എല്ലാവരും ഓടി വന്ന് കാറിൽ കയറി ,അതോടൊപ്പം ലെച്ചുവിനെ അയാൾ പുറകിലത്തെ സീറ്റിലേക്ക് മാറ്റി ,
അതിനൊരു കാരണവും അയാൾ പറഞ്ഞു അയാൾ കാറിന്റെ മുൻ സീറ്റിൽ മാത്രമേ ഇരിക്കാറോള്ളു എന്ന് ,
അങ്ങനെ എല്ലാവരും കയറി ,കൂടി വന്നാൽ ആറു പേർ കേറണ്ട വണ്ടിയിൽ പിള്ളെരടക്കം പന്ത്രണ്ട് പേർ ,എനിക്ക് തന്നെ അതിശയം ആയി ,ഫ്രണ്ടിൽ അയാളും മൂന്നാലു പിള്ളേരും രണ്ടു പേർ അയാളുടെ മടിയിൽ അവർ ഇരുന്നിട്ട് വണ്ടിയുടെ ഗിയർ ലിവർ പോലും എനിക്ക് കാണാൻ സാധിക്കുന്നില്ല ,ഞാൻ പുറകിൽ നോക്കിയപ്പോ ലെച്ചു ഒരു സൈഡിൽ ഞെരിഞ്ഞമർന്നിരിക്കുന്നു ,
എനിക്ക് എല്ലാം കണ്ട് ദേഷ്യം വന്നു പക്ഷേ ഒന്നും മിണ്ടിയില്ല ,
കല്യാണത്തിന്ന് വന്നതല്ലെ അതുകൊണ്ട് ഒരു മുറുമുറുപ്പ് ഉണ്ടാക്കണ്ടാ എന്നു കരുതി ,
” എന്നാ പോവാം മോനെ “
അയാൾ പറഞ്ഞു ,
” ഉം ശരി “
ഞാൻ അതും പറഞ്ഞ് വണ്ടി എടുത്തു ,
പെണ്ണിന്റെ വീട്ടിലെക്ക് ഒന്നര മണിക്കുർ യാത്ര ഉണ്ടായിരുന്നു ,
ഞാൻ ഇവരോടുള്ള ദേഷ്യം ആക്സിലേക്റ്ററിൽ തീർത്തു ,
ഹൈവയിൽ കയറിട്ട് വണ്ടി തൊണ്ണൂറിന് താഴെ പോയിട്ടില്ല ,സ്പീഡ് കാമറ വർക്കിംഗ് അല്ലാത്തത് കൊണ്ട് ഭാഗ്യം ,
അതിന്റെ ഇടക്ക് അയാൾ പണ്ടത്തെ അയാളുടെ പല വിര സാഹസകഥകളും പറയുന്നുണ്ടായിരുന്നു. ഞാൻ എല്ലാത്തിനും വെറുതെ ഇരുന്നു മൂളി,
