” എന്നാലും ഇത്ര നാളും ചേച്ചിയും ആയി സല്ലപിച്ചു നടന്നപ്പോൾ ഇതുപോലെ ഉള്ള സിറ്റുവേഷൻ ഒന്നും വന്നില്ല ഇതിപ്പൊ ഞങ്ങൾ രണ്ടു പേരും തമ്മിൽ ഒരു ബന്ധം ഇല്ലാത്ത സമയത്ത് ദൈവത്തിന്റെ ഒരോരൊ പരീക്ഷണങ്ങളെ “
ഇതും അലോച്ചിച്ച് കൊണ്ട് വീടിന് പുറകിൽ അലക്ക് കല്ലിന്റെ അടുത്ത് നിന്ന് പല്ലു തേക്കുക ആയിരുന്നു ഞാൻ ,
ആ സമയം ഞാൻ അവിടെ നിൽക്കുന്നത് കണ്ട് ലെച്ചു എന്റെ അടുത്തേക്ക് വന്നു ,
” ഏട്ടാ ,ഇന്നലെ എപ്പോ വന്നു ,”
അവൾ എന്റെ അടുത്ത് വന്ന് കൊണ്ട് ചോദിച്ചു ,
“ഓ .ഞാൻ ഇന്നലെ രണ്ടര ഒക്കെ കഴിഞ്ഞു ,ഇവിടെ വന്ന് എന്റെ റൂമിൽ കിടക്കാൻ പോയപ്പോൾ ആ റൂം അടഞ്ഞു കിടക്കുന്നു ,പിന്നെ ദേ ഇവിടെ ചായിപ്പിൽ വന്നു കിടന്നു ,”
“അയൊ ,ഈ ചായിപ്പിലൊ ,അപ്പോ ഏട്ടന്ന് എന്നെയൊ ചേച്ചിയെയൊ വിളിക്കാമായിരുന്നില്ലെ,ചേച്ചി ഏട്ടന്റെ
റൂമിൽ കിടക്കുന്നുണ്ടായിരുന്നു ,”
അവൾ പറഞ്ഞു ,
“ഓ, അതു കുഴപ്പം ഇല്ലാ ,നിങ്ങൾക്ക് ഉറക്കത്തിന് കുഴപ്പം ഒന്നും ഉണ്ടായില്ലല്ലോ ,”
” ഇല്ല ഏട്ടാ, ഞാൻ അമ്മയുടെ കൂടെ സുഖം ആയി ഉറങ്ങി ,കൂറെ വർഷങ്ങൾ ശേഷമാ എനിക്ക് അമ്മയുടെ അരികത്ത് കിടന്ന് ഉറങ്ങാൻ സാധിച്ചത് ,അമ്മമാരുടെ വാത്സല്യം കിട്ടാൻ ഭാഗ്യം വേണം എനിക്ക് ആ ഭാഗ്യം ഇല്ലായിരുന്നു എന്നാൽ ഇന്നലെ മുതൽ ഞാനും ഭാഗ്യവതി ആണു ,ഏട്ടന്റെ അമ്മ ഇനി എന്റെ കൂടി അമ്മയല്ലെ, “
അവൾ പറഞ്ഞു നിർത്തി ,
“അമ്മയെ ഒരുപാട് ബോധിച്ച മട്ടുണ്ടല്ലോ “
