിനും ഞങ്ങളോട് ചോദിക്കണ്ട അവനെ ഒറ്റക്ക് കൂട്ടുകൂടാനായി വിടാതിരുന്നാൽ മതി..”
ഞങ്ങൾ അകത്തേക്കു കേറി….”ആഹാ…. ആരിത് ആങ്ങളേം നാത്തൂനുവോ…. ഇതെന്താ നാത്തൂനേ കല്യാണം കഴിഞ്ഞ് നേരേയിങ്ങു പോരുവാരുന്നോ…!!” കർട്ടനു മറവിൽ നിന്ന് ചേച്ചി വിളിച്ചു ചോദിച്ചു.
“എടീ ശാരീ ദേ വേണ്ട കെട്ടോ….അല്ലാതെ തന്നേ ചമ്മി നാശായാ ഞാൻ വരുന്നേ..”
“എടീന്നോ…? മര്യാദക്കു ചേച്ചീന്നു വിളിച്ചോണം”
ശാരിചേച്ചി നിറചിരിയോടെ ഇറങ്ങി വന്നു. രണ്ടു പേരും കൂടി ഇഢലി ചമ്മന്തി, ഏത്തപഴം പുഴുങ്ങിയത് ,മുട്ട പുഴുങ്ങിയത്,ചായ തുടങ്ങി വിഭവ സമൃദ്ധമായ കാപ്പി മേശമേൽ നിരത്തി ഞങ്ങൾ മൂവരും ഇരുന്നു. കാപ്പികുടി കഴിഞ്ഞ് ഞങ്ങൾ വീണയുടെ വീട്ടിലേക്ക് പോയി ശാരിചേച്ചി അമ്മ പശുക്കൂട്ടിൽ നിന്ന് എത്തിയിട്ട് വന്നോളാം എന്നു പറഞ്ഞു.
അടുത്ത പേജിൽ തുടരുന്നു Shariyum veenayum 10 Kambikadha
