ആദിത്യൻ അവൻ ഒരിക്കൽ കോളേജിൽ വച്ച് ക്ലാസിന്റെ ഇടക്ക് തലേ ദിവസത്തെ കേട്ട് കാരണം കിടന്നുറങ്ങി പോയതിനെ കുറിച്ച് പറഞ്ഞു. എഴുനേറ്റ് പുറത്തിറങ്ങി കോളേജിലെ എല്ലാവരോടും സംസാരിച്ച് നടന്ന് മൂന്ന് മണിക്കൂറുകൾക്ക് ശേഷം ആണ് മുഖത്ത് വരച്ച് വച്ചിരിക്കുന്നത് മനസ്സിലായത്. ആദിയ ഒരു ഫോട്ടോ ഷൂട്ടിന് പോയതും അവിടെ വച്ച് ക്ലയന്റ്ന്റെ മുൻപിൽ വച്ച് ബോധംകെട്ട് വീണതും എന്നിട്ടും അവൾക്ക് ആ ഫോട്ടോ ഷൂട്ട് കിട്ടിയതിനെ കുറിച്ചും പറഞ്ഞു.
അഡ്വക്കേറ്റ് പ്രഭാകരനും തന്റെ വക്കീൽ ജോലിക്കിടയിൽ സംഭവിച്ച കുറച്ച് രസകരമായ കാര്യങ്ങളെ പറ്റി സംസാരിച്ചു.
പ്രിയയും സോഫിയയും ജേക്കബും മനു വർമ്മയുടെ കൂടെ ഉള്ളപ്പോൾ സംഭവിച്ച വിചിത്രമായ കാര്യങ്ങളെ കുറിച്ച് സംസാരിച്ചു. വിചിത്രമായ കാര്യങ്ങൾ പറഞ്ഞ് മനു വർമ്മക്ക് വന്നിട്ടുള്ള ഒരു ഡസനോളം കത്തുകളെ കുറിച്ച് സംസാരിച്ചു. അതിൽ ഒന്ന് മനു വർമ്മയാണ് പുതിയ ദൈവപുത്രൻ എന്നുള്ളതും ആയിരുന്നു എന്നവർ പറഞ്ഞു. ആ കത്തിന്റെ കൂടെ മനു വർമ്മയെ ദൈവപുത്രൻ ആയി പ്രതിപാദിച്ച് കൊണ്ട് ഉള്ള ഒരു വിശുദ്ധ ഗ്രന്ഥവും ഉണ്ടായിരുന്നു എന്ന് പറഞ്ഞു. ഇതെല്ലം അമേരിക്കയിലുള്ള ഒരു വീട്ടമ്മയുടെ പണിയാണെന്ന് അവർ കണ്ട് പിടിച്ചതിനെ കുറിച്ചും പറഞ്ഞു. ആ വിശുദ്ധ ഗ്രന്ഥം ഇപ്പോഴും ദ്വീപിൽ എവിടെയോ സൂക്ഷിച്ച് വച്ചിട്ടുണ്ട് എന്ന് പ്രിയ ഉറപ്പ് പറഞ്ഞു.
എൽദോയും കുറച്ച് കഥകൾ പറഞ്ഞു. ഒരിക്കൽ ബ്രാഡ്പിറ്റും ആഞ്ജലീനജോളിയും ദ്വീപിൽ വിരുന്നുകാരായി വന്നതും. റൂമിൽ വച്ച് തമ്മിൽ വഴക്ക് കൂടി മേശയിൽ ഉണ്ടായിരുന്ന ഫ്ലവർവെയിസ് എടുത്ത് ചില്ല് വാതിലിൽ എറിഞ്ഞതും അത് ടാമ്പർ ഗ്ലാസിൽ കൊണ്ട് തിരിച്ച് വന്ന് അവളുടെ തന്നെ നെറ്റിയിൽ അടിച്ച് കൊണ്ട് ബോധം പോയതും പറഞ്ഞു. അതിന് ശേഷം അവർ ഒരു ആഴ്ച്ച കൂടി കഴിഞ്ഞ് നെറ്റിയിൽ ഉള്ള മുഴ മാറിയതിന് ശേഷം ആണ് പോയത് എന്നും പറഞ്ഞു. ഒരിക്കൽ സൽ‍മഹയക്ക് ദ്വീപിൽ വിരുന്നുകാരി ആയി വന്നതും. രാവിലെ എഴുനേറ്റ് ദ്വീപിൽ ജോഗിങ്ങിന് പോയതും അവളുടെ ചാട്ടത്തിന് അനുസരിച്ച് അവളുടെ മുലകൾ തുള്ളി തുളുമ്പിയതും അത് നോക്കി നടന്ന ദ്വീപിലെ ഒരു ജോലിക്കാരന്റെ മൂക്ക് തോട്ടത്തിൽ ഉണ്ടായിരുന്ന ഒരു മരത്തിൽ നേരെ പോയി ഇടിച്ച് ഒടിഞ്ഞതിനെ കുറിച്ചും എൽദോ പറഞ്ഞു.
ആദിര ഇതിലൊന്നിലും പങ്കെടുക്കാതെ വളരെ മൂകയായി ഇരുന്നു. ഒന്ന് രണ്ട് പ്രാവശ്യം ആദിത്യൻ അവളെ സംഭാഷണത്തിലേക്ക് കൊണ്ട് വരാൻ നോക്കി എങ്കിലും അവൾ താല്പര്യം ഇല്ലാതെ മൂകയായി തന്നെ ഇരുന്നു. അവൾ ഉൾവലിഞ്ഞ് ഇരിക്കുകയാണ് എന്ന് ആദിയ പറഞ്ഞത് എന്തുകൊണ്ടാണെന്ന് ആദിത്യന് ഇപ്പോൾ മനസ്സിലായി.
ഭക്ഷണം കഴിച്ചതിന് ശേഷം ആദിര അവിടെ ഉള്ള ബാത്റൂമിലേക്ക് പോയി. ഈ സമയം നോക്കി ആദിത്യൻ പുക വലിക്കാൻ പുറത്തേക്ക് ഇറങ്ങി. കുറച്ച് മിനിറ്റുകൾക്ക് ശേഷം അവൾ ബാത്‌റൂമിൽ നിന്ന് തിരിച്ച് വരുന്നത് ആദിത്യൻ കണ്ടു.
“ആദിര, എനിക്ക് നിന്നോട് കുറച്ച് കാര്യങ്ങൾ സംസാരിക്കാൻ ഉണ്ട്”, കൈയിൽ പുകഞ്ഞ് കൊണ്ട് ഇരുന്ന സിഗരറ്റ് മേശയുടെ മുകളിൽ ഉള്ള ആഷ്‌ട്രേയിൽ കുത്തി കെടുത്തി കൊണ്ട് ആദിത്യൻ പറഞ്ഞു.
“പറയൂ”.
ആദിത്യൻ ഇരുന്നിടത്ത് നിന്ന് എഴുനേറ്റ് പൂളിന്റെ സൈഡിലൂടെ നടന്നു. ആദിരയും അവന്റെ ഒപ്പം നടന്നു.
“എന്താ കാര്യം?”, നടക്കുന്നതിന്റെ ഇടയിൽ ആദിര ചോദിച്ചു.
