കണ്ണന്‍ ഒന്ന് മടിച്ചെങ്കിലും പിന്നെ അത് വാങ്ങി. അത് തുറന്ന് പഞ്ഞിയെടുത്ത് ചുണ്ടിന് കീഴെയുള്ള ചോര ഒപ്പിയെടുത്തു. പിന്നെ അതില്‍ നിന്ന് മുറിയുടെ ഓയില്‍മെന്‍റ് എടുത്ത് വിരലിലാക്കി മുറിയില്‍ വെച്ചു…. ചെറിയ ഒരു നീറ്റല്‍ ഉണ്ട്…. അപ്പോഴെക്കും ബെല്ലടിച്ചിരുന്നു.
കണ്ണന്‍ ബോക്സ് തിരിച്ചടച്ച് പ്രിന്‍സിപ്പാളിനെ എല്‍പിച്ചു….
താങ്ക്യൂ സര്‍…. കണ്ണന്‍ നന്ദി രേഖപ്പെടുത്തി…. പ്രിന്‍സി അത് വാങ്ങി പഴയ സ്ഥലത്ത് വെച്ചു….
അവന്‍ തന്നെയും സെക്യുരിട്ടിയെയും കൈയേറ്റം ചെയ്തപ്പോ പോലിസിനെ വിളിക്കാന്‍ നിന്നതാ ഞാന്‍… അപ്പോഴാണ് തന്‍റെ കലാപരുപാടി…. പ്രിന്‍സിപാള്‍ ചിരിയോടെ പറഞ്ഞു….
കണ്ണന്‍ വിനയപൂര്‍വ്വം ചിരിച്ചു… ഒന്ന് തല ചൊറിഞ്ഞ് അവിടെ നിന്നു…
ഉം…. താന്‍ കരട്ടെ പഠിച്ചിട്ടുണ്ടോ…. പ്രിന്‍സിപ്പാള്‍ ചോദിച്ചു….
ഇല്ല സാര്‍… പണ്ട് കളരി കുറച്ച് പഠിച്ചിട്ടുണ്ട്…. ചെറിയച്ഛന്‍ നിര്‍ബന്ധിച്ച് പഠിപ്പിച്ചതാ…. പൂര്‍ത്തിയാക്കാന്‍ പറ്റിയില്ല…. കണ്ണന്‍ പറഞ്ഞു
അതിന്‍റെയാ ഈ മെയ് വഴക്കം…. അല്ലാ…. ആ സ്റ്റേമ്പുമായി വന്നവന് വേറെ പ്രശ്നം വല്ലതും ഉണ്ടാവുമോ…. അവന്‍ പിന്നെ എണിറ്റിട്ടില്ല…. പ്രിന്‍സി അശങ്കയോടെ ചോദിച്ചു….
ഇല്ല സാര്‍…. ഒന്ന് വൈദ്യനെ കണ്ട മതി…. മര്‍മ്മത്തില്‍ അടി കിട്ടിയതിന്‍റെയാ…. കണ്ണന്‍ ചിരിയോടെ പറഞ്ഞു….
ശരി…. ഇപ്പോ താന്‍ പൊക്കോ…. ബെല്ലടിച്ചില്ലേ….
താങ്ക്യു സര്‍….. കണ്ണന്‍ തിരിച്ച് നടന്നു…..
അതേയ്…. ഈ കളരി കോളേജിലെ പിള്ളേരുടെ അടുത്തേക്ക് വേണ്ടാ ടോ…. നടന്നകന്ന കണ്ണനോടായി പ്രിന്‍സി വിളിച്ചു പറഞ്ഞു….
ഇല്ല സാര്‍…. കണ്ണന്‍ ഒന്ന് തിരിഞ്ഞുനോക്കി പുഞ്ചിരിയോടെ പറഞ്ഞു. പിന്നെ തിരിഞ്ഞ് നടന്നു….
അവന്‍ റൂമില്‍ നിന്നിറങ്ങി… നേരെ ക്ലാസിലേക്ക് വിട്ടു….
ക്ലാസില്‍ സുനന്ദ മിസ്സായിരുന്നു. കണ്ണന്‍ ക്ലാസിന്‍റെ ഡോറിലെത്തി…
മിസ്സ്…. മെ ഐ….. കണ്ണന്‍ വാതിലില്‍ നിന്ന് ചോദിച്ചു… ക്ലാസില്‍ ശ്രദ്ധിച്ചിരുന്ന ഗോള്‍സും മിസ്സും അവനെ നോക്കി….
എന്താ…. തല്ലുംപിടിയോക്കെ കഴിഞ്ഞോ…. മിസ് ഒരു പുഛത്തോടെ ചോദിച്ചു….
കഴിഞ്ഞു മിസ്…. കണ്ണന്‍ തല ചൊറിഞ്ഞുകൊണ്ട് പറഞ്ഞു…. തല താഴ്ന്ന പോയിരുന്നു ബഹുമാനം കൊണ്ടല്ലേ… ചമ്മലുകൊണ്ടാണ്….
പ്രിന്‍സിപ്പാളെ കണ്ടോ…. മിസ് വീണ്ടും ചോദിച്ചു….
കണ്ടു മിസ്….
എന്തു പറഞ്ഞു…..
ഇനിയുണ്ടാവരുതെന്ന് പറഞ്ഞു…. മരുന്നും തന്നു….
ഉം…. ഗേറ്റീന്‍….. മിസ് അനുവാദം നല്‍കി. കണ്ണന്‍ ക്ലാസിലേക്ക് കയറി. തന്‍റെ സീറ്റില്‍ പോയിരുന്നു.
എല്ലാവരും ഒരു അന്യഗ്രഹജിവിയെ പോലെ അവനെ നോക്കി…. അവരുടെ കണ്ണില്‍ ഭയമാണോ അതോ പ്രണയമോ…. ആ ആര്‍ക്കറിയാം…. പെണ്ണിന്‍റെ മനസ് ദൈവത്തിന് പോലും ഗണിച്ച് പറയാന്‍ പറ്റില്ല….
