” കണ്ടില്ല ,ഞാൻ അപ്പുറത്തെ വീട്ടിൽ പോയിരിക്കുക ആയിരുന്നു ,ഞാൻ ഇവിടെക്ക് വന്നപ്പോ അവർ അകത്തേക്ക് പോണത് കണ്ടു “
“ഉം.”
ഞാൻ അപ്പോഴേക്കും എല്ലാ ബാഗും മറ്റും എടുത്തു ,
” കുഞ്ചുസെ നീ എന്തായാലും സാഹായിക്കാൻ വന്നതല്ലെ ,അപ്പോ ഇതു നീ പിടിച്ചൊ “
ഞാൻ അതും പറഞ്ഞ് ഒരു ചെറിയ ബാഗ് അവളുടെ കൈകളിൽ കൊടുത്തു ,
“ചേട്ടാ ,ചേട്ടന്റെ ആളു വന്നിട്ടുണ്ടൊ “
ഞങ്ങൾ ബാഗും എടുത്ത് നടക്കുന്ന ഇടയിൽ മാളു ചോദിച്ചു ,
“ആര് “
” ചേട്ടൻ കല്യാണം കഴിക്കാൻ പോണ ആ ചേച്ചി ,”
” നിന്നോട് ഇതു ആരു പറഞ്ഞു “
” അമ്മ പറഞ്ഞു ,എല്ലാവരും പറഞ്ഞല്ലൊ അമലൂന്റെ കല്യാണം കഴിഞ്ഞാൽ ചേട്ടന്റെ അടുത്ത് തന്നെ ഉണ്ടാകും എന്ന് ,”
മാളു പറഞ്ഞു ,
” ഉം,, നീ കണ്ടിട്ടുണ്ടൊ ആ ചേച്ചിയെ “
“മം ,ഞാൻ പണ്ട് അവിടെ വന്നപ്പോ ഒരു തവണ കണ്ടതാ ,പിന്നിട് കണ്ടിട്ടില്ല ,”
” കണ്ടിട്ട് നിനക്ക് ഇഷ്ടായൊ ആ ചേച്ചിയെ “
“നല്ല ചേച്ചി എനിക്ക് ഇഷ്ടായി, “
ഞങ്ങൾ വർത്തമാനവും പറഞ്ഞ് ബാഗും പിടിച്ച് വീടിന്റെ ഹാളിലേക്ക് കയറി ചെന്നു ,
ഹാളിൽ ജോൺ അച്ചായനും ,അച്ചനും സോഫയിൽ ഇരുന്ന് വർത്തമാനം പറയുന്നു ,ജോളി ചേച്ചിയും ഷേർലി ചേച്ചിയും കൂടി എന്റെ മൂത്ത ചെറിയമ്മ യോട് സംസാരിക്കുന്നു, ഞാൻ നോക്കിയപ്പോൾ അമ്മയെം ലെച്ചു നെം ബാക്കി അമ്മായി മാരെ ഒന്നും കാണാൻ ഇല്ല ,
