ആദി : ഇവള്…നീ അന്ന് ഇങ്ങനെയൊന്നും അല്ലല്ലോ പറഞ്ഞിരുന്നത് അവമ്മാർക്കിട്ട് കൊടുക്കാത്തതിന് എന്നെ കടിച്ചു കീറാൻ നിന്നതൊക്കെ മറന്നു പോയോ
രൂപ : അതൊക്കെ അന്ന് ഇനി തല്ലും പ്രശ്നവും ഒന്നും വേണ്ട വാക്ക് താ
ആദി : ശെരി ഇനി തല്ലുണ്ടാക്കില്ല പോരെ
രൂപ :ഉം
ആവർ രണ്ടു പേരും വീട്ടിലേക്ക് കയറി
രൂപ : ഞാൻ വെള്ളം എടുത്തിട്ടു വരാം ഗുളിക കഴിക്കേണ്ടതല്ലേ
ഇത്രയും പറഞ്ഞു രൂപ കിച്ചണിലേക്ക് പോയി വെള്ളവുമായി എത്തി
രൂപ : ഇതാ കഴിക്ക് നല്ല ചതവുണ്ടെന്നാ ഡോക്ടർ പറഞ്ഞത് ഗുളിക മുടക്കാൻ പറ്റില്ല
ആദി : എന്നെ മാത്രം തീറ്റിക്കാതെ നീയും എടുത്ത് കഴിക്ക്
ആദി പതിയെ ഗുളിക കഴിച്ചു ഇത് കണ്ട രൂപ ക്ലിനികിൽ നിന്ന് കിട്ടിയ ഓയിന്റ്മെന്റുമായി ആദിയുടെ അടുത്തേക്ക് എത്തി ശേഷം അത് മുഖത്തെ മുറിവുള്ള ഭാഗങ്ങളിൽ ഇട്ടുകൊടുക്കാൻ തുടങ്ങി
ആദി : എല്ലായിടത്തും നീലിച്ചിരിക്കുവാണല്ലോ ദൈവമേ
ഇത് പറയുബോൾ രൂപയുടെ കണ്ണുകൾ നിറഞ്ഞിരുന്നു
ആദി : ഓഹ് വീണ്ടും തുടങ്ങി ഇത് നാളെ അങ്ങ് പോകുമെടി
ഇത്രയും പറഞ്ഞു ആദി രൂപയുടെ മൂക്കിലേക്ക് പതിയെ തടകി
ആദി : എന്റെ കാര്യം മാത്രം നോക്കാതെ നിന്റെ കാര്യം കൂടി ശ്രദ്ധിക്കടി നല്ല വേദനയുണ്ടെന്ന് എനിക്ക് അറിയാം
ഇത്രയും പറഞ്ഞു ആദി പതിയെ രൂപയുടെ മൂക്കിൽ മുത്തി
രൂപ : ഒന്നുമില്ലടാ അപ്പൊഴത്തെ ഒരു വേദനയെ ഉണ്ടായിരുന്നുള്ളു
ആദി : ആ കണ്ണിലെ പാട് ഒന്ന് മാറിയതെ ഉള്ളു അതിനിടക്ക് ആ കോപ്പമ്മാര് വിഷ്ണുവേട്ടൻ വന്നത് കൊണ്ടാ ഇല്ലായിരുന്നെങ്കിൽ
രൂപ : മതി വെറുതെ ദേഷ്യപ്പെട്ട് ഉള്ള എനർജി കൂടി കളയണ്ട ഞാൻ പോയി ഒരു ചായ ഇട്ടോണ്ട് വരാം അതുവരെ മിണ്ടാതെ ഇരിക്ക്
