ആനി കുറച്ചു നേരം കൂടി അവിടത്തന്നെ നിന്നു.
തനിക്ക് പായസത്തിൽ ചേർത്ത് തന്നതു ഉറക്കഗുളിക ആയിരിക്കും എന്ന കാര്യത്തിൽ ആനിക്ക് ഒരു സംശയവും ഇല്ലായിരുന്നു…
എന്തിനാണ് ശാലിനിയും നവാസും കൂടി ഈ കളി കളിച്ചത്…?
ഒരു പക്ഷേ താൻ ഉറങ്ങിക്കിടന്നാൽ പേടിയൊന്നും കൂടാതെ കളിക്കാമെന്ന ചിന്തിച്ചതാകാം. അപ്പോ പിന്നെ ഇത്തിരി ഒച്ച വച്ചൊക്കെ കളിക്കാമല്ലോ എന്നായിരിക്കും…
ഏതായാലും അവർ ഇങ്ങനെ കാണിച്ച സ്ഥിതിക്ക് രണ്ടിന്റേയും കള്ളക്കളി പൊളിച്ചു കൊടുക്കണം…
ആരോടും പറയാനൊന്നും പോകുന്നില്ല. എങ്കിലും തന്നെ അങ്ങനെ വിഡ്ഢിയാക്കാൻ നോക്കേണ്ട…
അവൾ അകത്തു കയറി.
നവാസ് സെറ്റിയിലിരിപ്പുണ്ട്…
” ചേച്ചിക്കു ടിവി കാണണമെന്നുണ്ടോ ”
അവൻ ചോദിച്ചു.
” മലയാളം സിനിമ വല്ലതുമുണ്ടെങ്കിൽ വയ്ക്ക്.” ആനി പറഞ്ഞു.
നവാസ് ഏഷ്യാനെറ്റ് മൂവീസ് വച്ചു.
‘ പ്രണയവർണ്ണങ്ങൾ ‘ ഫിലിം നടക്കുന്നു.
അപ്പോഴേക്കും ശാലിനിയുമെത്തി.
പത്തു മിനിട്ട് ഫിലിം കണ്ടിരുന്നു.
പുറമേ കാട്ടിയില്ലെങ്കിലും അടുത്തിരിക്കുന്ന ശാലിനിയിൽ സമയം പോകവേ ഒരസ്വസ്ഥത നിറയുന്നത് ആനിയറിഞ്ഞു.
അവൾ കോട്ടുവായ് ഇടുന്നതായി ഭാവിച്ചു…
” ചേച്ചിക്ക് ഉറക്കം വരുന്നെങ്കിൽ കിടന്നോളൂ …”
കാത്തിരുന്നതു പോലെ ശാലിനി പറഞ്ഞു.
” എന്താണോ ഒരു ക്ഷീണം പോലെ… വല്ലാത്ത ഉറക്കം വരുന്നു…”
” കാലാവസ്ഥ മാറിയിട്ടാകും ചേച്ചീ. ചേച്ചി പോയി കിടന്നോളൂ… ഞാൻ കുറച്ചു കഴിഞ്ഞേ കിടക്കുന്നുള്ളൂ…”
” എന്നാൽ ഞാൻ ഉറങ്ങാൻ പോകുവാ… ഗുഡ്നൈറ്റ്…”
” ഗുഡ്നൈറ്റ് ചേച്ചീ “
ആനി റൂമിലെത്തി. വാതിൽ ചാരിയതേ ഉള്ളൂ. ലൈറ്റണച്ചു ബെഡ്ഡിൽ കിടന്നു.
ഉറക്കം തീർത്തും വരുന്നില്ല…
