ബാക്കി അടുത്ത പാർട്ടിൽ.
(തുടരുന്നു)
ബെഡിൽ നിന്നുമെഴുന്നേറ്റ അനന്തു ഉറക്കച്ചവോടെ കണ്ണുകൾ തിരുമ്മി തുറന്നു.
എന്നിട്ട് കയ്യും മുഖവും ഒക്കെ കഴുകി പല്ലും തേച്ച് നേരെ താഴേക്ക് ഇറങ്ങി വന്നു.
അവിടെ മുത്തശ്ശനും മുത്തശ്ശിയും ഒക്കെ പ്രാതൽ കഴിക്കാനിരിക്കുകയായിരുന്നു.
അവരുടെ കൂടെ അനന്തുവും ഇരുന്നു.
സീതമ്മായിയും മാലതിയമ്മയും ആണ് ഫുഡ് വിളമ്പുന്നത്.
അഞ്ജലിയും ശിവയും രംഗത്തേയില്ല.
നല്ല പൂപോലെ മൃദുലമായ പുട്ടും കടല കറിയും.
അനന്തു അത്‌ വയറു നിറയെ വെട്ടി വിഴുങ്ങി.
അപ്പോഴാണ് ശങ്കരൻ മുത്തശ്ശൻ ഒരു കാര്യം ഓർത്തത്.
മോനെ ദേവാ…… ബഷീർ വിളിച്ചിരുന്നു…… ബുള്ളറ്റ് ശരിയാക്കിയെന്ന് വിളിച്ചു പറയാൻ.
ആണോ ഐവാ…… എങ്കിൽ ഞാനിപ്പോ തന്നെ പോയെടുക്കാം മുത്തശ്ശാ
ദേ അച്ഛാ ചെറുക്കന്റെ ചുറ്റിക്കളി ഇച്ചിരി കൂടിയിട്ടുണ്ട്….. ഇപ്പൊ വീട്ടിൽ വരാനേ അവന് നേരമില്ല….. നാട് മൊത്തം തെണ്ടി നടക്കുവാ.
മാലതി പറയുന്നത് കേട്ട് അനന്തു ഞെട്ടി.
ഒന്നു പോടി……. അവനേ ഈ തേവക്കാട്ട് ശങ്കരന്റെ കൊച്ചുമകനാ……. ഈ ദേശം ഗ്രാമം അവന്റെ സ്വന്തവും…… അവന് എങ്ങോട്ട് വേണേലും എപ്പോ വേണേലും പോകാം..
മൂത്തശ്ശന്റെ സപ്പോർട്ട് കിട്ടിയതും അനന്തു ഞെളിഞ്ഞിരുന്നു.
മോൻ അവള് പറയുന്നതൊന്നും കാര്യക്കണ്ട…… എങ്ങോട്ട് വേണേലും കറങ്ങാൻ പൊക്കോട്ടോ
മുത്തശ്ശിയുടെയും സമമ്മതം കിട്ടിയതും പിന്നെ അനന്തുവിന് ഇരിക്കപൊറുതി ഇല്ലാതായി.
ഫുഡ് ഒക്കെ കഴിച്ചു ഒരേമ്പക്കവും വിട്ട് അനന്തു നേരെ അഞ്ജലിയുടെ മുറിയിൽ ചെന്നു.
അവിടെ ആളെ ഒന്നു കാണാത്തതിനാൽ നിരാശയോടെ അവൻ തിരികെ പോരാനൊരുങ്ങുമ്പോഴാണ് ബാത്റൂമിൽ നിന്നും ഫ്ലഷ്‌ ചെയ്യണ ശബ്ദം കേട്ടത്.
അപ്പൊ ആള് ഇവിടെ തന്നെയുണ്ടെന്ന് മനസിലായ അനന്തു ചിരിയോടെ നേരെ ബെഡിൽ പോയിരുന്നു.
അപ്പോഴാണ് ടേബിൾ ലാമ്പിന് കീഴെ ദേവൻ അമ്മാവന്റെ ഡയറി കിടക്കുന്നത് അവൻ കണ്ടത്.
അത്‌ കണ്ടതും അനന്തുവിന്റെ ചിരി പതിയെ മങ്ങി.
എന്താണ് നന്ദുവേട്ടാ…… ഡയറി കണ്ടപ്പോഴേ ചിരിയൊക്കെ വാടിയോ?
അഞ്ജലി കള്ള ചിരിയോടെ ചോദിച്ചു.
ഇതെന്താ ഇവിടെ? ഇത് ഞാൻ അന്നേ കളയാൻ പറഞ്ഞതല്ലെ?
അനന്തു ഇഷ്ട്ടക്കേടോടെ ചോദിച്ചു.
