🏝️ സ്വർഗ്ഗ ദ്വീപ് 8🏝️

അവൾ ചാർളിയുടെ അടുത്ത് ഇരുന്ന് അവൾ എടുത്ത കുറച്ച് ഫോട്ടോകൾ കാണിക്കാൻ തുടങ്ങി. കുറച്ച് നിമിഷങ്ങൾ കഴിഞ്ഞപ്പോൾ അവിടെ ഉള്ളവരുടെ എല്ലാം ശ്രെദ്ധ ആദിയയിലേക്ക് തിരിഞ്ഞു. സോഫിയ ലാപ്ടോപ്പ് അവിടെ ഭിത്തിയിൽ തൂക്കി ഇട്ടിരുന്ന ഒരു വലിയ സ്ക്രീനിലേക്ക് കണക്റ്റ് ചെയ്ത് സ്ലൈഡ് ഷോ ഇട്ടു ആദിയ അവർക്ക് ആ ഫോട്ടോകളെ കുറിച്ച് ഒരു വിവരണം നൽകി.

ആദിത്യൻ ഭക്ഷണം കഴിച്ച് കഴിഞ്ഞപ്പോഴേക്കും ജോണി ഡെപ്പ് തന്റെ മാനേജരെ വിളിച്ച് അയാളുടെ ഫോട്ടോ ഷൂട്ടിന്റെ ക്യാമറാമാനായി ആദിയയെ തന്നെ വിളിക്കണമെന്ന് പറഞ്ഞു. ചാർലീസ് അവളുടെ ഫോട്ടോകൾ മാനേജർക്ക് അയച്ച് കൊടുത്ത് അവരുടെ വെബ് സൈറ്റിൽ ഇപ്പോൾ തന്നെ കയറ്റാൻ പറഞ്ഞു. നീൽ ഫിൻ പുതിയ ആൽബത്തിന്റെ കവർ ഫോട്ടോ ആദിയ തന്നെ ചെയ്യണം എന്ന് പറഞ്ഞു. ആദിത്യന് ആദിയയുടെ മുഖത്ത് മനസ്സ് നിറഞ്ഞ ഒരു പുഞ്ചിരി കാണാൻ കഴിഞ്ഞു.

ആദിത്യൻ ഒരു സിഗററ്റ് വലിക്കാൻ പുറത്തേക്ക് പോകുമ്പോൾ പ്രിയ അവന്റെ അടുത്തേക്ക് വന്ന് കൊണ്ട് പറഞ്ഞു. “നിന്റെ ഇന്നത്തെ സമയ ക്രമം എല്ലാം മാറ്റി.”

“അറിയാം ലക്ഷ്മി പറഞ്ഞിരുന്നു.”

“അഥിതികൾ അരമണിക്കൂറിനുള്ളിൽ പോകാൻ തുടങ്ങും. അഡ്വക്കേറ്റ് പ്രഭാകരനെ ഇപ്പോൾ കാണുന്നുണ്ടോ?.” പ്രിയ ചോദിച്ചു.

“കാണാം.” ആദിത്യൻ തല ആട്ടി കൊണ്ട് പറഞ്ഞു. അപ്പോഴാണ് അവൻ ഒരു കാര്യം ഓർത്തത് അവൻ പ്രിയയോട് ചോദിച്ചു. “എൽദോയെ കണ്ട് എന്നോട് സംസാരിക്കാൻ കുറച്ച് സമയം ഉണ്ടാകുമോ എന്ന് ചോദിക്കാൻ പറ്റുമോ?.”

“അയാൾ ഇപ്പോൾ ബാറിൽ ഉണ്ട്.” അവൾ മറുപടി പറഞ്ഞു. ആദിത്യൻ തല ആട്ടി കൊണ്ട് ബാറിലേക്ക് പോയി.

“ഹായ് എൽദോ.”

“ഗുഡ് മോർണിംഗ് മാസ്റ്റർ ആദിത്യ.” ആ വയസ്സൻ ഒന്ന് തല ആട്ടി കൊണ്ട് പറഞ്ഞു. “താങ്കൾക്ക് ഇവിടെ സുഖം തന്നെ അല്ലെ?.”

“അതെ ഇവിടെ എല്ലാം വളരെ മനോഹരം ആണ്.” ആദിത്യൻ പറഞ്ഞു. “എനിക്ക് ഒരു കാര്യം നിങ്ങളോട് ചോദിക്കാൻ ഉണ്ടായിരുന്നു.”

“ചോദിച്ചോളൂ മാസ്റ്റർ ആദിത്യ.”

ആദിത്യൻ പുറത്തേക്ക് ഉള്ള വാതിൽ അടച്ച് കൊണ്ട് അകത്ത് ആരും ഇല്ല എന്ന് ഉറപ്പ് വരുത്തി.

“എന്തോ രഹസ്യം ആണെന്ന് തോനുന്നു.”

“അതെ.” ആദിത്യൻ തല ആട്ടി കൊണ്ട് പറഞ്ഞു. “ഈ ദ്വീപിൽ ഉള്ള മനു വർമ്മയുടെ സേഫ് റൂം എവിടെ ആണ്.”

“അദ്ദേഹം വിലപിടിപ്പ് ഉള്ള വസ്ത്തുക്കൾ എവിടെ ആണ് സൂക്ഷിക്കുന്നത് എന്നാണോ ചോദിച്ചത്?.” എൽദോ ഒരു പുരികം ഉയർത്തി കൊണ്ട് ചോദിച്ചു.

“അല്ല, ഞാൻ ഉദ്ദേശിച്ചത് എന്തെങ്കിലും പ്രേധിസന്ധി വന്നാൽ രക്ഷപ്പെടാൻ ഉള്ള മുറിയെ കുറിച്ച് ആണ്. ആദ്ദേഹം എന്തായാലും ഇവിടെ ഒന്ന് പണിതിരിക്കേണ്ടത് ആണ്.”

“അങ്ങനെ ഒന്ന് ഇവിടെ ഇല്ല.” എൽദോ തറയിലേക്ക് നോക്കി കൊണ്ട് പറഞ്ഞു. “ഞാൻ ഇടക്ക് ഇടക്ക് മനു വർമ്മയെ ഇതിനെ കുറിച്ച് ഓർമിപ്പിക്കാറുണ്ടായിരുന്നു. അദ്ദേഹത്തിന് ഒരു മുറിയിൽ അടച്ച് പൂട്ടി ഇരിക്കുന്നത് ഇഷ്ട്ടം അല്ലായിരുന്നു. അതിൽ അദ്ദേഹത്തിന് എന്തോ പ്രെശ്നം ഉണ്ടെന്ന് എനിക്ക് തോനുന്നു.”