“…ഞാനതൊക്കെ പറഞ്ഞു പിന്നെ ഗൾഫല്ലെടി തോന്നുംപോലെ വന്നു പോവാനൊന്നും പറ്റില്ലല്ലോ അത് കൊണ്ടായിരിക്കും പോയിട്ടിപ്പോ നാല് മാസമല്ലേ ആയുള്ളൂ പെട്ടെന്ന് ലീവ് കിട്ടില്ലായിരിക്കും. “…
“…ഡീ പോത്തേ ലീവൊക്കെ കിട്ടും അതൊക്കെ വെറുതെ പറയുന്നതാ.എമെര്ജെന്സി ലീവെടുത്ത് വരണം ന്താ അത് പറ്റില്ലെ”…
“…ആ അത് ശരിയാണ് എന്നാലും ലീവ് കിട്ടിയില്ലെങ്കിലൊ”…
“… അത് കിട്ടും ഇപ്പൊ നാല് മാസമായില്ലേ ഒന്നോ രണ്ടോ ദിവസത്തേക്ക് വേണെങ്കിലും കിട്ടും പക്ഷെ സ്വന്തം കാശു മുടക്കി വരേണ്ടി വരും.പെണ്ണെ എന്റെ ചേട്ടന്റെ ഒരു ബന്ധു ഇത് പോലെ രണ്ട് ദിവസത്തിനായി വന്നിട്ടുണ്ട് അറിയോ. “…അവരുടെ വീടും സ്ഥലവും ഹൈവേ വികസനത്തിന് സർക്കാർ എടുത്തപ്പോൾ ചെറിയൊരു കേസായി.പുള്ളിക്കും കൂടി അവകാശമുള്ളതു കൊണ്ട് പുള്ളീടേം കൂടി ഒപ്പു വേണമായിരുന്നു.അങ്ങനെ രണ്ട് ദിവസത്തെ ലീവിന് വന്നു.അതിനടുത്ത ദിവസം വെള്ളി ആയതു കൊണ്ട് മൂന്നു ദിവസം കിട്ടി. “…
“…ഊം അത് കൊള്ളാം പക്ഷെ നമ്മളുദ്ദേശിക്കുന്ന സമയത്ത് വരാനും പോകാനുമുള്ള ടിക്കെറ്റ് ചാർജ്ജ് കൂടുതലാണെങ്കി ഇതൊന്നും നടക്കൂല.ആ എല്ലാം കൂടി ഒന്നിച്ച് വരുവാണെങ്കി നോക്കാം അല്ലെടി. “…
“…ആ നിന്റെ ഗ്രഹനില കൊടുത്തിട്ടു എന്തായി നോക്കി വല്ലതും പറഞ്ഞൊ”…
“…ആ അത് പറഞ്ഞില്ലല്ലോ ഡീ അതിന്റെ കാര്യം മറന്നു പോയി.തിരിച്ചു പോരാൻ നേരമാണ് കൊടുത്തതു. “…
“…ആ പഷ്ട് പിന്നെ നിനക്കെന്തായിരുന്നെടി അവിടെ പരിപാടി. “…
“…പെണ്ണെ അതല്ല ഈ ഗ്രഹനിലയുടെ കാര്യമൊക്കെ അങ്ങ് മറന്നു പോയി .അമ്മയുടെ കാര്യം ഓർക്കുമ്പോ ഭയങ്കര വിഷമവും തോന്നും.കഴിഞ്ഞ പ്രാവശ്യം പോലല്ലാരുന്നു അമ്മ.ഒരു വാക്കു കൊണ്ട് പോലും എന്നെ കുത്തി നോവിച്ചില്ല.നല്ല സ്നേഹമായിരുന്നു.ആ ഒരു സന്തോഷത്തിൽ ഞാൻ ഗ്രഹനിലയുടെ കാര്യമൊക്കെ അങ്ങുമറന്നു .വൈകിട്ട് പോരാൻ നേരം ഓട്ടോക്കാരനെ വിളിക്കാൻ ഫോണെടുത്തപ്പോഴാണ് ബാഗിൽ ഗ്രഹനില ഇരിക്കുന്നത് കണ്ടത്. “…
“…ആ അമ്മയെ കുറ്റം പറയാൻ പറ്റില്ലെടി പാവം അവർക്കു ഒരു പേരക്കുട്ടിയെ കൊടുത്താൽ അവരുടെ ജീവിതം തന്നെ മാറും നോക്കിക്കോ. “…
“…അതാടി ഇപ്പൊ എന്റെയും ആഗ്രഹം ഒരു കുഞ്ഞിനെ പ്രസവിച്ചു കൊടുക്കണം പിന്നെ രാജീവേട്ടനെ അവരുടെ മുന്നിൽ കൊണ്ട് നിറുത്തണം.ഇത് രണ്ടും കഴിഞ്ഞിട്ടേ ഉള്ളൂ വേറെ എന്തും”…
