” അയോ അജി ,ബാഗിന്റെ കാര്യം മറന്നു പോയി “
അച്ചായൻ സോഫയിൽ നിന്ന് എഴുന്നേൽക്കാൻ ഭാവിച്ചോണ്ട് പറഞ്ഞു ,
” അച്ചായൻ അവിടെ ഇരുന്നോ ,ഇതൊക്കെ ഞാൻ നോക്കി കോള്ളാം ,”
ഞാൻ അതും പറഞ്ഞ് മാളുവിനെം കൂട്ടി അച്ചായനും ഷേർലി ചേച്ചിക്കും വേണ്ടി ഒരുക്കി ഇരുന്ന മുറിയിൽ ബാഗ് ഒക്കെ കൊണ്ട് വെച്ചു.
അതു കഴിഞ്ഞ് ഞാനും മാളുവും കൂടി ബാക്കി ഉള്ളവരെ അന്വേഷിച്ച് അമ്മയുടെ മുറിയിലെക്ക് ചെന്നു ,
ആ മുറിയിൽ ആണെങ്കിൽ അമ്മായിമാരും ചെറിയമ്മ മാരും കൊണ്ട് നിറഞ്ഞു നിൽക്കുന്നു ഞാൻ ആ വാതിലിന്റെ അവിടെ നിന്നു ,മാളു അവരുടെ ഇടയിലേക്ക് ഓടി കയറി ,
“അജിയുടെ സെലക്ഷൻ കൊള്ളാം “
അവിടെ കൂടി നിൽകുന്നതിൽ ,ഇളയ അമ്മായി പറഞ്ഞു ,
ഇവർ എന്നെ കുറിച്ച് ആണല്ലൊ പറയുന്നത് എന്താ സംഭവം .
ഞാൻ അത് അറിയാനായി അകത്തേക്ക് കടന്നു ,
” എല്ലാവരും കല്യാണ വീട്ടിൽ നിന്ന് കുറ്റിം പറിച്ച് ഇങ്ങ് പോന്നാ ,”
ഞാൻ അകത്തേക്ക് കയറി ചെലുന്നതിനോടപ്പം ചോദിച്ചു ,
എന്റെ ശബ്ദം കേട്ട് എല്ലാവരും തിരിഞ്ഞു നോക്കി ,
“ഞങ്ങൾ ഇവിടെ ഒരു മണവാട്ടി കുട്ടി വന്നിട്ടുണ്ടെന് അറിഞ്ഞ് വന്നതാ .”
അതിലെ ഒരു അമ്മായി പറഞ്ഞു ,
“മണവാട്ടിയൊ ?.. “
