🥰 താരചേച്ചി 2

ഞാൻ ഒന്നുമില്ലെന്ന്‌ തലയാട്ടി ചിരി വരുത്തിച്ചു.

കഴിച്ചു കഴിഞ്ഞു എല്ലാരും ഹാളിൽ കുറച്ചു സമയം ഇരുന്നു, അത് പതിവാണ്. അന്നേരം അച്ഛൻ അമ്മയോട് ബാങ്കിലെ എന്തോ തമാശ പറയുമ്പോ താരചേച്ചിയും അതുകേട്ടുകൊണ്ട് എന്റെയടുക്കൽ സോഫയിൽ ഇരിക്കുന്നുണ്ടായിരുന്നു. അവളുടെ കൈകൾ യാന്ത്രികമായി എന്റെ കൈകളിൽ കോർത്തപ്പോൾ എനിക്കൊരല്പം ശുദ്ധവായു കിട്ടി.

ഞാൻ മേലെ പോകുവാ… എന്ന് പറഞ്ഞു നടന്നു.
കൈകോർത്ത് പിടിച്ചു ഇരിക്കുന്നുണ്ടെങ്കിലും ചേച്ചിയുടെ മനസ് എനിക്ക് പിടുത്തം കിട്ടാതെ ഞാൻ ഇരുട്ടിൽതപ്പി.

നിക്ക് കിച്ചൂ… ഞാനും വരുന്നു.
താര ചേച്ചിയും പാവാടയും ഒരല്പം കയ്യിൽ പിടിച്ചു സ്റ്റെപ് കയറിയെത്തുമ്പോഴേക്കും ഞാൻഎന്റെ മുറിയിൽ കയറി കതകടച്ചു. അവൾ രണ്ടു വട്ടം തട്ടിയപ്പോഴും ഞാൻ തുറന്നില്ല.

എന്റെ മനസ്സിൽ ആവശ്യമില്ലാത്ത പിരിമുറുക്കം കയറി
ഞാൻ ഓരോന്ന് ആലോചിച്ചു കൂട്ടി, രാധിക ചേച്ചിയുടെ കല്യാണമാണ് അടുത്തയാഴ്ച, താരചേച്ചിയേക്കാളും രണ്ടു വയസു മൂത്തതാണ് അവൾ, അപ്പൊ മിക്കവാറും രണ്ടു വർഷത്തിനകം താര ചേച്ചിയുടെയും കല്യാണം നടക്കുമായിരിക്കും.

എന്റെ കൈ വിറക്കുന്നത് എനിക്ക് കാണാൻ കഴിയുമായിരുന്നില്ല, കണ്ണിലൂടെ വെള്ളം കവിളിലൂടെ ബെഡിലേക്ക് ഒഴുകിയിറങ്ങുകയാണ്. ഞാൻ തലയിണ മുഖംപൊത്തി നേരം വെളുപ്പിച്ചു.

പിറ്റേന്ന് ഞായറാഴ്ച അച്ഛനും ലീവായിരുന്നത് കൊണ്ട്, ഞാൻ മടിപിടിച്ചു എണീറ്റു. എന്റെ ഉഷാറില്ലായ്മ്മ വീട്ടിൽ ചർച്ചയായി. അങ്ങനെ അച്ഛൻ സിനിമയ്ക്ക് കൊണ്ടൊവം എന്നായി.ഞങ്ങൾ എല്ലാരും കൂടെ അങ്ങനെ മിന്നാരം കാണാൻ തീയറ്ററിലേക്ക് ചെന്നു. അച്ഛനൊരുഗ്രൻ ലാലേട്ടൻ ഫാനാണ്, അമ്മ മമ്മൂക്കയുടെയും. അച്ഛൻ ഫ്രെണ്ട്സിന്റെയൊപ്പം ഒരുതവണ മിന്നാരം കണ്ടതാണ്, അച്ഛന് വല്ലാതെ ഇഷ്ടപെട്ടപ്പോൾ അമ്മയോട് ലാലേട്ടനാണു കിടു എന്നും പറഞ്ഞു പറഞ്ഞു അടിയുണ്ടാക്കുന്നത് കണ്ടതാണ്. അമ്മയെ കാണിക്കാൻ ആണ് സത്യത്തിൽ ഈ ഔട്ടിങ്. ഒപ്പം എനിക്കൊരു ചേഞ്ചുമാകും.

ഒത്തിരി സമയമെടുത്ത് അമ്മ ഒരുങ്ങി, അച്ഛൻ തിടുക്കം കൂടിക്കൊണ്ടിരുന്നു. ഞാൻ റെഡിയായി കാറിൽ കയറി ഇരിപ്പായിരുന്നു. അവൾ രാവിലെ ഇന്നലെ വാതിൽ തുറക്കാത്ത ദേഷ്യത്തിൽ ഒന്നും മിണ്ടിയിട്ടില്ല. ഞാനും ചേച്ചിയും മിന്നാരത്തിലെ പാട്ട് വാക്മാനിൽ കേട്ട് ഞങ്ങൾക്ക് നല്ലപോലെ ഇഷ്ടപെട്ടതാണ്. ഞാൻ നിലാവേ മായുമോ മൂളികൊണ്ട് തല ചരിഞ്ഞിരുന്നു.

ചേച്ചിയും ഒരുങ്ങി അമ്മയോടപ്പം വന്നു. പറയാതെ വയ്യ അത്രക്കും ചന്തമായിരുന്നു എന്റെ ചേച്ചിപ്പെണ്ണിനെ കാണാൻ, കുറെ നാളത്തിനു ശേഷമാണു ചേച്ചി ഒരുങ്ങി പുറത്തേക്കിറങ്ങുന്നത്. പർപ്പിൾ നിറത്തിൽ ഉള്ള ചുരിദാർ ആയിരുന്നു, എംബ്രോയ്ഡറി വർക്ക് ഒക്കെ ധാരാളമുണ്ട്. കുട്ടിക്കൂറ പൗഡറാണ് ചേച്ചിക്കിഷ്ടം, ഒപ്പം ചേച്ചിയുടെ വിയര്പ്പിന്റെ മണം കൂടെ….കാറിൽ അടുത്തിരിക്കുമ്പോ എനിക്ക് വല്ലാത്ത ഒരു അവസ്‌ഥയായിരുന്നു. പക്ഷെ മനസിലെ പേടി ഒപ്പമുണ്ട് താനും.