ഉമ്മ എന്‍റെ പൊന്നുമ്മ
Umma Ente Ponnumma Author:SUBAIDA
ഇന്നാണ് എനിക്ക് ലീവ് അപ്പ്രൂവ് ആയത്. എല്ലാം പാക്ക് ചെയ്ത് ഓഫീസില്‍ നിന്ന് ഇറങ്ങുമ്പോള്‍ തന്നെ വല്ലാതെ വൈകി. പെട്ടെന്ന് തന്നെ ബാഗും എടുത്ത് ബസ്സ് സ്റ്റാന്‍ഡിലേക്ക് ഓടി. 5 മണിക്കുള്ള ബസ്സ് കിട്ടിയാല്‍ മാത്രമേ രാത്രി പന്ത്രണ്ടു മണിക്ക് വീട്ടില്‍ എത്തുവാന്‍ സാധിക്കു. പിന്നെ അടുത്ത് ബസ്സ് രാത്രി ഏഴുമണിക്ക് ആണ് അത് കിട്ടി വീട്ടില്‍ എത്തുമ്പോള്‍ കുറേ കൂടി വൈകും .
ഞാന്‍ ജോലിയില്‍ പ്രവേശിച്ച ശേഷം ആദ്യമായാണ് . എന്തോ ഭാഗ്യം കൊണ്ട് പോളി ടെക്ക്നിക്കല്‍;കമ്പ്യൂട്ടര്‍ സയന്‍സ് കോര്‍സ് കഴിഞ്ഞ ഉടനെ കാമ്പസ് ഇന്റര്‍വ്യൂ മുഖേനെ പതിനെട്ടാം വയസ്സില്‍ തന്നെ ജോലി കിട്ടി. അതുകൊണ്ട് ജോലി തെണ്ടി നടക്കേണ്ടി വന്നില്ല.
ഓ ഞാന്‍ എന്നെ പരിചയപെടുത്താന്‍ മറന്നു എന്‍റെ പേരാണ് അമീര്‍ പേരില്‍ മാത്രമല്ല ശരിക്കും ജീവിതത്തിലും ഞാന്‍ സമ്പന്നന്‍ ആണ്. ഹൈദരാബാദില്‍ ഒരു കമ്പനിയില്‍ സിസ്റ്റം അനലൈസര്‍ ആയി ഇപ്പോള്‍ ജോലി ചെയ്യുന്നു ഞാന്‍ താമസിക്കുന്നത് അനന്തപുര്‍ ആണ്. ആന്ധ്രാപ്രദേശിലെ ഒരു കൊച്ചു വില്ലേജ് ആണ്. എന്‍റെ വാപ്പ അനന്തപുരിലെ ഏക്കര്‍ കണക്കിന് കൃഷി സ്ഥലങ്ങള്‍ ഉള്ള വലിയ സമ്പന്നന്‍ ആയിരുന്നു. വീട്ടില്‍ എല്ലാവരും ആദ്യമായി കിട്ടിയ ജോലി എന്തിനാ കളയുന്നത് എന്ന് ചോദിച്ചത് കൊണ്ടാണ് എനിക്ക് ഒട്ടും താല്പര്യം ഇല്ലാഞ്ഞിട്ടും ജോലിക്ക് പോയത്.
എന്‍റെ വാപ്പ ഞാന്‍ ചെറുതായിരിക്കുമ്പോള്‍ തന്നെ മയ്യത്തായി. അതിനുശേഷം എന്‍റെ ഉപ്പുപ്പയും ( ഉമ്മയുടെ വാപ്പയും ) വല്യുമ്മയും ( ഉമ്മയുടെ ഇത്താതയും ) ഞങ്ങളുടെ കൂടെയായി താമസം. വല്യുമ്മയുടെ ഭര്‍ത്താവ് വര്‍ഷങ്ങള്‍ക്ക് മുമ്പേ മയ്യത്തായിരുന്നു അവര്‍ക്ക് കുട്ടികളും ഇല്ല.
