🥰 താരചേച്ചി 2

കാണുന്നവർ എങ്ങനെ വിചാരിക്കുമെന്നു അറീല… എന്റെ പേടി ഞാൻ എന്തായാലും പറയാമെന്നു വെച്ചു.

കിച്ചൂന് അപ്പൊ ഇതൊക്കെ അറിഞ്ഞോണ്ടാണ്… അല്ലെ.
എന്റെ കാര്യം ആലോചിച്ചു നോക്കീട്ടുണ്ടോ??!

എനിക്കറീല്ല ചേച്ചി…
ചെയ്യുന്നത് ശരിയാണൊ തെറ്റാണോ…. പക്ഷെ

ചേച്ചി എന്റെ അടുത്ത് വന്നു എന്നെ മാറോടു ചേർത്താൻ കൈ തുനിഞ്ഞതും അമ്മ സ്റ്റെപ് കയറി വരുന്നത് ഞാൻ ശ്രദ്ധിച്ചു.

ഞാൻ എന്റെ കണ്ണ് തുടച്ചുകൊണ്ട് കണ്ണിൽ എന്തോ പോയി എന്ന് പറഞ്ഞു.

എവിടെ നോക്കട്ടെ..

അമ്മ മുകളിലേക്ക് കയറി വന്നപ്പോൾ എന്നെ തന്നെ ഇടുപ്പിൽ കയ്യും കുത്തിനോക്കി.

കിച്ചൂ നീ പഠിക്കാൻ തന്നെയാണോ..

ചേച്ചി എന്റെ കൈകോർത്തു കൊണ്ട് പറഞ്ഞു.
പഠിക്കുന്നുണ്ട് അമ്മായി.

ഹാ.. നല്ല കാറ്റു അല്ലെ….താര മോളെ….

ഹാ …അമ്മായി..
കാറ്റത്തു അവളുടെ നനഞ്ഞ മുടി പറക്കാൻ ഇച്ചിരി ബുദ്ധിമുട്ടുമ്പോൾ ചേച്ചി സ്വയമവളുടെ കറുത്ത മുടി സംസാരിക്കുന്നിതിനിടയിൽ കോതികൊണ്ടിരുന്നു.

അടുത്ത ഞായറാഴ്ച ഗുരുവായൂർ ഒരു കല്യാണം ഉണ്ട് താരേ.

രാധിക ചേച്ചിയുടെ അല്ലെ അമ്മായീ.

ഹാ മോളെ… നമുക്ക് തലേന്ന് തന്നെ പോണം കേട്ടോ..

മൂവരും അൽപ നേരം കൂടെ സൊറ പറഞ്ഞു നിന്നപ്പോൾ അച്ഛൻ ബാങ്കിൽ നിന്നും വന്നു. കാർ മുറ്റത്തേക്ക് കയറുമ്പോ ഞങ്ങൾ സ്റ്റെയർ സ്റെപ്പിലൂടെ ഹാളിലേക്ക് ഇറങ്ങി.

എല്ലാരുംകൂടെ ഒന്നിച്ചു ഭക്ഷണം കഴിക്കുമ്പോൾ ഞാൻ ആലോചിച്ചു ….

ചേച്ചിക്ക് എന്നോട് ശെരിക്കും ഇഷ്ടമുണ്ടായിട്ടാണോ അതോ പഠിത്തം കഴിയുന്നത് വരെ ഇതൊക്കെ…ഒരു രസം പോലെയാണോ…….എന്ന്.

ഇപ്പൊഴാണെങ്കിൽ താര ചേച്ചിയോട് അത്രക്കും ഒരിഷ്ട്ടം മനസ്സിൽ തട്ടി തോന്നുന്നുണ്ട്, ജീവിതാവസാനം വരെ ചേച്ചിയെ സ്വന്തമാക്കി കഴിയണമെന്നുണ്ട്. പക്ഷെ ..!!

എന്റെ മുഖം മ്ലാനമായത് കണ്ടപ്പോൾ…
ചേച്ചി കാൽ വിരലുകൊണ്ട് എന്റെ കാലിന്റെ പതിയെ തൊട്ടു.
ഞാനൊന്നു ഞെട്ടിയപ്പോൾ, അവൾ കണ്ണുകൊണ്ട് ആംഗ്യം കാണിച്ചു എന്താണന്ന് സംഭവം എന്ന് ചോദിച്ചു.